Hibru 9:17 - Aria New Testament

¹⁷ E langka gute tonari dau dong e mete kovok deka osep ka iye rere isak ine tikaranga tidue ila wan matamuli kovok. Kesua iye dau dong. E langka iye mete deka osep ka iye rere isak ine tikaranga tidue ila wan matamuli.

Hibru 9:17 ပူးပေါင်းရင်းမြစ်များ

Jon 14:27

“Ngasongon umu e dau ngadue lou elio ka aitno lumu dong epen dong kap umu. Ngakar elio tonari ke umu e iye langka elio ka osep ka taklak ina aitno lisak dong epen kovok. Aitno lumu kro ke wan bitna bitna kovok e umelim kovok.

Galesia 3:15

Sipmi. Ngawai nisngen ke itosep udo elio langane. Langka gute gesa aitno mter langka isuk boto iye ma mete deka iye sogo pelengon langka iye ma kar ila wan bitna bitna ke titno. Deka ila pelengon tonari polou langka promis dagar. E gute gesa karanga wai langane kovok. “Ma itedidi promis dagar are kovok.” Aurou.

Hibru 9:16

Ma ngawai pelengon ano ke umu. Langka gute gesa waiki alo ka iye mete ma ila wan matamuli la ke osep ka iye rere isak ine deka iye sogo ine ke pepa. Deka alo ka gute tonari mete e osep tile ine ila wan matamuli la ke osep ka iye rere isak ine.

Hibru 9:18

E langane ke kontrak oglou ina blang. Alo ari osep timke ongwa e inarak marau baser e elio ane nis osep Ida Tapolngon due ila pelengon dagar dong.