Hibru 9:15 - Aria New Testament

¹⁵ Krais loulou ke ite deka iye due Ida Tapolngon ila kontrak oku ina polou kesua Ida Tapolngon waiki osep ka iye rere isak ila osep tidue wan ka iye wai dagar ma tidue e wan tonari dong vala dong. Yesus ina marau e ina metengen kli urok elio epmes ina bitna bitna ka tidue alo ka oglou tididi Moses ila sogongon.

Hibru 9:15 ပူးပေါင်းရင်းမြစ်များ

Matyu 19:29

E gute gesa ka songon ila ninu koke ina saiver koke ina titovro koke sulutno koke timla koke tna koke titno koke ila yage kesua batne iye didi ngong ma iye due wan tonari polou langka aling bunokene. E ma iye due mosongon ka dong vala dong.

Matyu 22:3

E iye vai ila wokboi nating ma tiwai ke osep ka iye waiki time ke gingen ina rogo ma time. E tiwaiki time kovok.

Matyu 25:34

Deka ma gute ka vri mgo ke omur are wai ke osep ka tidong ke galna odung langane. ‘Umu osep ka Livou due aitno lumu itau itau umomo e umodue omur ka Ida Tapolngon rere ke umu alo ka iye tapol wan ka pula keniye.

Matyu 25:36

E alo ka ngadong ten ngong ovuk e lou klos kovok umakar klos ke ngong ma ngatnei e alo ka ngapaia umaplau ngong e alo ka ngadong ke kalabus umomo e umavati ngong.’

Mak 10:17

Alo ka Yesus nogrum la ke ila langan gute gesa suong me polou ke iye e grum kamla ke bitna deka wai langane. “Wom gute parerengen ina ka itau ma ngadue sua deka ngadue mosongon ka dong vala dong?”

Luk 18:18

Mase gute gesa ka angaine omba pmi Yesus langane. “Gute parerengen ina ka itau ma ngadue sua ma ngadue mosongon ka dong vala dong?”

Luk 22:20

Alo ka tingen yagos iye due kap ka aki wain dong ine e wai ke isak langane. “Aki wain ane iye kontrak oku ka ngadue ke ngau marau ka baser ma lua umu.

Jon 10:28

E ngakar isak mosongon ka dong vala dong e ma timete kovok e gute kene karanga pi isak ke lungu kovok.

Aposel 20:32

“E eknikane ngawai ke umu langane. Ida Tapolngon kis umu dagar e kere umu itau. E ila pelengon ka didi ila makaingan karanga due umu umodong dagar lokono e ma iye lua umu ke ila kerengen langka iye lua osep keniye ka iye rere isak ila osep.

Pas ka Pol sogoe uti la ke osep Rom ina 5:10

Oglou Ida Tapolngon ina oul itosep. E ari iye due Otno Arang ma iye kasip amunte. E elio ka iye due Otno Arang kasip amunte due aitno epen ke ite ma iye due mada ke ite. Iye due mada ke lite e due ite itopolou sisrok batne ke Yesus ka lua ite kodong iye dong.

Pas ka Pol sogoe uti la ke osep Rom ina 5:6

Oglou elio epmes ina kading itosep. E ari iteile ke ekreng itau gesa ka karanga lua ite ma itomole udo elio epmes ina kovok. Ari Ida Tapolngon didi aitno e pagei Yesus me polou ke ite ma ina metengen kli udo elio epmes ina.

Pas ka Pol sogoe uti la ke osep Rom ina 5:8

Yesus ulou ke ina metengen ka kasip amunte kovok. Aurou. Iye mete vala. Oglou ari itosep ka pula keniye ite osep epmes ina e itodue elio epmes ina vala. E ari Ida Tapolngon pagei Yesus me polou ke ite ma kasip amunte. E Yesus kasip amunte e mete batne ke udo elio epmes ina. Kesua Ida Tapolngon lana iye ke itosep ka pula keniye.

Pas ka Pol sogoe uti la ke osep Rom ina 6:23

E osep ka tidue elio epmes ina bitna bitna ma timete ine. Kesua elio epmes ina ina klingen metengen. E ite ka Ida Tapolngon klok udo elio epmes ina kodong iye kar ite mosongon ka itau ka dong vala dong. Iye lua ite batne ke Ida Puda Yesus Krais dong e itokoli batne la ine kovok.

