Hibru 6:10 - Aria New Testament

¹⁰ Ida Tapolngon didi ila elio itau vala e wade osep urok elio isuk isuk ine. Deka ma bitna sisir ke lumu elio itau e elio ka umu lana umu ke iye alo ka oglou umolua ila osep. E eknikane umu dau umolua isak blang.

Hibru 6:10 ပူးပေါင်းရင်းမြစ်များ

Matyu 10:42

E langka gute gesa kar aki epen ke lou disaipel ka ila wan isuk boto vala ma iye inim kesua batne iye didi ngong lokono ma iye due wan itau lokono.”

Matyu 20:7

E isak tikoli tiwai langane. ‘Imevri adai kesua gute gesa kli imi ma imodue ila bokongon kovok.’ Deka gute wai ke isak langane. ‘Umu blang umala umoboko ke lou yage.’

Matyu 25:17

E gute ka due 2,000 kina due burong ine blang e iye due 2,000 kina silang.

Mak 9:41

Ngawai ke umu ke pelengon ane ka lokono lokono. Langka aki vel umu e osep leklou tikar upu aki ke umu batne umu lou disaipel mase ma Ida Tapolngon kere isak ke ila kerengen.”

Jon 13:20

Ngawai lokono ke umu langane. Langka osep aitno lisak itau ke osep ka ngapagei isak deka aitno lisak itau ke ngong blang. E langka aitno lisak itau ke ngong deka aitno lisak itau ke Ida Tapolngon ka pagei ngong ngame blang.”

Aposel 10:31

Iye polou ke omtongu deka iye wai ke ngong langane. ‘Kornilius oglou amwai itau ke Ngap Tapolngon. Iye klingen lem pele-ngon kodong e bitna sisir ke lem elio itau ka oglou omlua osep ka urok wan isuk boto vala.

Aposel 10:4

Kornilius klingen ensel tonari wai ke iye deka bitna nekek ke iye e ano nesik. Deka iye wai langane. “Ngau Puda omo ane batne lange?” Deka ensel koli wai langane. “Ngap Tapolngon bitna sisir lem elio ka oklou aling aling amwai itau ke iye e ke lem elio ka omtuk lem mani leklou e omlua osep ka urok wan isuk boto vala ine.

Aposel 11:29

Deka ari Yesus ila disaipel timter pelengon pulu ma tilua sisrok ka tidong ke omur Judia. Deka isak kensak kensak tilua osep tonari eriar langka tikaranga ine.

Pas ka Pol sogoe uti la ke osep Rom ina 12:13

Langka Ida Tapolngon ila osep leklou urok wan isuk boto vala deka umolua isak. E langka osep kaulei time tipolou ke umu deka umekere isak itau.

2 Korin 9:1

Umeile kodong ke mani ka la ke Ida Tapolngon ila osep ka tidong ke omur Judia. E ma ngasogo ine blang kovok.

Galesia 5:13

Sipmi. Ida Tapolngon gi umu ma umodong fri. E aitno lumu mter langane kovok. Imi imodong fri e imakaranga imedidi aitno limi ke elio oglou ina. Aurou. Ma aitno lumu mter langane. Imi kenmi kenmi imodong wokboi nating ke Ida Tapolngon ila osep leklou e ma imi lana imi ke isak.

Galesia 5:6

Langka gute dong ke Krais Yesus deka elio ulangngan ina iye wan adai vala e elio ka gute due elio ulangngan ina kovok iye wan adai blang. E elio ka aitno lite ila dagar sruk ite ma ite lana ite ke osep leklou elio langane iye wan lokono.

Galesia 6:10

E alo ka itakaranga itodue elio itau ke osep leklou ma itodue. Itodue elio itau ke osep ka pula keniye e wan ka itau lokono itodue elio itau ke Ida Tapolngon ila osep.

Kolosi 3:17

Deka langane. Ke wan ka pula keniye ka umodue koke wan ka pula keniye ka umawai ine umodue batne aitno lumu dagar ke Ida Puda Yesus. E ke Yesus angaine umawai tenkyu ke Ida Tapolngon ka Pmada ke wan keniye ka iye due.

1 Tesalonaika 1:3

Aitno limi langane. Imawai itau ke Ida Tapolngon ka Pmada kesua aitno lumu ila dagar sruk aitno lumu deka umodue elio itau. E umu lana umu ke osep ka pula keniye deka umoboko dagar ma umolua osep. E umapara ke Ida Puda Yesus Krais ma iye iding me.

1 Timoti 6:18

Amwai dagar ke isak ma tidue elio bitna bitna ka itau ka lua osep leklou. Aling aling ma tidue tovro ke osep ka urok wan isuk boto vala.

2 Timoti 4:8

Mase Ida Puda ma wade osep ka pula keniye ke ila elio ka itau e osuk. E iye ma kar kerengen ke ngong ka iye rere ke osep ka timole resis tonari. Ma iye kar kerengen ke ngong ka iye kare blang ke osep ka urok elio itau e osuk. Ma iye kare ke ngong ke oklou ka iye ma wade osep ka pula keniye urok elio isuk isuk ine. E ma iye kar kerengen ke ngong vala kovok. Aurou. Ma iye kar kerengen ke osep ka pula keniye ka isak lana isak ke iye e tipara ke alo ka iye iding me ma tivati iye.

Hibru 10:32

Aitno lumu mter ke oglou alo ka umoklingen Ida Tapolngon ila omon itau aling kene ina. Alo ari osep tidue agegeng omba ke umu e dau aitno lumu segesege kovok e umodong dagar ine.

Hibru 13:16

E umodue elio itau ke osep leklou e langka osep urok wan isuk boto vala deka umotuk lumu wan e umolua isak ine. E omtomu uli ke elio tonari kovok kesua elio langane iye langka umodue lumu wan e umakare ke Ida Tapolngon e aitno itau ine.

1 Jon 1:9

E langka itapalongo malak ke udo elio epmes ina deka Ida Tapolngon ma sak isak kla. Ida Tapolngon ila elio langane. Iye didi ila pelengon ka iye wai ine kodong e due elio itau vala. Ma itopolou itau e osuk ke bitna.