Hibru 7:19 - Aria New Testament

¹⁹ E Moses ila sogongon karanga due osep tipolou itau lokono ke Ida Tapolngon bitna kovok. Deka Ida Tapolngon due ekreng oku ka mole Moses ila sogongon ma itakaranga itopolou olwo boto ke Ida Tapolngon ine.

Hibru 7:19 ပူးပေါင်းရင်းမြစ်များ

Jon 1:17

Oglou Moses sogo Ida Tapolngon ila pelengon dagar e kare ke ite e oku ane Yesus Krais kar Ida Tapolngon ila makaingan e ila pelengon ka lokono ke ite.

Jon 14:6

E Yesus koli wai langane. “Ngong tona vala ekreng e ngong pelengon lokono batne e ngong mosongon ka dong vala dong batne. E ekreng silang dong ka osep tikaranga tididie e tipolou ke Livou kovok. Aurou.

Aposel 13:39

Iye lua osep ka pula keniye ka aitno lisak dagar ke iye ke urok elio epmes ina e due noklok la. E pelengon dagar ka Moses kare ke osep karanga due elio epmes ina noklok la kovok.

Pas ka Pol sogoe uti la ke osep Rom ina 5:2

Iye lua ite e Ida Tapolngon ila makaingan kading ite batne ke Yesus ka aitno lite dagar ine kodong. Deka aitno lite neser ke iye kesua iteile omur ma Ida Tapolngon kakai ite kap Yesus.

Pas ka Pol sogoe uti la ke osep Rom ina 7:7

Aitno lumu lange? Moses ila sogongon iye sogongon soulu koke aurou? Aurou. Sogongon tonari itau e nis ite ke udo elio epmes ina vala. Sogongon tonari dangdang ite ma itangale osep urok wan kovok. Ngaklingen ke sogongon tonari langane deka lokono ngaile oglou ngadar Moses ila sogongon e ngangale osep urok wan.

Pas ka Pol sogoe uti la ke osep Rom ina 8:3

Oglou osep ka tididi Moses ila sogongon vala tipolou itau e osuk ke Ida Tapolngon bitna kovok. Kesua elio epmes ina dong ke pampamu lisak e tidar sogongon tonari vala. E Ida Tapolngon due ite itopolou itau e osuk ke bitna batne ke Otno Arang Yesus. Oglou Ida Tapolngon pagei Yesus ke itosep e ari iye dong langka itosep blang. E iye polou Ida Kasipngen ka kli itosep udo elio epmes ina.

Galesia 2:16

Iteile Ida Tapolngon aitno mter ke gute ka didi Moses ila sogongon e ke batne langane iye sir iye gute itau kovok. Aurou. Gute ka aitno dagar ke Krais Yesus vala Ida Tapolngon sir iye gute itau. Ite blang aitno lite dagar ke Krais Yesus kesua iteile ekreng ane ekreng kene vala ma Ida Tapolngon sir ite osep itau. E ke ekreng ka itedidi Moses ila sogongon kovok. Kesua gute gesa karanga didi Moses ila sogongon e Ida Tapolngon sir iye gute itau kovok. Aurou.

Galesia 3:21

Ane langka Moses ila sogo-ngon para pulu kap Ida Tapolngon ila pelengon dagar koke aurou? Aurou lokono. Kesua langka Moses ila sogongon karanga lua ite ma itodong itau ke Ida Tapolngon bitna iye due kodong. E aurou lokono.

Galesia 3:24

Moses ila sogongon dong langka plaungan ka plau ite la lama Krais polou. Ma aitno lite dagar ke Krais deka itodong itau ke Ida Tapolngon bitna.

Efesus 3:12

Iteneklep ke Krais kesua aitno lite dagar ke iye. Deka itakaranga itawai itau ke Ida Tapolngon e itoulou tarna lite ine kovok. E iteile omur iye klingen udo pelengon kesua batne aitno lite dagar ke Krais.

Kolosi 1:27

Ida Tapolngon didi aitno e nis ila osep ke pelengon ka oglou dong kukwop ma tile omur ine. Pelengon tonari itau lokono e karanga lua osep ka pula keniye. Pelengon ka kukwop langane. Krais dong kap umu e ma umapara ke iye ma iye me kum umu e umala umodong kap iye ma umodue wan ka pula keniye ka omur heven ina.

