Hibru 6:2 - Aria New Testament

² E silang blang imawai ke umu ke elio paunimngen ina e ke elio ka osep limsak duru kai apada e ke elio ka itopoga itetito ke ida denga e ke elio ka Ida Tapolngon wade osep dong vala dong kovok. Aurou.

Hibru 6:2 ပူးပေါင်းရင်းမြစ်များ

Matyu 28:19

Deka umala ke omur ka pula keniye ke taklak e umodue osep tipolou lou disaipel e umapaunim isak ke Upu Tapolngon ka Pmomu angaine e Upu Tapolngon Otno Arang angaine e Ano Itau angaine.

Matyu 3:14

E Jon waiki dangdang Yesus e wai langane. “Ngawaiki wom ampaunim ngong e eknikane wom omo ke ngong e amwaiki ngapaunim wom?”

Mak 16:16

Deka osep seisei ka aitno lisak dagar ine e tididi elio paunimngen ina ma ngalua isak ke urok elio epmes ina. E osep seisei ka aitno lisak la dagar ke ngong kovok ma Ida Tapolngon kot isak ine ke omur hel.

Mak 7:4

E langka tikli inarak ngangon gesa ke bilmu tibauluk ke urok ninu e tigrong limsak mgo deka tingene. E tididi apu ka langane e apu pula ka tigrong wan langka kap e aki tarna e sospen e ngangon ina bota.

Mak 7:8

“E langane. Umodue elio eriar langka oglou Aisaia sogo ine. E umosongon Ida Tapolngon ila pelengon e umedidi elio ka polou ke osep aitno lisak vala.”

Luk 11:38

E gute Farisi ina digrik kesua Yesus grong limla mgo kovok deka ngen.

Luk 12:50

Ma ngadue elio langka elio paunimngen ina e ngadue dau kovok e aitno lungong soulu la lama ngadue kodong.

Luk 14:14

E ma aitno lugom itau itau ine. Kesua lama tikaranga tikoli batne ke wom kovok mase alo ka Ida Tapolngon due osep ka tidong itau e osuk ke bitna titito tidong blang ma iye koli batne ke wom.”

Luk 3:16

E Jon wai ke isak langane. “Ngapaunim umu ke aki vala e mase gute ma me ka ila arit mole lou arit e ngong gute itau ma ngakaranga ngakles ila su kovok. Ma iye paunim umu ke Ano Itau e ke eiou.

Jon 1:33

E dau ngaile ke iye kovok e Ida Tapolngon ka pagei ngong ngapaunim osep ke aki wai ke ngong langane. ‘Alo ka amvati Ano Itau duru dong ke gute kene ma emile iye gute ka paunim osep ke Ano Itau.’

Jon 5:29

E ma tisongon inarak denga. Osep ka oglou tidue elio itau ma titito e tidue mosongon ka dong vala dong e osep ka oglou tidue elio soulu ma titito e Ida Tapolngon ma wade isak.”

Aposel 10:47

“Eknikane Ida Tapolngon Ano Itau dong ke osep ane aitno lisak eriar langka iye dong ke aitno lite. Aitno lumu lange? Ma tididi elio paunimngen ina koke aurou? Ma tididie kesua itakaranga itadangdang isak ine kovok.”

Aposel 13:3

Deka osep tonari tipli inarak ngangon e tidong vala e tiwai itau ke Ida Tapolngon ine. Tidue langane yagos deka tidue limsak tiduru tikai isak orwo deka tivai isak kla.

Aposel 16:15

Deka imapaunim iye gosok osep leklou ka tidong ke ila ninu. Imapaunim isak yagos deka Lidia wai ke imi langane. “Langka aitno lumu mter aitno lungong dagar lokono ke Yesus deka umomo umodong kap ngong ke lou ninu.” Iye wai dagar ke imi langane deka imala imodong kap iye.

Aposel 16:33

Ari dau epmes e gute ka plau kalabus grong tarna lisak egle egle. Iye grong isak yagos deka lokono tipaunim iye gosok osep keniye ka tidong ke ila ninu.

Aposel 17:18

Ari osep Epikurian ina leklou e osep Stoik ina leklou ka urok ilengen omba timter pulu pelengon kap Pol. E isak leklou tiwai pulu langane. “Gute ane ka wai ulik ulik iye wai lange?” Deka osep leklou blang tiwai langane. “Gute ane iye wai ke tapolngon ka osep leklou inarak tapolngon e iteile ine kovok.” Tiwai langane kesua Pol napapra ke Yesus e elio ka iye mole metengen e poga tito ke ina denga.

Aposel 2:38

Deka Pita koli wai ke isak langane. “Eknikane umabauluk aitno lumu ke lumu elio epmes ina bitna bitna e umedidi elio paunimngen ina ke Yesus angaine. Aitno lumu la dagar ke Yesus Krais ka Upu Luangan. Deka ma iye lua umu ke lumu elio epmes ina e ma iye kar Ano Itau ke umu kenmu kenmu deka ma Ano Itau dong ke aitno lumu.

Aposel 2:41

Pita napapra ke isak yagos deka osep pula langka inarak sasa 3,000 aitno lisak la dagar ke ila pelengon. Deka tineklep ke osep ka oglou aitno lisak la dagar ke Yesus kodong. Deka osep aposel tipaunim isak.

