Hibru 5:9 - Aria New Testament

⁹ Elio tonari polou ke iye deka iye polou gute ka lua osep ke urok elio epmes ina. Deka iye lua osep ka tini iye ke urok elio epmes ina dong vala dong.

Hibru 5:9 ပူးပေါင်းရင်းမြစ်များ

Matyu 17:5

Alo ka Pita dau wai gaup ka okou lokono kading oklou e kreine me ke gaup ka wai langane. “Gute ane Erigu Arang ka ngong lana ngong ke iye omba e aitno lungong itau lokono ke iye. Umoklingen ila pelengon.”

Luk 13:32

Deka Yesus koli wai ke isak langane. “Gute Herot langka pokis deka umala e umawai ke iye ngawai langane. ‘Eknikane e kotu ma ngasapir angelo soulu e ngadue osep ka tipaia tipolou itau. Deka ke oklou eklu ina ma ngababrum lou bokongon.’

Jon 19:30

Alo ka Yesus inim aki wain ka meli iye wai langane. “Lou bokongon yagos.” Deka apna duru e iye mete.

Aposel 3:15

Deka umodue Yesus ka iye elio itau ina poloungon batne deka umomluk iye ma iye mete. Iye mete deka Ida Tapolngon due poga tito ke ina denga. E imi ane imavati iye.

Aposel 4:12

“Umoklingen. Oglou Ida Tapolngon kar itosep Ida Luangan Yesus. Iye tona Ida Luangan lokono e eknikane gute gesa dong langka iye kovok. Gute silang angaine dong ka karanga lua ite kovok. Aurou. Yesus vala Ida Luangan lokono.”

Aposel 5:32

Imi ane e Ano Itau imapalongo osep ke elio tonari. Oglou imavati Yesus ila elio bitna bitna deka eknikane imapalongo osep ine. E eknikane Ano Itau ka Ida Tapolngon kar iye ke osep keniye ka tididi ila pelengon pa-longo osep ine blang.”

Pas ka Pol sogoe uti la ke osep Rom ina 1:5

E silang blang langane. Ida Tapolngon makai imi e rere imi ma imi ila aposel leklou batne Yesus dong. Iye rere imi ma imapaur ila omon itau la ke osep ka pula keniye ka tidong ke omur pula. Iye rere imi kesua iye waiki ma osep ka pula keniye aitno lisak la dagar ke ila pelengon e ma tididie.

Pas ka Pol sogoe uti la ke osep Rom ina 10:16

Osep Israel ina leklou aitno lisak dagar ke Ida Tapolngon ila omon itau kovok. Elio ane eriar langka oglou Aisaia sogo ine langane. “Ngau Puda osep seisei tidong ka aitno lisak dagar ke pelengon ka imanapapra ine?”

Pas ka Pol sogoe uti la ke osep Rom ina 15:18

E ma ngawai ke wan silang blang kovok. Aurou. Ma ngawai ke wan kene vala. Ngawai ke bokongon ka Krais lua ngong ine. Kesua lou bokongon e lou pelengon due osep ka isak osep Yuda ina kovok ma tini Ida Tapolngon ila pelengon.

Pas ka Pol sogoe uti la ke osep Rom ina 2:8

E osep ka aitno lisak vri ke isak e tipul dogur ke elio itau e tidue elio soulu vala ma Ida Tapolngon aitno engil ke isak. Ma aitno engil lokono ke isak e ila wadengen ma due isak.

Pas ka Pol sogoe uti la ke osep Rom ina 6:17

Oglou elio epmes ina plau umu e umodue elio epmes ina bitna bitna vala. Mase osep tiparere umu ke Ida Tapolngon ila pelengon deka aitno lumu la dagar ine. Aitno lumu dong dagar ine e ngakakai Ida Tapolngon angaine tito ine.

2 Korin 10:5

Imomole pelengon bitna bitna ka para pulu ke Ida Tapolngon ila pelengon e pelengon ka waiki pagolgol osep aitno lisak ma tile Ida Tapolngon kovok. Limem pelengon mole osep ka aitno lisak mter pelengon ka para pulu ke Ida Tapolngon ila pelengon deka ma tini Krais.

Filipai 2:12

Sipmi. Ngong lana ngong ke umu. E langka oglou umedidi lou pelengon alo ka ngadong kap umu deka eknikane alo ka ngadong kap umu kovok ma umedidi lou pelengon lokono. Ida Tapolngon lua umu ke lumu elio epmes ina kodong deka eknikane umodong dagar ke aitno lumu ila dagar e umodue anit ke Ida Tapolngon e umoboko ma lumu mosongon ke taklak ane dong itau.

2 Tesalonaika 1:8

Deka ma iye due agegeng ke osep ka tipul dogur ke Ida Tapolngon e osep ka tididi omon itau ka la ke Ida Puda kovok.