1 Timoti 1:1

Ngong Pol ka Krais Yesus rere ngong ila aposel gesa. Ida Tapolngon lua ite ke udo elio epmes ina e itapara ke Krais Yesus ma itavati iye e itodong kap iye.

Hibru 10:1

Moses ila sogongon nisngen vala ke wan itau ka mase ma polou e iye wan itau tonari kovok. Aurou. Iye nisngen vala. Langka osep tididi Moses ila sogongon deka tidue elio opmu ina ke tobor aling aling. E ke batne langane Moses ila sogongon karanga due osep ka kla ke Ida Tapolngon ila ninu tidong itau ke Ida Tapolngon bitna kovok.

Hibru 11:40

Kesua oglou kodong Ida Tapolngon aitno mter ma iye due elio ka itau lokono ke ite ka pula keniye. Deka iye waiki isak timgo ke ite kovok. Aurou. Iye waiki ite ka pula keniye itopolou itau lokono ke aling kene vala.

Hibru 11:6

E langka aitno lite dagar ke Ida Tapolngon kovok deka itakaranga itodue elio gesa ka Ida Tapolngon aitno itau ine kovok. Kesua gute ka waiki polou olwo boto ke Ida Tapolngon ma aitno dagar ke elio ka Ida Tapolngon dong e iye kar wan itau itau ke osep ka tikrim ke iye e tipado iye.

Hibru 3:6

E Krais iye Ida Tapolngon Otno Arang ka didi ila pelengon e plau ila osep itau. Isak langka Ida Tapolngon ila ninu. E Ida Tapolngon ila osep tonari ite. Deka ma itodong dagar e aitno lite ila dagar segesege kovok. Ma itodong itapara ke wan ka mase ma polou.

Hibru 4:16

Deka ma itopolou olwo boto ke Ida Tapolngon ka makai ite e itoulou ke iye kovok. Ma aitno due ite e ila makaingan polou ke ite e lua ite alo ka elio bitna bitna polou ka opru ite.

Hibru 6:18

Ida Tapolngon ila pelengon orwo dong ka karanga segesege kovok. Pelengon kene ina iye ila promis e pelengon orwo ina iye ila pelengon dagar ka iye sir iye tona angaine ine. E iteile Ida Tapolngon karanga yakyak kovok. Deka ite ka itakalu ke Ida Tapolngon ma aitno lite mter ke Ida Tapolngon ila promis. E itodong dagar e itapara ke alo ka itodue wan ka Ida Tapolngon wai ine.

Hibru 7:11

Ida Tapolngon rere osep Livai ina ma tipolou osep loulou ina e mase iye kar osep Israel ina Moses ila sogongon. Lama osep Livai ina tidue urok bokongon itau tikaranga tidue osep tipolou itau lokono ke Ida Tapolngon bitna kovok. Deka mase Ida Tapolngon rere gute loulou ina silang ka iye langka Melkisedek e iye langka Aron kovok.

Hibru 7:20

Alo ka Ida Tapolngon rere gute oku polou udo gute loulou ina iye wai dagar ke iye ke iye tona angaine. E alo ka osep Livai ina tipolou osep loulou ina Ida Tapolngon wai dagar ke iye tona angaine kovok.

Hibru 7:25

Iye gute loulou ina ka dong vala dong deka iye karanga lua osep ma isak kla olwo boto ke Ida Tapolngon batne ke ila bokongon. Kesua iye dong vala dong ma iye wai itau ke Ida Tapolngon ke isak.

Hibru 8:6

Ida Tapolngon rere Yesus udo gute loulou ina e ila bokongon mole osep loulou ina urok bokongon. Kesua Ida Tapolngon ila kontrak oku ina ka Yesus due polou mole Moses ila sogongon. E wan ka Ida Tapolngon wai promis ma iye kare ke ila osep mole Moses ila sogongon blang.

Hibru 9:9

E Ida Tapolngon ila ninu molo ina dong langka nisngen ke oku ane. Wan ka oglou osep tikare ke Ida Tapolngon e tidue elio opmu ina ine karanga due aitno lisak itau ke Ida Tapolngon bitna kovok.

Jems 4:8

Umala olwo boto ke Ida Tapolngon e ma iye polou olwo boto ke umu. Umu ka umodue elio epmes ina umosongon lumu elio epmes ina langka gute ka grong limla. E umu ka aitno lumu orwo ke Ida Tapolngon aitno lumu mter ke elio itau vala.