Aposel 23:6

Ari Pol ile osep leklou isak osep Farisi ina e osep leklou isak osep Sadyusi ina deka iye wai omba langane. “Sipmi umoklingen. Livou iye gute Farisi ina e ngong blang gute Farisi ina. Eriar langka osep Farisi ina aitno lisak dagar langka gute ka mete ano la e mase ma iye poga tito ke ina denga aitno lungong dagar langane blang. Eknikane umesin elio vri ke ngong batne aitno lungong dagar e ngapara ke elio langane.”

Aposel 24:15

Eknikane aitno lungong dagar e ngapara ma mase Ida Tapolngon due osep keniye ka timete kodong tipoga titito ke inarak denga. Ma iye due elio langane ke osep ka itau e ke osep ka soulu. Osep ka tisin elio vri ke ngong aitno lisak dagar langane blang.

Aposel 24:21

Oglou alo ka ngavri ke osep tonari amtarsak ngawai langane. ‘Eknikane umawaiki umawade ngong batne aitno lungong dagar ma Ida Tapolngon due osep ka oglou timete tipoga titito ke inarak denga.’ Ngawai langane e tisin elio vri ke ngong batne ke lou pelengon ane.”

Aposel 24:25

Pol wai pula ke elio ka itau e osuk e ke elio ka osep tiplau isak itau. Silang iye palongo Feliks ila ke elio ka mase Ida Tapolngon ma wade osep ka pula keniye urok elio. Feliks klingen ila pelengon deka ulou tarna ine e wai langane. “Yagos. Ngaklingen lem pelengon iding ke ane deka yagos. Amla omdong la lama aling gesa alo ka ngawaiki ngaklingen lem pelengon blang deka ma ngapalongo lem ine.”

Aposel 26:8

Ina lange aitno lumu karanga mter ke elio ka Ida Tapolngon due osep ka timete kodong tipoga titito ke inarak denga kovok?”

Aposel 4:2

Osep tonari aitno lisak soulu ke isak orwo kesua tiparere osep ke elio ka osep timole metengen deka tipoga titito ke inarak denga batne ke Yesus.

Aposel 6:6

Osep tirere osep lumorwo yagos deka tipaur isak tipolou ke osep aposel amtarsak. Deka osep aposel tiwai itau ke Ida Tapolngon deka limsak duru kai isak.

Pas ka Pol sogoe uti la ke osep Rom ina 2:16

Ma aitno lisak langane ke oklou ka Ida Tapolngon klingen osep ka pula keniye urok pelengon. Iye rere oklou kene ma iye klingen osep ka pula keniye urok pelengon ine. Deka ke oklou tonari ma Yesus Krais wade osep ka pula keniye aitno lisak lama oglou tibisi ine. Mase ma elio ane polou eriar langka Ida Tapolngon ila omon itau ka nganapapra ine wai ine.

1 Korin 10:2

Deka tididi Moses e elio ka polou ke iye polou ke isak blang. Elio ane langka tidue elio paunimngen ina ke gaup e ke aki.

1 Korin 12:13

Kesua Ano Itau ka kene vala sep ke ite kente kente aitno lite e due ite iteneklep ke Krais deka itopolou langka pampamu ine ka kene vala. Ite ka osep Yuda ina e osep Grik ina e ite ka wokboi nating e ite ka itodong fri. Ida Tapolngon due Ano Itau ka kene vala sep ke ite kente kente aitno lite deka iye dong ine.

2 Korin 5:10

Iteile mase ma ite kente kente itevri ke Krais bitna ma iye wade ite. Ma iye wade wan bitna bitna ka itodue ke taklak ane. Langka isak elio itau koke elio soulu.

Filipai 3:21

Alo ari iye ma due pampamu lite ka tikaranga timete tilumus tipolou itau lokono langka pampamu ine ka itau lokono. Iye karanga due langane kesua iye didi ila arit ka iye karanga plau wan ka pula keniye ine.

Kolosi 2:12

Alo ka umodue elio paunimngen ina umenis osep aitno lumu dagar ke Ida Tapolngon ka ila arit due Krais poga tito e dong blang. Deka ari osep tipaunim umu langka umogosok Krais umemete e osep tiyas umu kap iye. Deka Ida Tapolngon ila arit due umu umogosok Krais umopoga umetito e umodong blang.

2 Timoti 2:18

Isak orwo tisongon pelengon ka lokono e tiwai langane. “Ante vala timete kap Krais deka tipoga kodong. E mase ma pampamu lite tibauluk titito e tidong blang kovok.” E urok pelengon tonari due pogle ke osep leklou aitno lisak ila dagar.

Hibru 11:35

Apmang leklou aitno lisak dagar ke Ida Tapolngon deka iye due urok osua ka timete kodong tipoga titito ke inarak denga. E osep soulu tidue osep leklou tisep ke kalabus e tidue agegeng ke pampamu lisak ma timete ine. E tiwai lisak langka tipul dogur ke Ida Tapolngon ma tisongon isak ke kalabus. E tipul dogur ke Ida Tapolngon kovok kesua tile langka timete deka Ida Tapolngon ma due isak tipoga titito e tidong blang. E urok mosongon ari ma dong itau lokono.

Hibru 9:10

E wan tonari la ke ngangon ka itakaranga itangen e ke aki ka itakaranga iteinim e ke elio bitna bitna ka osep tidue ma tidong itau e eip ke Ida Tapolngon bitna. Isak wan ke tarna lite vala e dong la lama iding ke wan oku polou.

2 Pita 3:7

E eknikane Ida Tapolngon para ma iye due taklak e sirva ka dau dong tipolou yagos. Mase ma iye wade osep ka pula keniye e due agegeng ke osep ka tipul dogur ke iye. Deka alo ari iye ma wai e eiou ma ngen taklak e sirva yagos la.