Hibru 4:1 - Aria New Testament

¹ E oku ane Ida Tapolngon ila promis dau dong e wai ma itesep ke omur ka itomtong ine. Deka umeile umu itau lama gute gesa dong airavu ke umu ka karanga sep ke omur ka Ida Tapolngon wai dagar ine kovok.

Hibru 4:1 ပူးပေါင်းရင်းမြစ်များ

Matyu 24:48

E langka wokboi nating iye soulu ma iye wai langane. ‘Ngau puda iding me dau kovok.’

Aposel 3:19

Eknikane umabauluk aitno lumu ke lumu elio epmes ina e aitno lumu la dagar ke Yesus. Langka aitno lumu la dagar ke Yesus ma Ida Tapolngon sak lumu elio epmes ina la. Deka ma tivri ke umu kovok.

Pas ka Pol sogoe uti la ke osep Rom ina 11:20

Lumu pelengon langane lokono. E dau elio tonari batne lokono langane. Ida Tapolngon tuktuk osep Israel ina kesua batne aitno lisak dagar ke iye kovok. E Ida Tapolngon due umu umakasip amunsak kesua aitno lumu dagar ke iye. Deka umeile umu itau lama aitno lumu vri ke umu e umakakai umu tona angainmu. Aurou. Ma umodue anit ke Ida Tapolngon vala.

Pas ka Pol sogoe uti la ke osep Rom ina 3:23

Kesua osep ka pula keniye tidue elio epmes ina kodong e tidong mawa ke iye e ke ila bublongon.

1 Korin 10:12

E langka gute gesa waiki aitno vri dagar ma iye plau iye itau lama iye due elio epmes ina.

2 Korin 6:1

Imoboko kap Ida Tapolngon e ila makaingan polou ke umu deka imawaiki imawai dagar ke umu langane. Umeile umu itau lama aitno lumu mter ila makaingan wan adai vala.

Galesia 5:4

Langka umawaiki umedidi Moses ila sogongon e umawaiki Ida Tapolngon sir umu osep itau ke ekreng langane deka umosongon Krais kodong. Umosongon Ida Tapolngon ila makaingan kodong.

2 Timoti 2:13

Langka itawai ma itedidi Krais e mase itabauluk aitno lite e itedidi udo pelengon tonari kovok iye dau didi ila pelengon. Kesua iye karanga bauluk e dar ila pelengon kovok.

Hibru 12:15

Umeile umu itau lama umopul dogur ke Ida Tapolngon ila makaingan. E umeile umu itau lama gute gesa airavu ke umu polou langka wan ka meli e ila elio due elio soulu polou ke osep leklou e elio tonari due asmel ke osep pula.

Hibru 12:25

Deka umepli Ida Tapolngon ila pelengon kovok. Oglou iye dong ke gigri Sainai e wai ke osep Israel ina. E osep leklou tipli ila pelengon deka iye wade isak ine e tikos ke ila wadenen kovok. E eknikane iye dong ke omur heven e wai ke ite. Deka aitno lumu lange? Langka itepli ila pelengon itakaranga itokos ke ila wadengen? Aurou lokono.

Hibru 13:7

Aitno lumu mter ke osep ka oglou tiplau ke umu e tiwai Ida Tapolngon ila pelengon ke umu. Aitno lumu mter ke urok mosongon e urok elio itau e umakana aitno lisak ila dagar.

Hibru 3:11

E aitno lungong engil ke isak e ngawai langane. Ma tikaranga tisep ke lou omur ma timtong ine kovok.”

Hibru 4:11

Deka ite arit ite ma itakaranga itesep ke omur ka itomtong ine. Lama gute gesa airavu ke ite karanga sep ke omur tonari kovok kesua iye didi elio soulu ka oglou osep Israel ina tidue.

Hibru 4:9

E iteile omur langane. Ida Tapolngon ila osep ma timtong eriar langka iye mtong ke oklou lumorwo ina alo ka iye tapol wan ka pula keniye yagos.