Hibru 6:4 - Aria New Testament

⁴ Langka osep aitno lisak kis dagar ke Ida Tapolngon ila pelengon kodong e mase tipul dogur ine ma tididi ekreng ka lange ma tibauluk tididi pelengon tonari blang? Kesua Ida Tapolngon nis isak ke ila wan ka itau ka omur heven ina e tile omur ke Ano Itau ila bokongon kodong.

Hibru 6:4 ပူးပေါင်းရင်းမြစ်များ

Matyu 12:45

Deka iye la pado angelo soulu lumorwo leklou ka urok elio soulu mole ila elio soulu e tisep tidong ke gute tonari. E gute ila mosongon soulu lokono e mole ila mosongon ka dong alo ka angelo soulu songon iye mgo. Pelengon ane nisngen ke wan ka polou ke osep ka tidong eknikane.”

Matyu 5:13

“Umu langka sol ke osep ka tidong ke taklak. E langka sol galo kovok lange ma itodue sol tonari polou galo blang? Aurou. Iye itau ke wan gesa kovok e ma itouri ke taklak e osep tilila e tipese ke kamsak.

Jon 15:6

Langka gute gesa dong dagar ke ngong kovok ane langka osep tiblou e tiuri tetna ka sasi e tetna tonari polou kakrak. Deka osep tigom tetna ka kakrak e tiuri isak ke eiou e eiou ngen isak.”

Jon 3:27

E Jon koli wai ke isak langane. “Gute karanga due wan ka Ida Tapolngon kare ke iye vala.

Jon 4:10

E Yesus koli wai langane. “Langka emile presen ka Ida Tapolngon waiki kare ke wom e langka emile gute sei iye wai ke wom ma amkar iye aki deka amkaranga empmi iye e ma iye kar aki ka mosongon ina ke wom.”

Jon 6:32

E Yesus wai ke isak langane. “Ngawai lokono ke umu langane. Moses iye gute ka kar bret ka omur heven ina ke umu kovok. Aurou. Livou kar bret lokono ka omur heven ina ke umu.

Aposel 10:45

Osep Yuda ina ka aitno lisak dagar ke Yesus ka time kap Pita tivati Ano Itau sep ke osep tonari aitno lisak deka tidigrik ine e tiwai langane. “Ida Tapolngon kar Ano Itau ke osep ane ka isak osep Yuda ina kovok blang.”

Aposel 11:17

Deka ngavati Ida Tapolngon kar Ano Itau ke osep tonari eriar langka oglou iye kar iye ke ite ka aitno lite la dagar ke Ida Puda Yesus Krais. Ari aitno lungong langka ngong sei ma ngadangdang Ida Tapolngon ine?”

Aposel 15:8

Ari Ida Tapolngon ile osep ka pula keniye aitno lisak e iye kar Ano Itau ke isak eriar langka oglou iye kar iye ke ite. Elio ka iye kar Ano Itau ke isak keniye nis ite aitno itau ke isak.

Aposel 8:20

Iye wai langane deka Pita koli wai langane. “Ai aitno lugom lange ma amwaiki lem mani kli wan ka Ida Tapolngon soro ine ke ite? Ma agegeng due wom kap lem mani deka ma wom yagos.

Pas ka Pol sogoe uti la ke osep Rom ina 1:11

Ngawaiki ngapolou ke umu ma Ano Itau lua ngong ma ngalua umu ke luangan gesa. Ngawaiki ma luangan tonari lua umu e due aitno lumu dagar lokono ke Ida Tapolngon.

2 Korin 4:4

Satan ka iye plau taklak ane due osep ka aitno lisak dagar ke Ida Tapolngon kovok aitno lisak aivoro ma tikaranga tivati bublongon ke Krais ila omon itau kovok. E Krais eriar langka Ida Tapolngon.

2 Korin 4:6

Ke oglou Ida Tapolngon wai langane. “Ma esluk polou bublo airavu ke aivoro.” Ida Tapolngon tona due esluk polou bublo ke aitno limi ma imeile omur ke Ida Tapolngon ila bublongon ka bublo ke Yesus Krais bitna.

Galesia 3:2

Ngawaiki ngapmi umu ke wan kene vala. Umodue Ano Itau ke ekreng lange? Umodue ke ekreng ka umedidi Moses ila sogongon koke umodue ke ekreng ka umoklingen omon itau e aitno lumu la dagar ine?

Galesia 3:5

Ida Tapolngon kar Ano Itau ke umu e iye due elio arit ina airavu ke umu. Ina lange iye kar Ano Itau ke umu? Aitno mter langka umedidi Moses ila sogongon deka iye due langane? Aurou. Umoklingen omon itau e aitno lumu la dagar ine deka iye kar Ano Itau ke umu.

Efesus 1:18

Ngapmi Ida Tapolngon ma iye lua umu ma umeile omur ke pelengon lokono ka ila poloungon batne ke iye. Ma umeile omur ke wan bitna bitna keniye ka Ida Tapolngon waiki kere ila osep ine e itapara ine.

Efesus 2:8

Ida Tapolngon lua umu ke lumu elio epmes ina kesua batne ke ila makaingan ka dong ke iye tona. Iye lua umu ke lumu elio epmes ina kesua aitno lumu la dagar ke Krais. E iye lua umu kesua batne ke elio kene gesa ka umodue kovok. Aurou. Iye didi aitno e lua umu adai vala. Deka umakaranga umakakai angainmu ine kovok.

Efesus 3:7

Ida Tapolngon kere ngong itau ke ila makaingan. E iye rere ngong Krais ila gute bokongon ina gesa ma nganapapra ila omon itau. Deka ila arit due aitno lungong dagar ine.

Efesus 4:7

E Krais didi aitno e kar ila makaingan ke ite kente kente ka iye waiki lua ite ine.

1 Timoti 4:14

Ida Tapolngon kar kerengen ke wom alo ka osep plaungan ina tidue limsak timunu ke epem. Deka ma omboko ulik ulik ke kerengen tonari kovok. Kesua alo are tinapapra ma omdue Ida Tapolngon ila bokongon.

2 Timoti 2:25

Iye wai molil e mosi osep ka tipara pulu ke ila pelengon. Iye due langane kesua aitno mter Ida Tapolngon karanga due isak tibauluk aitno lisak e tile omur ke pelengon ka lokono.

2 Timoti 4:14

Ke oglou gute Aleksander ka due wan bitna bitna ke bras due elio soulu lokono ke ngong. Ma Ida Puda koli batne ke ila elio soulu ka iye due.

Hibru 10:32

Aitno lumu mter ke oglou alo ka umoklingen Ida Tapolngon ila omon itau aling kene ina. Alo ari osep tidue agegeng omba ke umu e dau aitno lumu segesege kovok e umodong dagar ine.

Hibru 2:4

E Ida Tapolngon due nisngen omba e elio arit ina bitna bitna e iye didi aitno e kar Ano Itau ila kerengen ke ila osep. Iye due langane ma osep tivati e tile omur pelengon tonari pelengon lokono.

1 Jon 5:16

Langka gute gesa vati ila aten due elio epmes ina e elio epmes ina tonari due gute tonari mete kovok ma iye wai itau ke Ida Tapolngon ine ma gute tonari mete kovok. Lou pelengon ane la ke osep ka tidue elio epmes ina ka timete ine kovok. Aurou. E osep leklou tidue elio epmes ina ka timete ine e ngawai ma umawai itau ke isak kovok.