Hibru 5:5 - Aria New Testament

⁵ E Krais blang langane. Iye rere iye tona gute loulou ina ka mgo kovok. E Ida Tapolngon wai langane. “Wom Erigu Arang e ngong Abo.”

Hibru 5:5 ပူးပေါင်းရင်းမြစ်များ

Jon 3:16

“Ida Tapolngon lana iye ke osep ka pula keniye ka tidong ke taklak deka iye pagei Otno Arang ka kene vala ke osep. Ma osep seisei ka aitno lisak la dagar ke iye timete kovok. Aurou. Ma tidue urok mosongon ka dong vala dong.

Jon 7:18

Gute ka didi aitno e wai ila pelengon due langane ma osep tikakai angaine tito. E gute ka waiki kakai gute ka pagei iye me angaine iye wai pelengon lokono vala e yakyak kovok.”

Jon 8:54

E Yesus koli wai ke isak langane. “Langka ngong tona ngakakai angain ngong deka angain ngong omba kovok. E ngadue langane kovok. Livou ka umawai iye Upu Tapolngon kakai angain ngong tito la egim.

Pas ka Pol sogoe uti la ke osep Rom ina 8:3

Oglou osep ka tididi Moses ila sogongon vala tipolou itau e osuk ke Ida Tapolngon bitna kovok. Kesua elio epmes ina dong ke pampamu lisak e tidar sogongon tonari vala. E Ida Tapolngon due ite itopolou itau e osuk ke bitna batne ke Otno Arang Yesus. Oglou Ida Tapolngon pagei Yesus ke itosep e ari iye dong langka itosep blang. E iye polou Ida Kasipngen ka kli itosep udo elio epmes ina.

Hibru 1:1

Ke oglou Ida Tapolngon due osep napaprangan ina tiwai ila pelengon ke udo seia. Iye due langane aling pula e ke elio bitna bitna pula.

Hibru 1:5

Ke oglou Ida Tapolngon wai ke Otno Arang langane. “Wom Erigu Arang e ngong Ngap Abo.” E iye wai blang langane. “Ma ngadong Timla e iye dong Erigu Arang.” E Ida Tapolngon wai langane ke ila ensel gesa koke aurou? Aurou lokono.

Hibru 2:17

E ke batne langane iye polou langka itosep. Ma iye karanga polou udo gute loulou ina ka mgo ka makai ite. E iye didi Ida Tapolngon ila pelengon keniye ke ila bokongon ka iye loulou ke ite. Ma iye klok osep urok elio epmes ina kla.

Hibru 3:1

Sipmi. Umu ka Ida Tapolngon ka dong ke omur heven rere umu ila osep e ma umodong kap iye ngawai ke umu langane. Aitno lumu mter ke Yesus ka aitno lumu dagar ke iye. Ida Tapolngon pagei iye ma iye polou udo gute loulou ina ka mgo.

Hibru 5:10

Deka Ida Tapolngon rere iye gute loulou ina ka mgo eriar langka Melkisedek.