Hibru 9:14 - Aria New Testament

¹⁴ Lama elio tonari dong Krais ina marau mole wan keniye inarak marau. Elio kene gesa vri ke Krais kovok deka ke Ano Itau ka dong vala dong iye pli tarna e mete langka osep tidue elio opmu ina ke iye. E iye due aitno lite polou itau lokono deka aitno lite mter kovok ke elio bitna bitna ka karanga lua ite kovok. E itodue Ida Tapolngon ka dong vala dong ila bokongon.

Hibru 9:14 ပူးပေါင်းရင်းမြစ်များ

Matyu 12:28

E alo ka ngadue Ida Tapolngon Ano Itau ila arit e ngasapir angelo soulu elio are nis umu omur ka Ida Tapolngon plaue polou ke umu kodong.

Matyu 16:16

E Saimon Pita wai langane. “Wom gute Krais ka Ida Tapolngon rere ma iye lua osep ke urok elio epmes ina. Wom Ida Tapolngon ka dong vala dong Otno Arang.”

Matyu 20:28

Kesua Gute Ka Polou Langka Osep me ma osep tidue wan ka lua iye tona kovok. Aurou. Iye me ma iye lua osep e mete ma iye kli osep urok elio epmes ina.”

Matyu 7:11

Lumu elio soulu e dau umakar wan itau ke titopmu. E Pmomu ka dong ke omur heven ma iye kar wan itau ke osep ka tipmi iye ine.”

Luk 1:74

Ma iye pi ite ke ida oul limsak ma tivri mgo ke ite kovok e ma itakaranga itodue ila bokongon e itelim ke osep kovok.

Luk 12:24

Aitno lumu mter ke daila. Tiser wan londo ke yage deka tipi wan ka polou anino kovok e urok ngangon ina ninu ka tidue ngangon sep ine dong kovok. E dau Ida Tapolngon kar ngangon ke isak. E umu osep umomole monuk.

Luk 12:28

Gras dong ke yage eknikane e kotu osep tibloue e tiurie ke eiou. E langka Ida Tapolngon bares gras ka dong sasi boto vala itau ma iye bares umu itau lokono. E umu osep ka aitno lumu ila dagar daudeng boto.

Luk 4:18

“Ida Tapolngon Ano dong ke ngong kesua iye rere ngong ma nganapapra omon itau ke osep ka urok wan isuk boto vala. Iye pagei ngong ma ngapalongo osep ka tidong ke kalabus ma tikaranga kla e tidong fri e ngapalongo osep ka amtarsak evin ma tivati omur blang e ngapalongo osep ka wan bitna bitna opru isak ma timole wan tonari.

Jon 3:34

Kesua gute ka Ida Tapolngon pagei me napapra ila pelengon e Ida Tapolngon due Ano Itau ila arit bon ke iye.

Aposel 1:2

Ke mgongon alo ka iye me mgo iding ke oklou ka iye bauluk tito ke omur heven. Ke oklou ka iye tito ke omur heven Ano Itau due Yesus aitno ma iye kar ila pelengon ke osep ka oglou iye rere isak ila aposel.

Aposel 10:38

Alo ari Ida Tapolngon due Ano Itau sep ke Yesus ka Nasaret ina aitno e kar iye ila arit. Deka iye lila due elio itau e lua osep ka angelo soulu due isak manga manga. Iye due elio langane kesua Ida Tapolngon dong kap iye.

Aposel 14:15

“Osep umoklingen. Umodue elio ane batne lange? Imi ane imi osep eriar langka umu. Eknikane imapaur omon itau ke umu ma umopul dogur ke lumu wan adai ane e aitno lumu la dagar ke Ida Tapolngon ka Tapolngon ka ila mosongon dong ke iye. Oglou ari kodong iye due omur ka egim e omur ka pula keniye e misuon. Iye due wan bitna bitna keniye ka tidong ine.

Aposel 15:9

Elio tonari nis ite Ida Tapolngon aitno kene ke osep ka pula keniye ka aitno lisak dagar ke Yesus. Ari aitno lisak la dagar ke Yesus deka Ida Tapolngon sak urok elio epmes ina.

Pas ka Pol sogoe uti la ke osep Rom ina 1:20

Oglou Ida Tapolngon tapol wan bitna bitna keniye ka itavati e iteile omur ine. Ila duengen keniye nis itosep ke ila elio itau lokono lama oglou itavati iye kovok. Ila duengen nis itosep ke ila arit e ke ila elio itau blang e osep ka pula keniye tivati. E osep epmes ina ka tiwai tidue elio epmes ina batne tivati Ida Tapolngon kovok ma urok pelengon batne dong kovok. Aurou. Urok pelengon bure vala.

