Hibru 5:11 - Aria New Testament

¹¹ Pelengon pula dong ka wai ke elio ka Yesus polou gute loulou ina ka mgo eriar langka Melkisedek. E dau imakaranga imawai ine kovok kesua aitno lumu kis limem pelengon dagar suong kovok.

Hibru 5:11 ပူးပေါင်းရင်းမြစ်များ

Matyu 13:15

Kesua osep aitno lisak tikaranga timter itau kovok e talsak tiklingen isuk boto vala e tikading amtarsak. Lama amtarsak tivati wan e talsak tiklingen wan e aitno lisak timter itau e tiding ke ngong ka Inarak Tapolngon e ngadue isak tidong itau.’”

Mak 8:21

Deka Yesus wai ke isak langane. “Umavati elio tonari e dau umeile omur ine kovok i?”

Luk 24:25

Deka Yesus wai ke isak langane. “Umu kaka lokono e aitno lumu la dagar suong ke pelengon ka oglou osep napaprangan ina tiwai ine kovok.

Jon 16:12

“Ngawaiki ngawai pelengon pula leklou ke umu e dau oku ane umakaranga umodue pelengon tonari e umeile itau ine kovok.

Jon 6:6

Iye wai langane ma iye tok Filip e ile ila kolingen vala kesua iye ile kodong elio ka iye ma due.

Aposel 28:27

Kesua umopono aitno lumu lama umeile omur ine. Umopono talapmu lama umoklingen itau ine. Omtomu evin lama umavati malak ine. Umodong langane kesua umawaiki umabauluk aitno lumu ke lumu elio epmes ina kovok lama ngalua umu ine.”’”

Hibru 5:10

Deka Ida Tapolngon rere iye gute loulou ina ka mgo eriar langka Melkisedek.

Hibru 5:12

Umoklingen Ida Tapolngon ila pelengon ko-dong. E eknikane ngawaiki ma umakaranga umaparere osep leklou ke Ida Tapolngon ila pelengon. E aurou. Osep dau tiparere umu ke Ida Tapolngon ila pelengon ka mgongon ina vala. Ane langka umakaranga umangen ngangon dagar kovok. E langka umu dau umeinim sisu vala.

2 Pita 3:16

Iye sogo ke elio tonari ke ila pas keniye. E alo ka itedidi ila sogongon leklou ite opru ite ma iteile omur ke ila pas lana ine. E osep leklou aitno lisak kaka e aitno lisak orwo ke Ida Tapolngon deka tipagolgol sogongon tonari lana ine. Eriar langka tipagolgol Ida Tapolngon ila pelengon keniye lana ine. E agegeng ma polou ke isak ine.