Pas ka Pol sogoe uti la ke osep Rom ina 8:28

E iteile omur ine langane. Ite ka ite lana ite ke Ida Tapolngon iye rere ite ila osep kodong. E elio keniye ka polou ke ite batne langane. Ida Tapolngon due isak tipolou ke ite ma tilua ite ma udo mosongon polou itau lokono e ma itodue wan ka iye rere ke ite.

Pas ka Pol sogoe uti la ke osep Rom ina 8:30

Ida Tapolngon rere ite ila osep e wai langane. “Osep ka ngarere umu kodong umu lou osep.” Iye wai ke ite langane kodong e due ite itopolou itau e osuk ke bitna. Deka osep ka tipolou itau e osuk ke bitna iye kakai isak.

Pas ka Pol sogoe uti la ke osep Rom ina 9:24

E langane. Osep tonari ka iye rere ma tidong ke ila bublongon isak itosep ane. Iye rere osep leklou ka itosep Yuda ina e osep leklou blang ka isak osep Yuda ina kovok.

2 Korin 3:6

Iye vala due imi imopolou ila osep bokongon ina ke kontrak oku. Kontrak oku iye wan ka tisogoe ke buk kovok. Aurou. Iye wan ka me ke Ano Itau. Kesua wan ka tisogoe ke buk paur metengen e wan ka me ke Ano Itau kar mosongon ka dong vala dong ke osep.

Galesia 3:20

Gute airavu ina dong alo ka osep orwo urok pelengon para pulu ma iye due aitno lisak kene pulu. E Ida Tapolngon iye kene vala e iye kar promis dagar ke Abraham.

Efesus 1:7

E Yesus ina metengen e ina marau kli udo elio epmes ina deka elio epmes ina tonari munu pes ite kovok. Deka Ida Tapolngon didi ila makaingan ka ombatno lokono e klok udo elio epmes ina.

2 Tesalonaika 2:14

Oglou Ida Tapolngon rere umu e imanapapra omon itau ke umu deka umopolou ila osep ine. Iye rere umu ila osep kesua iye waiki umodong kap iye e umaplau omur kap iye.

1 Timoti 2:5

Iteile Ida Tapolngon kene vala dong. E gute kene vala vri airavu ke ite e Ida Tapolngon e loulou ke ite. Gute tonari Krais Yesus.

2 Timoti 2:10

Osep tidue agegeng ke ngong e dau ngadong dagar ine kesua ngawaiki ngalua osep ka Ida Tapolngon rere isak ila osep. Ma Krais Yesus lua isak ke urok elio epmes ina e tidue mosongon ka dong vala dong kap iye.

Taitus 1:2

Ngaboko ma ngalua aitno lisak ila dagar ma aitno lisak mter ke urok mosongon ka dong vala dong alo ka itodong kap Ida Tapolngon. Oglou oglou ari alo ka Ida Tapolngon dau tapol wan gesa kovok iye wai dagar ma iye kar mosongon tonari ke ite. E iteile iye yakyak kovok.

Taitus 3:7

Ida Tapolngon makai ite e due ite itopolou itau lokono ke bitna. Ke elio langane iye rere ite ma itodong ke udo mosongon ka oku ina aling aling. E itodong itapara ke udo mosongon ka dong vala dong.

Hibru 10:34

E alo ka osep tidue lumu saten tisep ke kalabus deka aitno lumu langka umodong ke kalabus kap isak. E alo ka osep tipi lumu wan deka aitno lumu epen ine kesua umeile lumu wan ka mole wan tonari dong para ke umu ke omur heven.

Hibru 10:36

Ma umodong dagar e umedidi Ida Tapolngon aitno ke wan bitna bitna ka iye waiki umodue. Umodue langane deka Ida Tapolngon ma kar umu wan bitna bitna ka iye wai dagar ine kodong.

Hibru 11:13

Osep tonari aitno lisak dagar ke Ida Tapolngon la lama timete e dau aitno lisak dagar ke Ida Tapolngon. E ari tidue wan bitna bitna ka Ida Tapolngon wai dagar ine kovok. Isak langka tivati wan ka dong mawa e tidue kovok. E tiwai langane. “Imodong ke osep silang urok omur e imodong langka imi osep kaulei.”

Hibru 12:24

Umopolou ke Yesus ka loulou ke ite ke Ida Tapolngon ila kontrak oku ina. E umopolou ke Yesus ina marau ka baser polou e kli udo elio epmes ina e lua ite. Yesus ina marau nisngen omba e mole Abel ina marau.

