Hibru 4:14 - Aria New Testament

¹⁴ Ida Tapolngon Otno Arang Yesus iye udo gute loulou ina ka mgo e iye dong ke omur heven. Deka ite ma itodong dagar ke aitno lite ila dagar.

Hibru 4:14 ပူးပေါင်းရင်းမြစ်များ

Matyu 4:3

E gute tonari ka waiki tok iye me wai ke iye langane. “Langka wom Ida Tapolngon Otno Arang amwai ke opmu ane ma tipolou bret.”

Mak 1:1

Pelengon ane nogrum wai ke omon itau ka la ke Ida Tapolngon Otno Arang Yesus Krais.

Mak 16:19

Ida Puda Yesus wai yagos deka iye tito la ke omur heven deka dong ke Ida Tapolngon limla odung.

Luk 24:51

Alo ka iye dau wai langane ke isak iye songon isak e tito la ke omur heven.

Aposel 1:11

Deka osep orwo tonari tiwai ke isak langane. “Umu ka osep Galili ina ina lange omtomu dau tinekek dagar ke omur ka Yesus sepe? Eriar langka eknikane umavati Yesus tito la ke omur heven mase ma iye iding me blang.”

Aposel 3:21

Eknikane Yesus dau dong ke omur heven la lama iding alo ka elio polou eriar langka oglou osep napaprangan ina tiwai ine. Oglou ari Ida Tapolngon due osep napaprangan ina aitno lisak deka tiwai langane. ‘Mase dau tauni ma Ida Tapolngon due wan bitna bitna keniye tipolou itau lokono eriar langka oglou ari alo ka elio epmes ina dau dong kovok.’ Deka alo ka elio ane polou ma Yesus duru dong ke taklak blang.”

Pas ka Pol sogoe uti la ke osep Rom ina 8:34

Ma sinngen elio keniye tibure vala. Kesua Yesus Krais mete e kasip amunte kodong. Ari Ida Tapolngon due poga tito ke ina denga deka eknikane iye lua ite e dong ke Ida Tapolngon limla odung e loulou ke ite.

2 Korin 12:2

Oglou ke tobor songotno apanal la kodong Ida Tapolngon due gute Kristen kene tito ke omur heven ka Ida Tapolngon dong ine. E ngaile kovok langka gute tonari pampamu ine la kap ano ke omur heven koke ano vala la ke omur heven. Ida Tapolngon vala ile ine.

2 Korin 9:13

E osep pula tivati lumu bokongon itau deka tile umedidi Krais ila omon itau ka umawai ine lokono e tikakai Ida Tapolngon angaine ine. E silang blang tikakai angaine kesua umotuktuk lumu wan pula e umolua isak e osep leklou blang ine.

Efesus 4:10

E langane. Gute ka duru dong ke taklak iye tona gute ka mase bauluk tito ke omur ka dong egim. Deka iye dong ke omur ka pula keniye ka tidong ke taklak e ka tidong egim.

Hibru 1:8

E Ida Tapolngon wai ke Otno Arang langane. “Wom Tapolngon e wom emvri mgo e amplau osep dong vala dong. E emdidi elio itau vala e amplau lem osep.

Hibru 10:12

E udo gute loulou ina ka Krais me deka mete aling kene vala e klok udo elio epmes ina dong vala dong. Iye mete deka bauluk tito ke omur heven e dong ke Ida Tapolngon limla odung.

Hibru 10:23

E itapalongo osep ke aitno lite ila dagar e ke wan itau lokono ka itapara ine. Deka itekis dagar ine e aitno lite orwo ine kovok. Kesua iteile Ida Tapolngon didi ila pelengon keniye ka iye wai ine kodong.

Hibru 10:29

Langka elio tonari dong deka aitno lumu lange ke gute ka pul dogur ke Ida Tapolngon Otno Arang? Ma Ida Tapolngon due elio lange ke iye? Ida Tapolngon ma due agegeng omba ke iye kesua ane langka gute tonari aitno mter Krais ina marau wan adai vala. E Krais ina marau batne ke Ida Tapolngon ila kontrak oku ina ka due osep tidong itau ke Ida Tapolngon bitna. E iye wai soulu ke Ano Itau ka makai iye.

Hibru 12:2

Ma aitno lite mter ke Yesus ka iye aitno lite ila dagar batne. E iye due aitno lite ila dagar polou dagar lokono. Alo ka iye dong ke taklak aitno neser ke wan itau lokono ka mase ma ila wan. Deka iye ulou ke ina akai kovok e aitno mter langka wan tonari soulu kovok e iye mete ine vala. E iye mnak iye ine kovok. E eknikane iye dong ke omur heven ke Ida Tapolngon limla odung.

Hibru 2:1

Deka ma itekis pelengon tonari dagar e amtada uli ine kovok.

Hibru 2:17

E ke batne langane iye polou langka itosep. Ma iye karanga polou udo gute loulou ina ka mgo ka makai ite. E iye didi Ida Tapolngon ila pelengon keniye ke ila bokongon ka iye loulou ke ite. Ma iye klok osep urok elio epmes ina kla.

Hibru 3:1

Sipmi. Umu ka Ida Tapolngon ka dong ke omur heven rere umu ila osep e ma umodong kap iye ngawai ke umu langane. Aitno lumu mter ke Yesus ka aitno lumu dagar ke iye. Ida Tapolngon pagei iye ma iye polou udo gute loulou ina ka mgo.

Hibru 3:14

Aitno lite tidong dagar ke Krais langka tidong dagar alo ka mgongon aitno lite la dagar ke iye. Langka itodue langane la lama alo ka itemete deka ma itodong kap Krais.

Hibru 6:20

Oglou Yesus mgo ke ite e sep ke eliang tonari deka loulou ke ite. Iye polou gute loulou ina ka mgo ka dong vala dong eriar langka Melkisedek.

Hibru 6:6

Langka tipul dogur ke iye deka tikaranga tibauluk aitno lisak kovok kesua ane langka tinilim Ida Tapolngon Otno Arang mana ke ina akai ke osep pula amtarsak blang.

Hibru 7:3

Osep ka tisogo Ida Tapolngon ila pelengon tisogo Melkisedek tna e timla e ila seia angainsak kovok. Tisogo oklou ka tna divir iye e oklou ka iye mete ine kovok. Iye dong gute loulou ka dong vala dong eriar langka Ida Tapolngon Otno Arang.

Hibru 8:1

Pelengon ane ka imawai ke umu ine lana ine langane. Udo gute loulou ina ka mgo dong ke Ida Tapolngon ka iye omba lokono ila kova ke limla odung.

Hibru 9:12

E Krais due meme koke bulmakau titno inarak marau e iye sep ke Ida Tapolngon ila ninu kovok. Aurou. Iye due elio opmu ina ke iye tona ina marau e iye sep ke Ida Tapolngon ila ninu ina Eliang Ka Itau Lokono aling kene vala. Deka iye kli udo elio epmes ina dong vala dong.

Hibru 9:24

E Krais mete ma iye sep ke ninu molo ina ka osep tiurie kovok. Ninu molo ina tonari nisngen ke Ida Tapolngon ila ninu ka dong ke omur heven. Krais mete e sep ke omur heven e dong ke Ida Tapolngon bitna e loulou ke ite.

1 Pita 3:22

Yesus la ke omur heven kodong e iye dong ke Ida Tapolngon limla odung. Deka ensel e wan ansak ka urok arit dong lisak tini iye.