Hibru 5:7 - Aria New Testament

⁷ Alo ka Yesus dau dong ke taklak aling aling iye wai itau ke Ida Tapolngon e pmi iye ke wan bitna bitna. Iye daiku ke Ida Tapolngon e kngis kesua iye ile Ida Tapolngon karanga lua iye ma iye mete kovok. E Ida Tapolngon klingen ila pelengon e koli ila pmingen itau kesua iye due anit ke iye e ini iye.

Hibru 5:7 ပူးပေါင်းရင်းမြစ်များ

Matyu 27:46

E langka 3 kilok Yesus daiku omba langane. “Eli Eli lama sabaktani” ka lana ina langane. “Ngau Tapolngon Ngau Tapolngon ina lange omsongon ngong?”

Matyu 27:50

Deka Yesus daiku omba e mete.

Mak 15:34

Alo ari Yesus wai omba langane. “Eloi eloi lama sabaktani.” Pelengon ane lana ine langane. “Ngau Tapolngon. Ngau Tapolngon. Ina lange omsongon ngong.”

Mak 15:37

Deka Yesus daiku omba e mete.

Luk 23:46

E Yesus daiku omba langane. “Livou ngakar anngong ke wom.” Iye wai langane deka iye mete.

Jon 1:14

Gute ka ina sirngen Ida Tapolngon Ila Pelengon polou langka itosep e ke sasi boto iye dong kap ite e itavati ila bublongon e ila arit ka ombatno. Iye dong langane kesua iye Ida Tapolngon Otno Arang ka kene vala e elio ka iye makai ite e wai pelengon lokono bon ke iye.

Jon 11:35

E Yesus kngis.

Jon 11:42

Ngaile aling aling emklingen ngong alo ka ngawai itau ke wom e ngawai langane kesua osep pula tidong ane. Ma aitno lisak dagar ke elio ka ampagei ngong ngame ke taklak.”

Jon 17:1

Yesus wai pelengon tonari yagos deka bitna tito ke omur heven e iye wai langane. “Livou lou taim polou kodong. E oku ane emnis osep ke lou elio ka itau lokono e lou arit ka omba ma ngakaranga nganis osep ke lem elio ka itau lokono e lem arit ka omba blang.

Pas ka Pol sogoe uti la ke osep Rom ina 8:3

Oglou osep ka tididi Moses ila sogongon vala tipolou itau e osuk ke Ida Tapolngon bitna kovok. Kesua elio epmes ina dong ke pampamu lisak e tidar sogongon tonari vala. E Ida Tapolngon due ite itopolou itau e osuk ke bitna batne ke Otno Arang Yesus. Oglou Ida Tapolngon pagei Yesus ke itosep e ari iye dong langka itosep blang. E iye polou Ida Kasipngen ka kli itosep udo elio epmes ina.

Galesia 4:4

E alo ka Ida Tapolngon rere iye pagei Otno Arang me. Apmang divir iye e iye polou gute e dong moli ke Moses ila sogongon.

1 Timoti 3:16

E iteile langane. Ida Tapolngon ila pelengon langka wan ka omba lokono. Ida Tapolngon nis ite ine langane. Krais polou langka itosep e osep pula tivati iye. E Ano Itau nis ine langane. Ila elio keniye itau lokono e ensel tivati iye. Osep kla tipalongo ila ke osep pula ke omur omur. Deka osep ka taklak ina aitno lisak la dagar ke iye. E Ida Tapolngon due bauluk tito la ke omur Heven e iye dong kap Ida Tapolngon.

Hibru 10:10

Yesus Krais didi Ida Tapolngon aitno deka pli tarna e mete langka iye wan ka osep tidue elio opmu ina ine. Iye due langane aling kene vala e Ida Tapolngon klok udo elio epmes ina la deka itopolou Ida Tapolngon ila osep batne ke iye.

Hibru 10:5

Alo ka Krais me ke taklak iye wai ke Ida Tapolngon langane. “Amwaiki osep tidue elio opmu ina koke tipaur wan bitna bitna ke wom kovok. Aurou. E emkere pampamu lungong vala ma ngadong ine.

Hibru 11:7

Noa aitno dagar ke Ida Tapol-ngon e Ida Tapolngon palongo iye ke wan ka mase ma polou ka iye ile ine kovok. Ida Tapolngon wai deka Noa due anit ke iye e uri sip ombatno ma iye kap ila osua tidong itau ine. Noa aitno dagar deka ila elio tonari nis osep ka tidong ke taklak urok elio soulu. E Noa polou itau e osuk ke Ida Tapolngon bitna langka osep leklou ka aitno lisak dagar ke iye.

Hibru 12:28

Deka langane. Mase ma itodong ke omur ka Ida Tapolngon plaue e omur tonari karanga nemilmil kovok. Deka ma itawai tenkyu ke Ida Tapolngon e itolotuim iye ke elio ka aitno itau ine. Ma itodue anit ke iye e iteini iye.

Hibru 13:20

Ida Puda Yesus plau ite itau langka gute ka plau sipsip plau isak itau. Yesus ina marau due Ida Tapolngon ila kontrak oku ina ka dong vala dong polou lokono. E Ida Tapolngon ka due aitno lite dong epen due Yesus poga tito ke ina denga.

Hibru 2:14

Osep tonari ka Yesus wai ine isak osep vala. E Yesus me polou langka itosep ma iye mete e ina metengen due Satan ila arit ka due osep timete polou yagos.

1 Jon 4:3

E osep ka tiwai Yesus duru ke taklak e polou langka itosep kovok tiyakyak. Time ke Ida Tapolngon kovok. Time ke Krais ina oul kene ina ka umoklingen ma iye me. E oku ane iye me polou ke taklak kodong.

2 Jon 1:7

Osep yakngan ina pula isak kla ke omur ka pula keniye ke taklak e tiwai langane. “Yesus Krais me polou langka itosep kovok.” Osep ka tiwai langane isak osep yakngan ina e isak Krais ina oul.