Pas ka Pol sogoe uti la ke osep Rom ina 1:4

Mase iye me dong kap itosep. Alo ka iye dong kap ite Ano Itau dong ke aitno. Iye dong la lama iye mete deka osep tiyas iye ke ina denga e iye munu ine. Mase Ida Tapolngon didi ila arit e due poga tito e dong blang. Ila baulukngon nis itosep Ida Puda Yesus Krais iye tona Ida Tapolngon Otno Arang lokono.

Pas ka Pol sogoe uti la ke osep Rom ina 11:12

Alo ka osep Israel ina tidue elio epmes ina Ida Tapolngon due ila kerengen la ke osep ka pula keniye. E alo ka osep Israel ina tipul dogur ke Ida Tapolngon iye due ila kerengen la ke osep ka isak osep Yuda ina kovok. E langka osep Israel ina tibauluk aitno lisak la ke Ida Tapolngon ma iye due ila kerengen ka ombatno la ke osep ka pula keniye.

Pas ka Pol sogoe uti la ke osep Rom ina 11:24

Umeile langane kodong. Oglou umu ka osep Yuda ina kovok umodong langka akai oliv tetna adai ka omong aitno ina. Deka Ida Tapolngon blou umu e due umu umenepir ke akai oliv ka itau lokono batne. E langka Ida Tapolngon karanga due langane iye karanga due akai tonari tetna ka lokono ma tibauluk tinepir ke amunsak blang.

Pas ka Pol sogoe uti la ke osep Rom ina 6:13

E umadangdang pampamu lumu lama umodue elio epmes ina bitna bitna ine. Umadangdang pampamu lumu keniye ma umodue elio epmes ina ine kovok. Ida Tapolngon waiki pampamu lumu dong itau vala. Kesua umodong eriar langka osep ka oglou timete deka mase tipoga titito ke inarak denga. Ma umakar pampamu lumu ke Ida Tapolngon ma iye plau isak e ma umodue elio itau ine vala.

Pas ka Pol sogoe uti la ke osep Rom ina 6:22

E eknikane elio epmes ina plau umu kovok. Aurou. Ida Tapolngon klok lumu elio epmes ina kodong deka iye plau umu. Deka umodue elio itau vala. E elio itau ka umodue lua umu ma umopolou osep ka tidong itau e osuk ke Ida Tapolngon bitna. Ma umodong kap Ida Tapolngon e umodue lumu mosongon ka dong vala dong.

1 Korin 15:45

Ida Tapolngon ila pelengon wai langane. “Gute ka mgongon ina angaine Adam. Ida Tapolngon due polou deka iye dong.” E Ano Itau due gute Adam ka orwo ina ka me batne polou deka iye dong ma iye kar mosongon lokono ke ite.

2 Korin 5:21

Alo ka Krais dong ke taklak iye due elio epmes ina kovok. E Ida Tapolngon waiki lua osep deka iye due udo elio epmes ina ina klingen munu pes Krais e iye kasip amunte. Iye due langane ma itakaranga itodong itau e osuk ke bitna batne ke Krais.

2 Korin 6:16

Koke Ida Tapolngon ila ninu e sapingen tikaranga tidong pulu? Kesua ite keniye langka Ida Tapolngon ila ninu. Ila pelengon wai langane. “Ma ngadong kap isak e ngalila kap isak. E ma ngadong Inarak Tapolngon e ma tidong lou osep.”

Galesia 2:19

E Moses ila sogongon paur ngong ke ekreng ka la ke metengen e Moses ila sogongon nis ngong ngadong langka gute ka mete kodong.

Efesus 2:5

Iye lana iye omba ke ite e alo ari talda klingen Ida Tapolngon ila pelengon kovok e udo elio epmes ina tek ite ke Ida Tapolngon. Deka itodong langka osep ka angainsak timete kodong. E dau Ida Tapolngon makai ite e lua ite ke udo elio epmes ina. Deka iye due ite itopoga itetito e itodong blang e iteneklep ke Krais.

