Hibru 5:1 - Aria New Testament

¹ Alo ka Ida Tapolngon waiki rere gute loulou ina ka mgo iye rere gute tonari ke itosep. Iye rere gute ma iye due ila bokongon airavu ke osep. E silang blang ma iye due elio opmu ina ke wan ka osep tipaure ma tidue elio opmu ina ine ke Ida Tapolngon. Iye due langane batne sisrok urok elio epmes ina.

Hibru 5:1 ပူးပေါင်းရင်းမြစ်များ

Pas ka Pol sogoe uti la ke osep Rom ina 15:17

E langane. Nganeklep ke Krais Yesus deka aitno lungong itau lokono kesua ngaboko ke Ida Tapolngon ila bokongon.

1 Korin 15:3

Pelengon ka omba lokono ka oglou Ida Puda kare ke ngong io ngakare ke umu langane. Krais mete ma klok udo elio epmes ina langka oglou Ida Tapolngon ila pelengon wai ine.

Hibru 10:11

Osep loulou ina ka isak osep Israel ina tidue urok bokongon oklou aling aling. Aling aling tidue elio opmu ina e elio tonari karanga klok osep urok elio epmes ina kovok.

Hibru 10:12

E udo gute loulou ina ka Krais me deka mete aling kene vala e klok udo elio epmes ina dong vala dong. Iye mete deka bauluk tito ke omur heven e dong ke Ida Tapolngon limla odung.

Hibru 11:4

Abel aitno dagar ke Ida Tapolngon deka iye due elio opmu ina. E Ida Tapolngon aitno itau ke wan ka Abel due elio opmu ina ine e aitno itau kovok ke wan ka Kein due elio opmu ina ine. Abel aitno dagar ke Ida Tapolngon deka Ida Tapolngon sir iye gute ka itau e osuk. E eknikane lama oglou iye mete kodong aitno ila dagar dau nis ite ma aitno lite dagar ke Ida Tapolngon.

Hibru 2:17

E ke batne langane iye polou langka itosep. Ma iye karanga polou udo gute loulou ina ka mgo ka makai ite. E iye didi Ida Tapolngon ila pelengon keniye ke ila bokongon ka iye loulou ke ite. Ma iye klok osep urok elio epmes ina kla.

Hibru 7:27

Oglou osep loulou ina ka mgo tidue elio opmu ina ke oklou kene kene. Paide gute kene kene due elio opmu ina ke iye tona ila elio epmes ina deka iye due ke osep leklou urok elio epmes ina. E Yesus due langane kovok kesua iye pli tarna e mete aling kene vala. Deka ina metengen tonari kli osep ka pula keniye urok elio epmes ina.

Hibru 8:3

Oglou Ida Tapolngon rere osep loulou ina ka mgo ma tipaur wan ke Ida Tapolngon e tidue elio opmu ina ine. E oku ane Yesus ka udo gute loulou ina ka mgo iye blang ma paur wan ke Ida Tapolngon.

Hibru 8:4

E langka Yesus dau dong ke taklak iye dong gute loulou ina kovok. Kesua osep loulou ina tidong e tidue elio opmu ina ka Moses ila sogongon wai ine.

Hibru 9:9

E Ida Tapolngon ila ninu molo ina dong langka nisngen ke oku ane. Wan ka oglou osep tikare ke Ida Tapolngon e tidue elio opmu ina ine karanga due aitno lisak itau ke Ida Tapolngon bitna kovok.