Hibru 7:14 - Aria New Testament

¹⁴ Iteile omur Moses wai kovok ma gute ke gute Juda ila osua polou gute loulou ina. E Ida Puda polou ke osua tonari.

Hibru 7:14 ပူးပေါင်းရင်းမြစ်များ

Matyu 2:6

Armok Betleham ka dong ke omur Judia iye armok ka adai kovok. Aurou. Iye armok ka angaine omba ke armok armok ka tidong ke omur Judia kesua mimi kene ma polou ke armok tonari e alo ka iye polou ngongle ma iye vri mgo e plau lou osep Israel ina.”

Luk 1:43

E ngong sei ma Ngau Puda ina aiya me vati ngong?

Luk 3:33

E Nason gute Aminadap otno arang e Aminadap gute Atmin otno arang e Atmin gute Arni otno arang e Arni gute Hesron otno arang e Hesron gute Peres otno arang e Peres gute Juda otno arang.

Jon 20:13

E tiwai ke Maria langane. “Bela ina lange emkngis?” E Maria koli wai ke isak langane. “Ngakngis kesua osep tidue Ngau Puda e tikalke la e ngaile omur ka tidue munu ine kovok.”

Jon 20:28

Deka Tomas koli wai ke iye langane. “Ngau Puda e Ngau Tapolngon.”

Pas ka Pol sogoe uti la ke osep Rom ina 1:3

Omon tonari lana ine la ke Ida Tapolngon Otno Arang Yesus. Iye tona gute Devit ka oglou vri mgo ke osep Israel ina ila napakngan.

Pas ka Pol sogoe uti la ke osep Rom ina 2:3

Umesin elio vri ke osep pula e umawaiki ma Ida Tapolngon ila wadengen due isak. E umu tona umodue elio soulu lokono blang eriar langka tidue. Aitno lumu lange? Umawaiki ma Ida Tapolngon ila wadengen due umu ine kovok?

Efesus 1:3

Deka ngawaiki itakakai Ida Tapolngon ka Ida Puda Yesus Krais timla angaine tito la ke egim lokono. Kesua batne iye kere ite ke ila kerengen ka itau lokono ka la ke omur heven batne iteneklep ke Krais kodong.

Filipai 3:8

E silang blang langane. Aitno lungong mter wan ka pula keniye ka oglou ngadue isak yagos la kodong. E elio ka ngaile Krais Yesus iye Ngau Puda are wan ka omba e mole wan ka pula keniye. Deka aitno lungong mter elio ka oglou ngadue isak wan adai e langka tokonkon. Kesua ngawaiki ma ngadong kap Krais.

Hibru 7:13

Gute loulou oku ina tonari lana ine la ke Ida Puda e iye polou ke gute Livai ila osua kovok. Aurou. Iye polou ke osua silang e oglou gute kene ke osua tonari polou gute loulou ina kovok.

Hibru 7:15

E oku ane iteile langane. Gute loulou ina polou kodong. Iye eriar langka Melkisedek e iye mole osep loulou ina ka isak osep Livai ina.

Pelengon kukwopngon 22:16

“Ngong Yesus e ngapagei lou ensel ke wom ma ampalongo pelengon ane ke sios ke armok kene kene. Ngong tona gute Devit ila napakngan gesa e silang blang ngong langka gigimo marupo.”

Pelengon kukwopngon 5:5

Deka gute namor kene wai ke ngong langane. “Emkngis sakam. Amvati. Laion ane iye polou ke gute Juda ila osua e iye gute Devit ila napakngan kene. E iye mole evlei e iye mole ina oul. Deka iye karanga kles poungon lumorwo e klok buk.”