Hibru 6:11 - Aria New Testament

¹¹ Imawaiki umu kenmu kenmu umodue elio itau langane. Imawaiki umodue Ida Tapolngon ila bokongon itau e umapara ke wan ka itau ka mase ma polou.

Hibru 6:11 ပူးပေါင်းရင်းမြစ်များ

Matyu 24:13

E gute gesa ka aitno dong dagar la lama wan yagos ma Ida Tapolngon lua iye.

Luk 1:1

Osep pula tinogrum ma tisogo basikngen ke elio omba ka polou airavu ke imi.

Pas ka Pol sogoe uti la ke osep Rom ina 12:8

Langka gute gesa ila bokongon langka iye kar osep leklou pelengon ka due aitno lisak tipolou dagar lokono e tile omur lokono Ida Tapolngon waiki ma iye boko dagar ine. E gute ka lua osep leklou ka urok wan isuk boto vala ma iye due langane aling aling. E gute ka mgo ke osep Kristen leklou ma iye boko dagar ine. E gute ka aitno due osep leklou e lua isak Ida Tapolngon waiki ma aitno neser ine.

Pas ka Pol sogoe uti la ke osep Rom ina 15:13

Ida Tapolngon wai dagar ma iye kar wan ka pula keniye ka itau ke ite deka itapara ine. Aitno lumu dagar ke iye ma iye due aitno lumu itau lokono e due aitno lumu dong epen e ma aitno lumu neser omba lokono. E ke Ida Tapolngon Ano Itau ila arit elio ka umapara ke Ida Tapolngon ma iye kar wan itau ke umu ma polou omba ke umu.

1 Korin 13:13

E eknikane elio eklu tidong. Elio ka aitno lite ila dagar dong dagar ke Ida Tapolngon e elio ka itapara ke Ida Tapolngon ma iye due elio itau ke ite e elio ka ite lana ite ke osep leklou. Elio eklu tonari tidong vala. E elio ka mgongon lokono iye elio ka ite lana ite ke osep leklou.

1 Korin 15:58

E langane. Sipmi. Ma umo-dong dagar ke Ida Tapolngon ila elio e aitno lumu orwo ine sakam. Umodong umoboko dagar ke Ida Puda ila bokongon vala. Kesua Ida Puda ila bokongon ka umodue ma la adai kovok. Aurou. Ma dong vala kesua bokongon tonari Ida Puda ila bokongon.

Galesia 5:5

Ke Ano Itau ila arit aitno lite dagar ke Ida Tapolngon e itapara ma iye sir ite osep itau.

Galesia 6:9

Deka ite ma itodue elio itau e tarna lite meingen ine kovok. Langka itoboko engil deka alo ka ngangon anino ma itodue ngangon itau lokono.

Filipai 3:15

Deka ite ka itopolou langka osep ngongle ke aitno lite ila dagar kodong ma aitno lite kene ke lou pelengon tonari. E langka umu leklou aitno lumu mter ke elio silang Ida Tapolngon ma due aitno lumu ma umeile omur ine.

Kolosi 1:23

E ma umevri dagar ke aitno lumu ila dagar. Lama wan gesa nak umu e umosongon elio ka umapara ke wan itau lokono. Umonogrum umapara ke wan itau lokono alo ka umoklingen omon itau. Osep tinapapra omon itau ke osep ka pula keniye ka tidong ke taklak e ngong Pol ngapolou omon itau tonari ina gute bokongon ina blang.

Kolosi 1:5

Oglou alo ka pelengon lokono ka omon itau polou ke umu deka umoklingen ke wan ka itau lokono ka Ida Tapolngon rere ka dong para ke umu ke omur heven.

Kolosi 2:2

Ngadue bokongon tonari ma umodong dagar e ma umu ka pula keniye lana umu pulu e elio langane res polou omba. Ngawaiki ma umodue ilengen itau e ma umeile omur ke pelengon lokono. E ngawaiki ma umeile batne lokono ke Ida Tapolngon ila pelengon ka dong kukwop. Krais iye tona pelengon ka dong kukwop batne.

1 Tesalonaika 1:5

Omon itau ka imanapapra ine ke umu polou ke umu langka pelengon adai vala kovok. Aurou. Ano Itau sruk aitno limi deka imanapapra ke ila arit. E aitno limi dagar langka omon tonari iye pelengon lokono. E umeile elio ka imodue ka lua umu alo ka imodong kap umu.

1 Tesalonaika 4:10

E umodue elio langane kodong ke Ida Tapolngon ila osep ka tidong ke provins Masedonia. E sipmi imawai dagar ke umu ma aling aling umodue elio langane itau lokono.

2 Tesalonaika 3:13

E sipmi imawaiki aling aling umodue elio itau vala e umodue ropo kovok.

Hibru 10:22

E iye ris aitno lite ke ina marau ma elio soulu vri ke ite kovok. Ane langka iye ris pampamu lite ke aki ka wan sasi dong ine kovok. Deka aitno lite kene ke Ida Tapolngon e aitno lite ila dagar dong dagar e itopolou olwo boto ke Ida Tapolngon.

Hibru 3:14

Aitno lite tidong dagar ke Krais langka tidong dagar alo ka mgongon aitno lite la dagar ke iye. Langka itodue langane la lama alo ka itemete deka ma itodong kap Krais.

Hibru 3:6

E Krais iye Ida Tapolngon Otno Arang ka didi ila pelengon e plau ila osep itau. Isak langka Ida Tapolngon ila ninu. E Ida Tapolngon ila osep tonari ite. Deka ma itodong dagar e aitno lite ila dagar segesege kovok. Ma itodong itapara ke wan ka mase ma polou.

1 Pita 1:21

Deka aitno lumu dagar ke Ida Tapolngon batne ke Krais. Oglou alo ka Krais mete Ida Tapolngon due poga tito ke ina denga deka iye kakai Krais tito la egim. Iye due langane deka aitno lumu dagar ke Krais e umapara ma iye didi ila pelengon ka iye wai ine kodong.

2 Pita 1:10

Sipmi. Ida Tapolngon gi umu e rere umu ila osep kodong. Deka umu arit umu ma umodue elio isuk isuk ka itau ma umeile omur Ida Tapolngon rere umu ila osep umu. Langka umodue langane ma umopul dogur ke iye kovok.

2 Pita 3:14

Sipmi. Ngong lana ngong ke umu e ngawai langane. Umapara ke alo ka wan tonari polou deka umu arit umu ma umodue elio itau vala ma umodong itau ke Ida Tapolngon bitna. E aitno lumu dong epen kap iye.

1 Jon 3:14

Oglou itodong langka osep ka timete e oku ane itodong ke mosongon ka dong vala dong. E iteile itodong ke mosongon tonari kesua ite lana ite ke Ida Tapolngon ila osep. E osep ka isak lana isak ke osep leklou kovok isak dau tidong langka osep ka timete.

1 Jon 3:19

Langka ite lana ite ke sudo deka iteile omur ite Ida Tapolngon ila osep lokono. Iteile itodong itau ke Ida Tapolngon bitna deka aitno lite mtong ine.

Pelengon kukwopngon 2:26

“Gute ka mole elio soulu e didi lou elio keniye la lama wan ka pula keniye isak yagos ma ngakar iye arit ma iye mgo e plau osep ka tidong ke taklak.