Hibru 6:19 - Aria New Testament

¹⁹ Elio ka itodong itapara ke wan itau ka Ida Tapolngon wai ine lua aitno lite ma aitno lite ila dagar dong langka anka omba ka lua sip lama boitini bakule. Deka aitno lite ila dagar ma dong dagar vala e itala itesep ke eliang daudeng ka dong batne ke molo ka botom lokono.

Hibru 6:19 ပူးပေါင်းရင်းမြစ်များ

Matyu 27:51

Iye mete e molo ka botom ka dong ke Ida Tapolngon ila ninu notrum ke egim la duru moli e polou orwo e taklak nemilmil e opmu nabak.

Aposel 23:6

Ari Pol ile osep leklou isak osep Farisi ina e osep leklou isak osep Sadyusi ina deka iye wai omba langane. “Sipmi umoklingen. Livou iye gute Farisi ina e ngong blang gute Farisi ina. Eriar langka osep Farisi ina aitno lisak dagar langka gute ka mete ano la e mase ma iye poga tito ke ina denga aitno lungong dagar langane blang. Eknikane umesin elio vri ke ngong batne aitno lungong dagar e ngapara ke elio langane.”

Aposel 27:29

Deka tiulou ine lama sip la napam ke opmu gesa. E tidue anka apanal tiduru ke misuon ke sip batne. Deka tikel Ida Tapolngon ma oklou suong polou.

Aposel 27:40

Deka tiblou sip ina anka ina galou e anka tonari tidong ke misuon vala. E tikles sip ina stia e tidue sip ina sel ka dong ke topurne tito mana egim. Kesua tiwaiki engen uri sip la ke misuon ina dingen batne.

Pas ka Pol sogoe uti la ke osep Rom ina 4:16

Lama tididi pelengon dagar kovok Ida Tapolngon dau due elio itau ke isak kesua aitno lisak dagar ke iye. Ma iye vati isak eriar langka isak Abraham ila napakngan leklou. Kesua aitno lisak dagar ke iye eriar langka oglou Abraham aitno dagar ke iye. E osep ka pula keniye ka aitno lisak dagar ke Ida Tapolngon pmarak Abraham. Kesua aitno lisak dagar ke Ida Tapolngon vala.

Pas ka Pol sogoe uti la ke osep Rom ina 4:18

Oglou alo ka Ida Tapolngon wai dagar ke Abraham ma esna divir otno arang ari Abraham aitno orwo ine kovok. Aurou. Aitno dagar ine lama tipolou lapun kodong e lama tikaranga tidivir titorok gesa kovok. Lama tipolou lapun kodong Abraham aitno dau dagar lokono ke Ida Tapolngon ila promis ma ila napakngan tipolou pula pula.

Pas ka Pol sogoe uti la ke osep Rom ina 5:4

Aitno lite tipolou dagar lokono ke Ida Tapolngon deka ma aitno itau ke ite. Deka ite ka Ida Tapolngon aitno itau ke ite ma aitno lite tipolou dagar lokono ke iye e ma itapara ke alo ka itodong kap iye.

1 Korin 13:13

E eknikane elio eklu tidong. Elio ka aitno lite ila dagar dong dagar ke Ida Tapolngon e elio ka itapara ke Ida Tapolngon ma iye due elio itau ke ite e elio ka ite lana ite ke osep leklou. Elio eklu tonari tidong vala. E elio ka mgongon lokono iye elio ka ite lana ite ke osep leklou.

1 Korin 15:58

E langane. Sipmi. Ma umo-dong dagar ke Ida Tapolngon ila elio e aitno lumu orwo ine sakam. Umodong umoboko dagar ke Ida Puda ila bokongon vala. Kesua Ida Puda ila bokongon ka umodue ma la adai kovok. Aurou. Ma dong vala kesua bokongon tonari Ida Puda ila bokongon.

Efesus 2:6

Iteneklep ke Krais Yesus kodong. Deka eriar langka Ida Tapolngon due Krais Yesus poga tito e dong blang iye blang due ite itopoga itetito e itodong blang. Iye due langane ke ite e ma itodong kap Yesus ke omur heven.

Kolosi 1:27

Ida Tapolngon didi aitno e nis ila osep ke pelengon ka oglou dong kukwop ma tile omur ine. Pelengon tonari itau lokono e karanga lua osep ka pula keniye. Pelengon ka kukwop langane. Krais dong kap umu e ma umapara ke iye ma iye me kum umu e umala umodong kap iye ma umodue wan ka pula keniye ka omur heven ina.

Kolosi 3:1

Ida Tapolngon due umu umopoga umetito kap Krais kodong e Krais dong ke Ida Tapolngon limla odung. E aling aling umoboko dagar ma umodue wan ka omur heven ina.

2 Timoti 2:19

E Ida Tapolngon ila pelengon dong langka kadanga ka due ninu dong dagar. E sogongon dong ke kadanga tonari ka langane. “Ida Puda ile itau ke osep ka tidong ke ila osua.” E sogongon silang langane. “Osep ka isak Ida Puda ila osep ma tipul dogur ke elio epmes ina.”

Hibru 4:16

Deka ma itopolou olwo boto ke Ida Tapolngon ka makai ite e itoulou ke iye kovok. Ma aitno due ite e ila makaingan polou ke ite e lua ite alo ka elio bitna bitna polou ka opru ite.

Hibru 9:3

E molo ka botom lokono mana airavu ke eliang kene ina e eliang orwo ina. E tisir eliang orwo ina ka dong dogur ke molo tonari Eliang Ka Itau Lokono.

Hibru 9:7

E gute loulou ina ka mgo iye kene vala karanga sep ke eliang orwo ina ka Eliang Ka Itau Lokono. E iye karanga sepe aling kene vala ke tobor kene kene. E alo ka iye sepe iye paur marau ke ongwa ke tidue elio opmu ina ine. Marau tonari karanga kli ila elio epmes ina e elio epmes ina ka osep tidue e tile itau ine kovok.

1 Pita 1:3

Ma itakakai Ida Tapolngon ka iye Ida Puda Yesus Krais timla angaine tito la egim. Ida Tapolngon aitno due ite omba lokono. Deka iye due Yesus Krais poga tito ke ina denga e due ite itopolou oku langka mimi edimor. Elio ane due aitno lite dagar ma Ida Tapolngon kar ite ke wan ka iye wai ine kodong.