Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Hibru 7:25 - Aria New Testament

25 Iye gute loulou ina ka dong vala dong deka iye karanga lua osep ma isak kla olwo boto ke Ida Tapolngon batne ke ila bokongon. Kesua iye dong vala dong ma iye wai itau ke Ida Tapolngon ke isak.

အခန်းကိုကြည့်ပါ။ ကော်ပီ




Hibru 7:25
44 ပူးပေါင်းရင်းမြစ်များ  

E wan ka umepmi Ida Tapolngon ine batne ke ngong ma ngadue ma Ida Tapolngon Otno Arang nis osep ke Timla ila elio ka itau lokono.


E ma ngapmi Livou e ma iye pagei Luangan silang ke umu e ma iye dong kap umu aling aling.


E Yesus koli wai langane. “Ngong tona vala ekreng e ngong pelengon lokono batne e ngong mosongon ka dong vala dong batne. E ekreng silang dong ka osep tikaranga tididie e tipolou ke Livou kovok. Aurou.


Oglou Ida Tapolngon ina oul itosep. E ari iye due Otno Arang ma iye kasip amunte. E elio ka iye due Otno Arang kasip amunte due aitno epen ke ite ma iye due mada ke ite. Iye due mada ke lite e due ite itopolou sisrok batne ke Yesus ka lua ite kodong iye dong.


Iye lua ite e Ida Tapolngon ila makaingan kading ite batne ke Yesus ka aitno lite dagar ine kodong. Deka aitno lite neser ke iye kesua iteile omur ma Ida Tapolngon kakai ite kap Yesus.


Ma sinngen elio keniye tibure vala. Kesua Yesus Krais mete e kasip amunte kodong. Ari Ida Tapolngon due poga tito ke ina denga deka eknikane iye lua ite e dong ke Ida Tapolngon limla odung e loulou ke ite.


Ida Tapolngon ile omur ke wan bitna bitna deka ila ilengen ombatno lokono. E iye didi ila ilengen tonari e dangdang osep ke elio ka tididi aitno lisak ma tile omur ke iye. Imanapapra Ida Tapolngon ila pelengon ke osep e Ida Tapolngon aitno itau ma iye lua osep ka aitno lisak la dagar ke iye ke urok elio epmes ina. E osep ka tididi aitno lisak tiwai pelengon ka imanapapra ine iye pelengon adai vala.


Deka imi osep Yuda ina e umu ka osep Yuda ina kovok ite keniye itodong ke Krais ila osua ka kene vala. E Ano Itau dong ke ite keniye aitno lite langka ekreng gesa ma itakaranga itawai itau ke Pmada e itakakai angaine tito ine.


Iteneklep ke Krais kesua aitno lite dagar ke iye. Deka itakaranga itawai itau ke Ida Tapolngon e itoulou tarna lite ine kovok. E iteile omur iye klingen udo pelengon kesua batne aitno lite dagar ke Krais.


E langane. Ida Tapolngon ka ila arit ombatno lokono dong e due aitno lite deka aitno lite tidong dagar ke iye. Alo ka aitno lite timter ke elio gesa e alo ka itepmi Ida Tapolngon ke elio gesa iye karanga lua ite ine. E langane. Aitno lite karanga timter kovok ke elio gesa ka Ida Tapolngon karanga lua ite ine kovok. E itakaranga itepmi Ida Tapolngon kovok ke elio gesa ka iye karanga lua ite ine kovok.


Alo ari iye ma due pampamu lite ka tikaranga timete tilumus tipolou itau lokono langka pampamu ine ka itau lokono. Iye karanga due langane kesua iye didi ila arit ka iye karanga plau wan ka pula keniye ine.


Iteile Ida Tapolngon kene vala dong. E gute kene vala vri airavu ke ite e Ida Tapolngon e loulou ke ite. Gute tonari Krais Yesus.


Ngadue bokongon tonari deka ke batne langane osep tidue agegeng ke ngong. E ngong mnak ngong ke bokongon tonari kovok. Kesua ngaile omur ke Ida Luangan ka aitno lungong dagar ke iye. Ngaile omur iye ma plau ila pelengon ka iye kare ke ngong itau lokono la lama iding ke oklou ka wan ka pula keniye yagos.


E langka aitno lite dagar ke Ida Tapolngon kovok deka itakaranga itodue elio gesa ka Ida Tapolngon aitno itau ine kovok. Kesua gute ka waiki polou olwo boto ke Ida Tapolngon ma aitno dagar ke elio ka Ida Tapolngon dong e iye kar wan itau itau ke osep ka tikrim ke iye e tipado iye.


Deka aling aling itakakai Ida Tapolngon angaine tito la egim. Ane langka itodue elio opmu ina alo ka itapalongo osep ke Yesus.


Alo ka iye dong ke taklak Satan tok iye ma iye due elio soulu. E iye namani elio soulu ka osep tidue ke iye. Deka ke batne langane iye karanga lua osep alo ka tokngon polou ke isak.


Iteile oglou Ida Tapolngon due Yesus polou langka itosep e ke sasi boto vala iye dong moli ke ensel. Ida Tapolngon due elio langane kesua batne iye makai ite e Yesus mete e kasip amunte. E eknikane Ida Tapolngon kakai Yesus angaine tito la egim e osep tidue anit ke iye.


Alo ka Yesus dau dong ke taklak aling aling iye wai itau ke Ida Tapolngon e pmi iye ke wan bitna bitna. Iye daiku ke Ida Tapolngon e kngis kesua iye ile Ida Tapolngon karanga lua iye ma iye mete kovok. E Ida Tapolngon klingen ila pelengon e koli ila pmingen itau kesua iye due anit ke iye e ini iye.


Osep Livai ina tikaranga tipolou osep loulou ina batne Moses ila sogongon wai ine. E gute loulou ina oku polou batne ke ila arit ka ombatno e ke ila mosongon ka dong vala dong.


E Moses ila sogongon karanga due osep tipolou itau lokono ke Ida Tapolngon bitna kovok. Deka Ida Tapolngon due ekreng oku ka mole Moses ila sogongon ma itakaranga itopolou olwo boto ke Ida Tapolngon ine.


E Yesus dong udo gute loulou ina dong vala dong. Iye mete e gute silang kasip amune kovok. Aurou. Iye dong vala dong.


Osep loulou ina ka tipolou ke Livai ila osua e tidue emkil songotno ina ke osep leklou tikaranga timete. E Melkisedek ka due emkil songotno ina ke Abraham io iteile ke ina metengen kovok kesua Ida Tapolngon ila pelengon wai ine kovok.


E Krais mete ma iye sep ke ninu molo ina ka osep tiurie kovok. Ninu molo ina tonari nisngen ke Ida Tapolngon ila ninu ka dong ke omur heven. Krais mete e sep ke omur heven e dong ke Ida Tapolngon bitna e loulou ke ite.


Ida Tapolngon karanga plau umu itau e lua umu ma umegene ke elio epmes ina kovok. E iye karanga due umu umala ke ila omur ka itau itau lokono e elio gesa vri ke umu kovok. Deka aitno lumu neser omba.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