Hibru 3:7 - Aria New Testament

⁷ E Ano Itau wai langane. “Eknikane umoklingen Upu Tapolngon ila pele-ngon.

Hibru 3:7 ပူးပေါင်းရင်းမြစ်များ

Matyu 17:5

Alo ka Pita dau wai gaup ka okou lokono kading oklou e kreine me ke gaup ka wai langane. “Gute ane Erigu Arang ka ngong lana ngong ke iye omba e aitno lungong itau lokono ke iye. Umoklingen ila pelengon.”

Matyu 22:43

E Yesus pmi isak langane. “Deka ina lange Ano Itau due Devit aitno ma Devit sir iye ‘Ngau Puda’? Kesua Devit wai langane.

Mak 12:36

Ida Tapolngon Ano Itau due Devit aitno deka Devit tona sogo langane. ‘Ngau Tapolngon wai ke Ngau Puda langane. “Om-dong ke lungu odung. La lama ngamole ngap oul keniye deka kevep munu ke isak ma tini wom.”’”

Jon 10:16

E lou sipsip leklou tidong ka tidong ke eger ane kovok. Ma ngadue isak tisep ke eger ane blang e ma tiklingen kre lungong. Deka sipsip keniye ma tipolou osua kene vala e ngong vala ngadong inarak plaungan.

Jon 10:27

Lou sipsip tiklingen kre lungong. E ngaile isak e tididi ngong.

Jon 10:3

E gute silang plau ekreng bitna e kloke ke sipsip inarak plaungan. E plaungan tonari gi ila sipsip e tiklingen kreine e tididi iye e tisongon eger.

Jon 5:25

Ngawai lokono ke umu langane. Mase oklou ma polou e lokono polou kodong alo ka osep ka tidong langka ansak timete ma tiklingen Ida Tapolngon Otno Arang kreine e osep ka tiklingen e aitno lisak la dagar ke iye ma tidue mosongon ka dong vala dong.

Aposel 1:16

Deka Pita wai ke isak langane. “Sipmi. Umoklingen lou pelengon ane. Oglou Ano Itau due Devit aitno deka iye sogo ke Judas ila elio ma iye due ke Yesus. Mase Yesus dong deka Judas la mgo ke osep e iye lai Yesus ina eriar langka oglou Devit sogo ine.

Aposel 28:25

Osep ka tiduni pulu ari tipara pulu pelengon ke isak deka tinogrum kla. Deka Pol tito wai ke isak aling kene blang langane. “Osep umoklingen. Oglou Ano Itau wai lokono ke gute Aisaia e iye wai ke udo seia ke urok elio.

Aposel 8:29

Deka Ano Itau wai ke Filip langane. “Amla ompolou ke karis e amla kape.”

Hibru 10:15

E Ano Itau wai ine blang langane.

Hibru 3:13

E alo ka umesir oklou kene kene “eknikane” aling aling umosruk aitno lumu pulu ke elio itau. Umodue langane lama gute gesa airavu ke umu pono aitno e elio epmes ina yak iye.

Hibru 3:15

E Ida Tapolngon ila pele-ngon wai langane. “Eknikane umoklingen Upu Tapolngon ila pelengon. E umopono aitno lumu lang-ka lumu seia tidue oglou ari alo ka tipul dogur ke ngong sakam.”

Hibru 4:7

E tobor pula mela yagos deka Ida Tapolngon wai blang. Iye due Devit aitno deka iye wai langane. “Eknikane alo ka umo-klingen Ida Tapolngon ila pelengon umopono aitno lumu ine kovok.” Alo ka Devit dong Ida Tapolngon wai ke “eknikane.” E elio ane nis ite Ida Tapolngon rere taim silang ma osep tikaranga tisep ke omur ka timtong ine.

Hibru 9:8

Ke wan ane Ano Itau nis ite langane. Alo ka Ida Tapolngon ila ninu molo ina dau dong osep tikaranga tisep ke Eliang Ka Itau Lokono kovok.

2 Pita 1:21

Kesua osep napaprangan ina tididi aitno lisak deka tisogo pelengon kovok. Aurou. Ano Itau due aitno lisak deka tiwai Ida Tapolngon ila pelengon.

Pelengon kukwopngon 3:20

“Umoklingen. Ngavri ke ekreng bitna e lungu nopolpol ine. Langka gute klingen kre lungong e klok ekreng bitna ma ngasep ke ninu e ma ngadong kap iye. Deka ma ngangen kap iye e iye ma ngen kap ngong.”