Efesus 5:2

Krais lana iye ke ite omba deka iye mana ke ina akai e mete ine. Iye pli tarna e polou langka sipsip gesa ka osep tidue elio opmu ina ine deka iye mete. Deka ina metengen e ina marau bakop Ida Tapolngon aitno e aitno itau ine. Deka umu lana umu ke osep eriar langka Krais lana iye ke umu. Ma lumu elio tonari langka amnangan itau lokono ka Ida Tapolngon aitno itau ine.

1 Tesalonaika 1:9

Isak tona tiwai ke elio itau ka umodue ke imi alo ka imeme ke umu. Tipalongo urok ke elio ka umopul dogur ke tapolngon yakngan ina e aitno lumu la dagar ke Ida Tapolngon ma umodue ila bokongon. Iye Ida Tapolngon ka lokono e iye dong vala dong.

1 Timoti 1:17

Ida Tapolngon plau omur ka pula keniye dong vala dong e iye mete kovok. Iye ano e itakaranga itavati iye kovok. Iye kene vala Ida Tapolngon lokono. Deka aling aling ma itakakai angaine dong mgo ke wan ka pula keniye. Lokono.

1 Timoti 3:15

E langka ngame paide kovok amvati pelengon ka ngasogoe ma emile elio itau ka ite ka Ida Tapolngon ila osep itedidie. Ite ka Ida Tapolngon ila osep itodong langka Ida Tapolngon ka dong vala dong ila sios. E sios langka kadanga komdungo ina ka dagar e kis dagar ke Ida Tapolngon ila pelengon.

Taitus 2:14

Yesus Krais mete e kasip amunte. Iye kli udo elio epmes ina e klok udo elio epmes ina la kesua iye waiki itopolou ila osep ka itau lokono. Deka itodong itau lokono sep ila sorip. E aitno lite itau lokono ma itodue elio itau vala.

Hibru 1:3

E Otno Arang nis ite ke Ida Tapolngon ila elio ka itau lokono e iye eriar langka Ida Tapolngon. E ila arit due wan ka pula keniye tiboko itau e tidong itau. Iye duru ke taklak e mete kodong deka ina marau kli osep urok elio epmes ina. Iye due langane yagos deka iye bauluk tito ke omur heven e dong ke Ida Tapolngon ka ila arit ombatno lokono limla odung.

Hibru 10:10

Yesus Krais didi Ida Tapolngon aitno deka pli tarna e mete langka iye wan ka osep tidue elio opmu ina ine. Iye due langane aling kene vala e Ida Tapolngon klok udo elio epmes ina la deka itopolou Ida Tapolngon ila osep batne ke iye.

Hibru 10:12

E udo gute loulou ina ka Krais me deka mete aling kene vala e klok udo elio epmes ina dong vala dong. Iye mete deka bauluk tito ke omur heven e dong ke Ida Tapolngon limla odung.

Hibru 10:2

Langka Moses ila sogongon karanga due osep tidong itau ke Ida Tapolngon bitna deka ina lange tidue elio opmu ina aling aling? Kesua langka langane elio ka osep kla ke Ida Tapolngon ila ninu ma tidue elio opmu ina aling aling polou yagos kodong. E osep aitno lisak mter ke urok elio epmes ina kovok e tinamani ine kovok.

Hibru 10:22

E iye ris aitno lite ke ina marau ma elio soulu vri ke ite kovok. Ane langka iye ris pampamu lite ke aki ka wan sasi dong ine kovok. Deka aitno lite kene ke Ida Tapolngon e aitno lite ila dagar dong dagar e itopolou olwo boto ke Ida Tapolngon.

Hibru 11:21

Jekop dong e aitno dagar ke Ida Tapolngon. E alo ka isuk boto iye mete iye wai ila kerengen duru dong ke Josep titno arang orwo. E iye kis dagar ke ila matu e lotuim Ida Tapolngon.

Hibru 13:12

E Yesus blang langane. Iye mete ke armok dogur e ina marau due ite itodong ila osep e itodong itau lokono ke Ida Tapolngon bitna.

Hibru 3:12

Sipmi. Umeile umu itau lama gute gesa airavu ke umu due elio epmes ina e pono aitno ke Ida Tapolngon. Deka iye pul dogur ke Ida Tapolngon.

Hibru 6:1

Deka langane. Ma imawai ke umu ke Ida Tapolngon ila pelengon ka dagar vala. Ma imawai ke umu ke pelengon mgo ka la ke Krais kovok. E ma imawai ke umu ke elio ka langane blang kovok. Elio ka umabauluk aitno lumu ke elio bitna bitna ka tikaranga tilua umu kovok e elio ka aitno lumu la dagar ke Ida Tapolngon. Langka imawai ke umu blang ke elio tonari ane langka gute sin kadangdanga aling pula e dau uri ninu ine kovok.