2 Tesalonaika 2:16

Ida Puda Yesus Krais iye tona kap Ida Tapolngon ka Pmada isak lana isak ke ite e timakai ite. E tisruk aitno lite ma itodong dagar e itodong itapara ke alo ka Ida Tapolngon ma due ite itodong itau kap iye.

2 Timoti 2:10

Osep tidue agegeng ke ngong e dau ngadong dagar ine kesua ngawaiki ngalua osep ka Ida Tapolngon rere isak ila osep. Ma Krais Yesus lua isak ke urok elio epmes ina e tidue mosongon ka dong vala dong kap iye.

Hibru 1:14

E langane. Ida Tapolngon ila ensel isak ansak ka tidue ila bokongon. Iye pagei isak ma tilua osep ka Ida Tapolngon waiki lua isak ke urok elio epmes ina.

Hibru 11:40

Kesua oglou kodong Ida Tapolngon aitno mter ma iye due elio ka itau lokono ke ite ka pula keniye. Deka iye waiki isak timgo ke ite kovok. Aurou. Iye waiki ite ka pula keniye itopolou itau lokono ke aling kene vala.

Hibru 11:8

Abraham aitno dagar ke Ida Tapolngon. E Ida Tapolngon wai ke iye ma iye songon ila omur e la dong ke omur silang ka mase ma polou ila omur. Deka iye didi Ida Tapolngon aitno e la ke omur silang lama iye ile omur tonari kovok.

Hibru 12:2

Ma aitno lite mter ke Yesus ka iye aitno lite ila dagar batne. E iye due aitno lite ila dagar polou dagar lokono. Alo ka iye dong ke taklak aitno neser ke wan itau lokono ka mase ma ila wan. Deka iye ulou ke ina akai kovok e aitno mter langka wan tonari soulu kovok e iye mete ine vala. E iye mnak iye ine kovok. E eknikane iye dong ke omur heven ke Ida Tapolngon limla odung.

Hibru 2:10

Ida Tapolngon ka iye due wan ka pula keniye e ka ila arit plau wan tonari didi aitno e songon Yesus namani elio soulu ka osep tidue ke iye. Ke elio langane Yesus polou Ida Luangan e Ida Tapolngon waiki osep pula tipolou titno batne ke iye.

Hibru 2:3

Deka oku ane langane. Langka itopul dogur ke elio ka Ida Tapolngon lua ite ke udo elio epmes ina ka mole Moses ila sogongon tonari ma itokos ke Ida Tapolngon ila wadengen kovok. Mgo Ida Puda napapra Ida Tapolngon ila pelengon itau ka karanga lua ite ke udo elio epmes ina. Deka osep ka tiklingen ine tipalongo udo langane. Pelengon tonari pelengon lokono.

Hibru 9:12

E Krais due meme koke bulmakau titno inarak marau e iye sep ke Ida Tapolngon ila ninu kovok. Aurou. Iye due elio opmu ina ke iye tona ina marau e iye sep ke Ida Tapolngon ila ninu ina Eliang Ka Itau Lokono aling kene vala. Deka iye kli udo elio epmes ina dong vala dong.

Hibru 9:15

Krais loulou ke ite deka iye due Ida Tapolngon ila kontrak oku ina polou kesua Ida Tapolngon waiki osep ka iye rere isak ila osep tidue wan ka iye wai dagar ma tidue e wan tonari dong vala dong. Yesus ina marau e ina metengen kli urok elio epmes ina bitna bitna ka tidue alo ka oglou tididi Moses ila sogongon.

Hibru 9:28

Krais mete langka wan ka osep tidue elio opmu ina ine aling kene vala. Deka ma iye polou aling silang blang ma kli udo elio epmes ina aling silang blang kovok. Aurou. Iye ma iding e lua osep ka tipara ke iye.

1 Pita 1:22

Umedidi pelengon ka lokono e Ida Tapolngon due lumu elio epmes ina noklok la deka umodong itau lokono. E aitno lumu omba e umu lana umu lokono ke Ida Tapolngon ila osua. E ngawaiki umu lana umu omba ke isak.

1 Jon 5:20

Iteile Ida Tapolngon Otno Arang duru me ke taklak e kar ilengen ke ite ma itakaranga iteile Ida Tapolngon ka lokono. E itodong kap iye ka lokono e itodong kap Otno Arang Yesus Krais. Ida Tapolngon iye tona Tapolngon ka lokono e itodue mosongon ka dong vala dong batne ke iye.

Pas ka Jut sogoe 1:21

Ida Tapolngon lana iye ke umu e ngawaiki aling aling aitno lumu mter ine. E umapara ke alo ka Ida Puda Yesus Krais aitno due umu e kar lumu mosongon ka dong vala dong ke umu.