Hibru 6:17 - Aria New Testament

¹⁷ Ida Tapolngon waiki ma Abraham ila napakngan tile omur ila pelengon dagar a segesege kovok. Deka iye wai promis e sir iye tona angaine.

Hibru 6:17 ပူးပေါင်းရင်းမြစ်များ

Jon 10:10

E gute panakongon ina me ma iye panako wan e due burwa ke osep e due agegeng ke osep vala. E ngame ma osep tidue mosongon ka dong vala dong e mosongon tonari due wan itau bon ke isak.”

Pas ka Pol sogoe uti la ke osep Rom ina 11:29

Langka Ida Tapolngon rere isak ila osep e kar kerengen ke isak ma iye palele aitno kovok. Kesua ila pelengon karanga segesege kovok.

Pas ka Pol sogoe uti la ke osep Rom ina 8:17

E ma Ida Tapolngon kere ite ka titno langka iye kere Krais. Ila kerengen ka la ke Krais kodong ma me ke ite ka titno blang. E silang blang langane. Langka oglou agegeng polou ke Krais agegeng ma polou ke ite blang. E silang blang langane. Eriar langka Ida Tapolngon kakai Yesus ma iye kakai ite kap iye blang.

Galesia 3:29

E langka umodong ke Krais ila osua umodong langka Abraham titno blang. E ma umodue wan ka oglou Ida Tapolngon wai dagar ine ke Abraham deka iye kare ke Abraham.

Efesus 1:11

Ida Tapolngon didi aitno ke elio bitna bitna keniye ka iye waiki tipolou. Deka iye due isak keniye tipolou. Oglou iye tona didi aitno e rere imi osep Yuda ina ka imeneklep ke Krais ma imi ila osep imi.

Hibru 11:7

Noa aitno dagar ke Ida Tapol-ngon e Ida Tapolngon palongo iye ke wan ka mase ma polou ka iye ile ine kovok. Ida Tapolngon wai deka Noa due anit ke iye e uri sip ombatno ma iye kap ila osua tidong itau ine. Noa aitno dagar deka ila elio tonari nis osep ka tidong ke taklak urok elio soulu. E Noa polou itau e osuk ke Ida Tapolngon bitna langka osep leklou ka aitno lisak dagar ke iye.

Hibru 11:9

Aitno dagar ke Ida Tapolngon deka iye la dong ke omur ka Ida Tapolngon wai ine. E iye dong ke omur tonari langka gute kaulei e dong ke ninu molo ina. E otno Aisak e bumno Jekop ka Ida Tapolngon wai dagar ma iye kar isak eklu omur tonari tidong kap iye.

Hibru 6:12

E imawaiki umodue ropo ke lumu bokongon kovok. Imawaiki umakana osep ka aitno lisak ila dagar dong dagar e tipara ke wan itau. Kesua imawaiki umodue wan ka Ida Tapolngon wai dagar ma iye kare ke osep.

Hibru 6:16

Alo ka osep tiwai dagar ke gute angaine tiwai ke gute ka mole isak angaine. Deka gute tonari ila pelengon due osep ka tituk orsak urok pelengon mete.

Hibru 6:18

Ida Tapolngon ila pelengon orwo dong ka karanga segesege kovok. Pelengon kene ina iye ila promis e pelengon orwo ina iye ila pelengon dagar ka iye sir iye tona angaine ine. E iteile Ida Tapolngon karanga yakyak kovok. Deka ite ka itakalu ke Ida Tapolngon ma aitno lite mter ke Ida Tapolngon ila promis. E itodong dagar e itapara ke alo ka itodue wan ka Ida Tapolngon wai ine.

Jems 1:17

Wan keniye ka itau e itau lokono duru me ke Pmada ka dong egim ka tapol oklou e taiko e gigimo. Iye dong e segesege kovok langka wan ano segesege alo ka oklou lila ke egim ke sirva.

Jems 2:5

Sipmi. Umoklingen lou pele-ngon ane. Ida Tapolngon rere osep ka urok wan isuk boto vala ke taklak ane ma aitno lisak ila dagar dong dagar lokono ke iye. E iye rere isak ma mase tidong ke omur ka iye plaue ka iye wai promis ine ke osep ka isak lana isak ke iye.

1 Pita 1:3

Ma itakakai Ida Tapolngon ka iye Ida Puda Yesus Krais timla angaine tito la egim. Ida Tapolngon aitno due ite omba lokono. Deka iye due Yesus Krais poga tito ke ina denga e due ite itopolou oku langka mimi edimor. Elio ane due aitno lite dagar ma Ida Tapolngon kar ite ke wan ka iye wai ine kodong.

1 Pita 3:7

E umu arang aitno lumu mter itau ke lumu sasap. Umodong kap isak e aitno lumu mter urok arit eriar langka lumu arit kovok. Deka umodue anit ke isak kesua Ida Tapolngon kar umorwo mosongon ka itau. Umodue langane deka alo ka umawai itau ke Ida Tapolngon ma iye klingen lumu pelengon.