Hibru 13:20

Ida Puda Yesus plau ite itau langka gute ka plau sipsip plau isak itau. Yesus ina marau due Ida Tapolngon ila kontrak oku ina ka dong vala dong polou lokono. E Ida Tapolngon ka due aitno lite dong epen due Yesus poga tito ke ina denga.

Hibru 2:14

Osep tonari ka Yesus wai ine isak osep vala. E Yesus me polou langka itosep ma iye mete e ina metengen due Satan ila arit ka due osep timete polou yagos.

Hibru 3:1

Sipmi. Umu ka Ida Tapolngon ka dong ke omur heven rere umu ila osep e ma umodong kap iye ngawai ke umu langane. Aitno lumu mter ke Yesus ka aitno lumu dagar ke iye. Ida Tapolngon pagei iye ma iye polou udo gute loulou ina ka mgo.

Hibru 6:13

Oglou ari Ida Tapolngon wai promis ke Abraham ke iye tona angaine. Kesua gute gesa dong ka mole iye ka iye karanga wai promis ke angaine kovok. Deka iye wai ke Abraham ke angaine vala.

Hibru 6:15

E Abraham dong para e kerker kovok e ile mase ma iye due wan ka Ida Tapolngon wai promis ine.

Hibru 7:22

Ida Tapolngon wai dagar ke iye tona angaine deka ke batne langane Yesus due kontrak oku ina polou. E kontrak oku ina mole Moses ila sogongon.

Hibru 8:13

Ida Tapolngon ila pelengon ka la ke ila kontrak oku ina nis ite iye due Moses ila sogongon polou yagos. E wan ka polou oglou ina e isuk boto yagos dong sasi boto vala e mase polou yagos kodong.

Hibru 9:12

E Krais due meme koke bulmakau titno inarak marau e iye sep ke Ida Tapolngon ila ninu kovok. Aurou. Iye due elio opmu ina ke iye tona ina marau e iye sep ke Ida Tapolngon ila ninu ina Eliang Ka Itau Lokono aling kene vala. Deka iye kli udo elio epmes ina dong vala dong.

Hibru 9:16

Ma ngawai pelengon ano ke umu. Langka gute gesa waiki alo ka iye mete ma ila wan matamuli la ke osep ka iye rere isak ine deka iye sogo ine ke pepa. Deka alo ka gute tonari mete e osep tile ine ila wan matamuli la ke osep ka iye rere isak ine.

Hibru 9:28

Krais mete langka wan ka osep tidue elio opmu ina ine aling kene vala. Deka ma iye polou aling silang blang ma kli udo elio epmes ina aling silang blang kovok. Aurou. Iye ma iding e lua osep ka tipara ke iye.

Jems 1:12

Gute ka vri dagar alo ka wan polou ka opru iye ma Ida Tapolngon aitno itau ke iye e kere iye itau. Kesua mase ma Ida Tapolngon kar iye wan itau langka osep ka timole resis tidue. Wan ane mosongon itau ka iye wai promis ine ke osep ka isak lana isak ke iye.

1 Pita 3:18

Aitno lumu mter ke Krais. Oglou iye mete aling kene batne ke udo elio epmes ina. Ite osep epmes ina e iye dong itau lokono. E iye mete ma iye paur ite ke Ida Tapolngon. Osep timluk Krais pampamu ine e iye mete deka Ida Tapolngon due poga tito ke ina denga e iye dong ano ke omur heven.

1 Pita 5:10

Ida Tapolngon iye makaingan batne e iye gi umu ke Krais angaine ma umodong kap iye ke ila bublongon ka dong vala dong. Lama oku ane umanamani agegeng mase ma agegeng yagos e Ida Tapolngon ma due umu umodong itau blang. E iye due aitno lumu ila dagar dong dagar lokono e due umu ma umevri dagar.

1 Jon 2:25

E Krais wai promis kodong ma iye kar mosongon ka dong vala dong ke ite.

Pelengon kukwopngon 5:9

E tidue sakul oku gesa langane. “Amkaranga omdue buk e amkaranga emkles pou-ngon lumorwo ke buk tonari. Kesua osep timluk wom emmete e ngap marau baser e emkli osep urok elio epmes ina e tipolou Ipem Tapolngon ila osep ine. Emkli osep ke osua ka pula keniye e osep ka tiwai tokples bitna bitna e osep ka tarna lisak bitna bitna e osep ke omur ka pula keniye ke taklak.