Hibru 4:12 - Aria New Testament

¹² Ida Tapolngon ila pelengon dong e ila arit dong ine blang. Ila pelengon dong langka elil omba ka ene orwo e ene lokono. E iye karanga wade gute aitno e ano. E karanga wade gute erine buno e erine aitno. E karanga wade elio ka itawaiki itodue e wan ka aitno lite mter ine.

Hibru 4:12 ပူးပေါင်းရင်းမြစ်များ

Luk 8:11

“E pelengon ano lana ine langane. Londo tonari Ida Tapol-ngon ila pelengon.

Jon 12:48

Wan dong ka ma wade gute ka pli ngong e didi lou pelengon kovok. Lou pelengon ka ngawai ine ma wade gute are ke oklou ka wan ka pula keniye yagos ine.

Jon 6:51

Ngong bret ka duru ke omur heven ka kar mosongon ka dong vala dong ke osep. Langka gute ngen bret ane ma iye dong vala dong. Bret ane pampamu lungong ka ngakare ke osep taklak ina ma tikaranga tidue mosongon ka dong vala dong.”

Aposel 2:37

Osep pula tiklingen Pita ila pelengon deka aitno lisak kro lokono ine. Deka tipmi Pita gosok aposel leklou langane. “Sipmi. Eknikane imousine kesua limem elio epmes ina vri ke imi?”

Aposel 4:31

Tiwai ke Ida Tapolngon yagos deka ninu ka tiduni pulu ine nemilmil. Deka Ida Tapolngon Ano Itau due aitno lisak e tiulou tarna lisak kovok e tiwai Ida Tapolngon ila pelengon ke osep pula.

Aposel 5:33

Tiklingen osep aposel urok pelengon deka aitno lisak nevlik omba e aitno lisak amnga ke isak. Deka tiwaiki tidue burwa ke isak.

Aposel 7:38

Alo ari Moses gosok osep Israel ina tidong pulu ke omur ka dong adai vala. Iye dong ine kap udo seia. Ari iye tito la ke gigri Sainai deka ensel gesa wai Ida Tapolngon ila pelengon ka dong aling aling ke iye ka lua ite. Moses duru ke gigri tonari deka kare ke osep deka pelengon tonari dong kap ite.”

Pas ka Pol sogoe uti la ke osep Rom ina 1:16

Eknikane ngong mnak ngong ke Ida Tapolngon ila omon itau kovok. Aurou. Aitno lungong dagar lokono ine vala. Ida Tapol-ngon ila omon itau ila arit karanga lua osep keniye ka aitno lisak dagar ine. Ida Tapolngon ila omon itau me ke itosep Yuda ina mgo. Mase omon tonari la polou ke osep ka isak osep Yuda ina kovok.

1 Korin 1:24

E osep ka Ida Tapolngon rere isak ila osep aitno lisak langane kovok. Osep Yuda ina e osep Grik ina ka Ida Tapolngon rere isak ila osep tile pelengon tonari la ke Krais e Ida Tapolngon ila arit e ila ilengen dong ine.

2 Korin 2:17

Osep pula leklou tiboko langka Ida Tapolngon ila pelengon iye wan ka tidue burong ine. E imi langka isak kovok. Aurou. Ida Tapolngon rere imi ila osep bokongon ina e imawai pelengon lokono ke Krais angaine e imawai ke Ida Tapolngon bitna.

2 Korin 4:2

Imopul dogur ke elio bitna bitna ka osep tikukwop isak kesua batne isak mnak isak ine alo ka tidue. Imedidi elio ka yakngan kovok e imobuli wan sasi kap Ida Tapolngon ila pelengon kovok. Aurou. Imanapapra pelengon ka lokono malak ma osep tikaranga tiwade limem elio e tikaranga tile omur ke limem mosongon ke Ida Tapolngon bitna.

Efesus 5:13

Lama langane langka itawai malak ke osep ke urok elio epmes ina bitna bitna ma tile urok elio isuk isuk soulu lokono. Ma tile omur urok elio epmes ina bitna bitna soulu lokono kesua itawai malak ke isak ine.

Efesus 5:26

Krais pli tarna e kasip amunte. Deka eriar langka iteris pampamu lite ma tipolou eip Krais waiki ris aitno lite ke ila pelengon ma aitno lite tipolou itau lokono. Krais ris ite ka ila osep ke ila pelengon kesua iye waiki due ite itopolou itau lokono ke iye tona bitna.

