Hibru 9:11 - Aria New Testament

¹¹ Eknikane Krais polou kodong e iye gute loulou ina ka mgo ke wan bitna bitna ka itau ka polou kodong. Iye due Ida Tapolngon ila bokongon ke ninu molo ina ka osep tiurie ke taklak ane kovok. Iye sep ke Ida Tapolngon ila ninu molo ina ka dong ke omur heven. Ninu molo ina tonari mole ninu molo ina ka osep tiurie ke taklak.

Hibru 9:11 ပူးပေါင်းရင်းမြစ်များ

Matyu 11:3

E tipmi Yesus langane. “Wom gute ka Ida Tapolngon pagei me koke ma imekrim ke gute silang?”

Matyu 2:6

Armok Betleham ka dong ke omur Judia iye armok ka adai kovok. Aurou. Iye armok ka angaine omba ke armok armok ka tidong ke omur Judia kesua mimi kene ma polou ke armok tonari e alo ka iye polou ngongle ma iye vri mgo e plau lou osep Israel ina.”

Mak 14:58

“Oglou imeklingen gute ane wai ma iye dar Ida Tapolngon ila ninu ka osep tiurie ke limsak. Iye wai ma iye dare deka mase ke oklou eklu ma iye uri Ida Tapolngon ila ninu oku ina ka osep tiurie ke limsak kovok.”

Jon 1:14

Gute ka ina sirngen Ida Tapolngon Ila Pelengon polou langka itosep e ke sasi boto iye dong kap ite e itavati ila bublongon e ila arit ka ombatno. Iye dong langane kesua iye Ida Tapolngon Otno Arang ka kene vala e elio ka iye makai ite e wai pelengon lokono bon ke iye.

Jon 4:25

Deka apmang wai ke iye langane. “Ngaile Mesaia ka Krais ka iye gute ka Ida Tapolngon rere ma iye lua osep ke urok elio epmes ina ma me e alo ka iye polou ma iye palongo udo malak ke wan bitna bitna keniye.”

Aposel 7:48

E Ida Tapolngon ka mole tapolngon ka pula keniye dong ke ninu gesa ka osep tiurie kovok. Aurou. Iye dong ke omur ka egim lokono vala. Oglou gute napaprangan ina gesa wai langane.

2 Korin 4:18

Aitno lite mter ke wan ka amtada karanga vati ke taklak ane kovok. Aurou. Aitno lite mter ke wan ka omur heven ina ka amtada karanga vati kovok. Kesua wan ka itakaranga itavati isak wan ka tidong sasi boto vala e wan ka itakaranga itavati kovok isak wan ka tidong vala tidong.

2 Korin 5:1

Iteile pampamu lite langka ninu molo ina. Langka ninu tonari polou yagos Ida Tapolngon ma kere ninu oku ina ke ite ka osep tiurie kovok. Ninu oku ina tonari dong vala dong ke omur heven.

Kolosi 2:11

Umeneklep ke iye deka umodue elio ulangngan ina. E elio ulangngan ina tonari langka elio ka osep tidue ke pampamu lumu kovok. Aurou. Krais ulang umu langka iye klok lumu elio epmes ina deka elio epmes ina plau umu blang kovok.

Hibru 10:1

Moses ila sogongon nisngen vala ke wan itau ka mase ma polou e iye wan itau tonari kovok. Aurou. Iye nisngen vala. Langka osep tididi Moses ila sogongon deka tidue elio opmu ina ke tobor aling aling. E ke batne langane Moses ila sogongon karanga due osep ka kla ke Ida Tapolngon ila ninu tidong itau ke Ida Tapolngon bitna kovok.

Hibru 12:27

Ida Tapolngon ila pelengon palma ka wai “aling silang blang” lana ine langane. Wan keniye ka Ida Tapolngon due e tinemilmil ma polou yagos. E wan ka karanga nemilmil kovok ma dong vala.

Hibru 13:14

E iteile omur langane. Ke taklak ane udo armok dong ka dong vala dong kovok e itapara ke armok ka mase ma polou.

Hibru 2:17

E ke batne langane iye polou langka itosep. Ma iye karanga polou udo gute loulou ina ka mgo ka makai ite. E iye didi Ida Tapolngon ila pelengon keniye ke ila bokongon ka iye loulou ke ite. Ma iye klok osep urok elio epmes ina kla.

Hibru 3:1

Sipmi. Umu ka Ida Tapolngon ka dong ke omur heven rere umu ila osep e ma umodong kap iye ngawai ke umu langane. Aitno lumu mter ke Yesus ka aitno lumu dagar ke iye. Ida Tapolngon pagei iye ma iye polou udo gute loulou ina ka mgo.

Hibru 4:15

Yesus udo gute loulou ina ka mgo e iye ile omur ke elio isuk isuk ka itakaranga itodue kovok. Alo ka Satan tok ite Yesus ile omur ke elio langane kesua oglou Satan tok iye eriar langka iye tok ite. Satan tok iye e dau iye due elio epmes ina kovok.

Hibru 7:1

Oglou Melkisedek vri mgo ke omur ka angaine Salem. E iye gute loulou ina ke Ida Tapolngon ka dong egim lokono. Oglou Abraham due evlei kap osep ka tivri mgo ke omur leklou leklou e iye mole isak e due urok wan bitna bitna. Alo ka iye iding ke ila omur Melkisedek soson iye e wai ila kerengen duru ke iye.

1 Jon 5:20

Iteile Ida Tapolngon Otno Arang duru me ke taklak e kar ilengen ke ite ma itakaranga iteile Ida Tapolngon ka lokono. E itodong kap iye ka lokono e itodong kap Otno Arang Yesus Krais. Ida Tapolngon iye tona Tapolngon ka lokono e itodue mosongon ka dong vala dong batne ke iye.

2 Jon 1:7

Osep yakngan ina pula isak kla ke omur ka pula keniye ke taklak e tiwai langane. “Yesus Krais me polou langka itosep kovok.” Osep ka tiwai langane isak osep yakngan ina e isak Krais ina oul.