Hibru 7:16

Osep Livai ina tikaranga tipolou osep loulou ina batne Moses ila sogongon wai ine. E gute loulou ina oku polou batne ke ila arit ka ombatno e ke ila mosongon ka dong vala dong.

Hibru 7:27

Oglou osep loulou ina ka mgo tidue elio opmu ina ke oklou kene kene. Paide gute kene kene due elio opmu ina ke iye tona ila elio epmes ina deka iye due ke osep leklou urok elio epmes ina. E Yesus due langane kovok kesua iye pli tarna e mete aling kene vala. Deka ina metengen tonari kli osep ka pula keniye urok elio epmes ina.

Hibru 9:12

E Krais due meme koke bulmakau titno inarak marau e iye sep ke Ida Tapolngon ila ninu kovok. Aurou. Iye due elio opmu ina ke iye tona ina marau e iye sep ke Ida Tapolngon ila ninu ina Eliang Ka Itau Lokono aling kene vala. Deka iye kli udo elio epmes ina dong vala dong.

Hibru 9:26

Langka Krais mete aling pula nogrum ke alo ka Ida Tapolngon tapol wan ka pula keniye lila me iye namani doro aling pula. E alo ane iye polou ke taklak aling kene vala isuk boto ke taim ka Ida Tapolngon due wan ka pula keniye yagos. E iye kar iye tona ke Ida Tapolngon langka wan ka osep tidue elio opmu ina ine ma iye klok osep urok elio epmes ina.

Hibru 9:7

E gute loulou ina ka mgo iye kene vala karanga sep ke eliang orwo ina ka Eliang Ka Itau Lokono. E iye karanga sepe aling kene vala ke tobor kene kene. E alo ka iye sepe iye paur marau ke ongwa ke tidue elio opmu ina ine. Marau tonari karanga kli ila elio epmes ina e elio epmes ina ka osep tidue e tile itau ine kovok.

Hibru 9:9

E Ida Tapolngon ila ninu molo ina dong langka nisngen ke oku ane. Wan ka oglou osep tikare ke Ida Tapolngon e tidue elio opmu ina ine karanga due aitno lisak itau ke Ida Tapolngon bitna kovok.

1 Pita 1:19

Aurou. Iye kli umu ke Krais ina marau ka wan ka itau lokono. E Krais iye langka sipsip otno ka itau itau lokono e egle e wan soulu silang dong ke iye kovok.

1 Pita 2:22

Iye due elio epmes ina gesa kovok e iye wai pelengon yakngan kovok.

1 Pita 2:24

Krais mana ke ina akai e mete e kasip amunte. E Ida Tapolngon due udo elio epmes ina munu pes Krais pampamu ine ma aitno lite oglou ina mete e itakaranga itodue elio itau e osuk vala. Osep timluk Krais e pampamu ine amal amal ma iye lua ite ma itopolou itau blang.

1 Pita 3:18

Aitno lumu mter ke Krais. Oglou iye mete aling kene batne ke udo elio epmes ina. Ite osep epmes ina e iye dong itau lokono. E iye mete ma iye paur ite ke Ida Tapolngon. Osep timluk Krais pampamu ine e iye mete deka Ida Tapolngon due poga tito ke ina denga e iye dong ano ke omur heven.

1 Pita 4:2

E oku ane la lama iding ke alo ka lumu maglakngan yagos umedidi elio bitna bitna ka pampamu lumu waiki umodue kovok. Aurou. Umedidi Ida Tapolngon aitno vala.

1 Jon 1:7

E langka itodue elio itau vala deka itodong ke bublongon langka iye dong ke bublongon. Itodong ke bublongon deka aitno lite kene pulu e Otno Arang Yesus ina marau ris udo elio epmes ina la.

1 Jon 3:5

Umeile omur langane. Krais polou langka itosep ma iye pi udo elio epmes ina la. E elio epmes ina dong ke Krais kovok.

Pelengon kukwopngon 1:5

E makaingan blang me ke Yesus Krais ka iye palongo udo malak ke ila pelengon ka lokono lokono. Iye mgo ke osep ka pula keniye ka timole inarak denga e tipoga titito blang. E iye gute ka mgo ke osep ka tivri mgo ke omur omur ke taklak ane. Iye lana iye ke ite e ina marau klok udo elio epmes ina la.