Efesus 6:17

E gute ola ina sin hat kapa ma dangdang ina oul ila elil e ila ola. Deka elio ka Ida Tapolngon lua umu ke lumu elio epmes ina iye eriar langka lumu hat kapa ka lua umu. E gute ola ina uri elil ma iye mole ina oul. E lumu elil Ida Tapolngon ila pelengon. Kesua ila pelengon dong eriar langka lumu elil ka Ano Itau lua umu ine.

1 Tesalonaika 2:13

Aling aling imawai tenkyu ke Ida Tapolngon ke wan bitna bitna ka iye due batne langane. Alo ka imanapapra Ida Tapolngon ila omon itau ke umu deka umodue e aitno lumu la dagar ine langka pelengon tonari gute gesa ila pelengon vala kovok. Aurou. Umodue langka iye Ida Tapolngon ila pelengon. E lokono pelengon ane Ida Tapolngon ila pelengon. E omon tonari lua umu ka aitno lumu dagar ke Krais ke lumu mosongon.

1 Tesalonaika 5:23

Ngawaiki Ida Tapolngon ka due aitno lite epen due umu umopolou itau lokono. E ngawaiki iye kere anmu e aitno lumu e pampamu lumu ma umodong itau lokono. E ma elio soulu gesa vri ke umu kovok alo ka Ida Puda Yesus Krais bauluk me.

Hibru 13:7

Aitno lumu mter ke osep ka oglou tiplau ke umu e tiwai Ida Tapolngon ila pelengon ke umu. Aitno lumu mter ke urok mosongon e urok elio itau e umakana aitno lisak ila dagar.

Hibru 6:5

E tiklingen Ida Tapolngon ila pelengon leklou e tile pelengon tonari iye pelengon itau. E tile ke Ida Tapolngon ila arit ka ma iye plau osep ine.

Jems 1:18

Iye didi aitno e due ite itopolou ila osep alo ka iteklingen ila pelengon ka lokono. Ma ite langka titno ka ina sirngen sirngen ke wan ka pula keniye ka mase ma polou oku.

1 Pita 1:23

Umopolou osep oku ina langka mimi edimor batne ke Ida Tapolngon ila pelengon ka umoklingen ine. Ngawai pelengon ano langane. Langka osep tiser wit londo ke yage io londo tonari karanga polou okus. E Ida Tapolngon ila pelengon langka londo ka karanga polou okus kovok. Aurou. E mosongon dong ine e ina yagosngon kovok.

Pelengon kukwopngon 1:16

E iye kis gigimo lumorwo ke limla odung. E elil ka ene orwo ka ene lokono dong ke ene e polou. E baraine bublo omba lokono langka oklou bublo ke oklou airavu.

Pelengon kukwopngon 19:15

E elil omba ka ene lokono dong ke gute tonari ene e polou. E ke elil omba tonari iye mole osep ke omur ka pula keniye ke taklak. Iye kis wan langka matu ka tidue ke ain e iye plau osep ka pula keniye ine. Ma kamla pes galou wain toru ine ke tang omba ka lana ine la ka Ida Tapolngon ka ila arit ombatno aitno ila engil.

Pelengon kukwopngon 19:21

Deka gute ka dong ke ila hos due elil omba ka dong ke ene e mluk osep ola ina keniye ma timete ine. Deka monuk ka pula keniye time tingen osep tonari okur lisak la lama tigot ine.

Pelengon kukwopngon 2:16

Deka langane. Ngawaiki umabauluk ait-no lumu. Langka aurou isuk boto ma ngame ke umu deka ma ngadue evlei kap osep tonari ke elil ka dong ke ogu.”

Pelengon kukwopngon 2:23

E osep ka tididi iye ma ngamluk isak ma timete. Deka sios ka pula keniye ma tile omur langane. Ngakaranga ngawade osep ka pula keniye aitno lisak. E ngakoli batne ke umu kenmu kenmu karanga ke elio ka umodue.”

Pelengon kukwopngon 20:4

Deka ke omur heven ngavati kova pula e osep tidong ke isak ka Ida Tapolngon kar arit ke isak ma tiwade osep ka pula keniye urok elio isuk isuk. E silang blang ngavati ansak ke osep ka aitno lisak dagar ke Yesus e tipalongo osep ine e tidong dagar ke Ida Tapolngon ila pelengon. Oglou tilotuim ongwa kevena kene ina e ila sapingen kovok e tidue ila nisngen ke bara lisak koke limsak kovok. Deka ke batne langane osep tiblou otuk lisak ma timete. Timete deka Ida Tapolngon due isak tidong blang e tidong langka osep plaungan ina kap Krais la lama iding ke tobor 1,000 mela yagos.