Hibru 7:11 - Aria New Testament

¹¹ Ida Tapolngon rere osep Livai ina ma tipolou osep loulou ina e mase iye kar osep Israel ina Moses ila sogongon. Lama osep Livai ina tidue urok bokongon itau tikaranga tidue osep tipolou itau lokono ke Ida Tapolngon bitna kovok. Deka mase Ida Tapolngon rere gute loulou ina silang ka iye langka Melkisedek e iye langka Aron kovok.

Hibru 7:11 ပူးပေါင်းရင်းမြစ်များ

Galesia 2:21

Ngawaiki ngadue Ida Tapolngon ila makaingan polou langka wan adai kovok. Aurou. Langka Moses ila sogongon ka-ranga due ite itopolou itau ke Ida Tapolngon bitna deka Krais mete adai vala.

Galesia 4:3

E ite blang langane. Alo ka itodong langka mimi daudeng itodong langka wokboi nating. Itodong langane ke ansak ka tiplau wan ke sirva e wan ke taklak.

Galesia 4:9

E eknikane umeile Ida Tapolngon kodong. Koke wan ka itau Ida Tapolngon ile umu kodong. Deka umawaiki umeiding ke wan ka tapolngon yakngan ka urok arit kovok blang i? E umawaiki umodong langka wokboi nating ke isak blang?

Hibru 5:10

Deka Ida Tapolngon rere iye gute loulou ina ka mgo eriar langka Melkisedek.

Hibru 5:6

E Ida Tapolngon wai blang langane. “Omdong gute loulou ina dong vala dong eriar langka gute Melkisedek.”

Hibru 6:20

Oglou Yesus mgo ke ite e sep ke eliang tonari deka loulou ke ite. Iye polou gute loulou ina ka mgo ka dong vala dong eriar langka Melkisedek.

Hibru 7:10

Kesua alo ka Abraham soson Melkisedek ari otno arang Livai dau dong kovok. Deka alo ka Abraham kar emkil songotno ina ke Melkisedek are langka Livai blang kare ke Melkisedek.

Hibru 7:12

Langka osep oku ina tipolou osep loulou ina ma Ida Tapolngon ila pelengon ka oku ina kasip Moses ila sogongon amune blang.

Hibru 7:13

Gute loulou oku ina tonari lana ine la ke Ida Puda e iye polou ke gute Livai ila osua kovok. Aurou. Iye polou ke osua silang e oglou gute kene ke osua tonari polou gute loulou ina kovok.

Hibru 7:15

E oku ane iteile langane. Gute loulou ina polou kodong. Iye eriar langka Melkisedek e iye mole osep loulou ina ka isak osep Livai ina.

Hibru 7:21

E alo ka gute tonari polou gute loulou ina Ida Tapolngon wai dagar ke iye ke iye tona angaine. Iye wai langane. “Ngong ka Ngap Puda ngawai dagar ke wom lang-ane. ‘Wom omdong gute loulou ina dong vala dong e ma ngapalele aitno lungong ine kovok.’”

Hibru 8:7

Langka Moses ila sogongon karanga lua ite deka Ida Tapolngon due ila kontrak oku ina polou e kasip amune kovok.

Hibru 9:6

Osep tidue wan keniye tonari yagos e ke oklou kene kene osep loulou ina tisep ke eliang kene ina ka Eliang Ka Itau ke ninu molo ina e tidue urok bokongon ka Ida Tapolngon kare ke isak.