Hibru 8:10 - Aria New Testament

¹⁰ Ngong Upu Puda e mase ma ngawai lou kontrak oku ina ke osep Israel ina ka langane. Ma ngadue lou pelengon sep ke bara lisak e ngasogoe ke aitno lisak. Ma ngadong Inarak Tapolngon e isak ma tidong lou osep.

Hibru 8:10 ပူးပေါင်းရင်းမြစ်များ

Matyu 22:32

Iye wai langane. ‘Ngong Upu Tapolngon ka Abraham e Aisak e Jekop tilotuim ngong.’ Iye osep ka timete Inarak Tapol-ngon kovok. Aurou. Iye osep ka tidong Inarak Tapolngon.”

Pas ka Pol sogoe uti la ke osep Rom ina 11:27

E Ida Tapolngon wai blang langane. “Ma ngaklok urok elio epmes ina eriar langka oglou ngawai dagar ke isak ine e ma ngong tona vala ngadue.”

1 Korin 6:16

Gute ka neklep ke apmang ekreng palma ina iye polou langka isak orwo pampamu lisak kene vala. Lange? Umeile elio langane kovok? Ida Tapolngon ila pelengon wai langane. “Isak orwo ma tipolou langka pampamu lisak kene vala.”

2 Korin 3:3

Umodong malak langka pas ka me ke Krais. Ke limem bokongon Krais sogo pas are. Iye sogoe ke ing kovok. Iye sogoe ke Ida Tapolngon ka dong vala dong Ano Itau. E silang iye sogoe ke opmu kovok e iye sogoe ke osep aitno lisak vala.

Taitus 2:14

Yesus Krais mete e kasip amunte. Iye kli udo elio epmes ina e klok udo elio epmes ina la kesua iye waiki itopolou ila osep ka itau lokono. Deka itodong itau lokono sep ila sorip. E aitno lite itau lokono ma itodue elio itau vala.

Hibru 11:16

E tidue langane kovok. Aurou. Tikrim ke omur ka mole urok omur oglou ina. Tikrim ke omur heven. Deka tiwai ke Ida Tapolngon langane. “Wom Ipem Tapolngon.” E Ida Tapolngon mnak iye ke urok pelengon tonari kovok e iye rere armok ma tidong ine.

Jems 1:18

Iye didi aitno e due ite itopolou ila osep alo ka iteklingen ila pelengon ka lokono. Ma ite langka titno ka ina sirngen sirngen ke wan ka pula keniye ka mase ma polou oku.

Jems 1:21

Deka umasapir wan bitna bitna ka soulu e elio keniye ka soulu ka polou ke umu. E umepes umu kenmu kenmu e umedidi Ida Tapolngon ila pelengon ka dong ke aitno lumu. Kesua pelengon tonari karanga lua umu ke lumu elio epmes ina.

1 Pita 1:23

Umopolou osep oku ina langka mimi edimor batne ke Ida Tapolngon ila pelengon ka umoklingen ine. Ngawai pelengon ano langane. Langka osep tiser wit londo ke yage io londo tonari karanga polou okus. E Ida Tapolngon ila pelengon langka londo ka karanga polou okus kovok. Aurou. E mosongon dong ine e ina yagosngon kovok.

1 Pita 2:9

E Ida Tapolngon rere umu ma umodong ila osep. E Ida Tapolngon ka vri mgo ke ite e plau ite rere umu ila osep loulou ina. E iye rere umu ila osua ka itau itau lokono. Iye rere umu ila osep kesua iye waiki umanapapra osep pula ke ila elio itau ka iye due. Iye gi umu ma umosongon lumu elio epmes ina e umesep ke ila bublongon ka itau lokono. Ila bublongon tonari itau itau lokono.