Hibru 3:5 - Aria New Testament

⁵ Moses dong Ida Tapolngon ila gute bokongon ina e iye didi ila bokongon itau. E iye wai ke pelengon ka mase Ida Tapolngon ma wai ine.

Hibru 3:5 ပူးပေါင်းရင်းမြစ်များ

Matyu 24:45

E Yesus wai blang langane. “Wokboi nating sei iye ile itau e didi ina puda ila pelengon alo ka ina puda la ke langan? E ina puda ma due iye plau osep bokongon ina leklou ma iye kar isak inarak ngangon alo ka ina puda rere.

Matyu 25:21

Deka ina puda wai ke iye langane. ‘Wom wokboi nating ka itau e emdidi lou pelengon keniye. Omdue elio itau. Emdidi lou pelengon keniye ke wan daudeng e oku ane ngadue wom ommgo ke wan pula. Ngawaiki aitno lugom neser kap ngong.’

Luk 12:42

E Ida Puda koli wai langane. “Gute bokongon ina sei ka ile itau e didi ina puda ila pelengon e ina puda rere ma iye mgo plau ila osep bokongon ina leklou e ma iye kar inarak ngangon ke isak alo ka ina puda rere?

Luk 24:27

Deka iye nogrum ke Moses ila sogongon e osep napaprangan ina keniye urok sogongon e iye parere isak ke Ida Tapolngon ila pelengon keniye ka la ke iye.

Luk 24:44

Deka iye wai ke isak langane. “Alo ka ngong dau ngadong kap umu ngawai ke umu langane. Wan ka pula keniye ka dong ke Moses ila sogongon e dong ke osep napaprangan ina urok sogongon e dong ke Buk Song ka lana ine me ke ngong ma tipolou lokono.”

Jon 5:39

Umanana dagar ke Ida Tapolngon ila pelengon kesua aitno lumu mter ila pelengon karanga nis umu ke ekreng ka kar lumu mosongon ka dong vala dong ke umu. E aurou. Pelengon tonari palongo lumu ke ngong.

Aposel 28:23

E tirere oklou gesa ma tiduni pulu kap Pol ma tiklingen ila pelengon. E ke oklou tonari osep pula time tiduni pulu ke ninu ka Pol dong ine. E ke kotkotu la iding ke epmes Pol parere isak. Iye palongo urok ke alo ka Ida Tapolngon ma plau omur ka pula keniye. Iye parere isak ke Moses ila sogongon e osep napaprangan ina urok sogongon ka la ke Yesus. E iye kere sogongon tonari ma tile omur ke lana ine.

Aposel 7:37

Gute Moses iye gute ka wai ke osep Israel ina langane. ‘Mase ma Ida Tapolngon due lumu aten gesa polou gute napaprangan ina eriar langka oglou iye due ngong.’

Pas ka Pol sogoe uti la ke osep Rom ina 3:21

E eknikane Ida Tapolngon nis itosep malak ke elio ka iye due ite itopolou itau e osuk ke bitna. Moses ila sogongon karanga due osep ma tipolou itau e osuk ke Ida Tapolngon bitna kovok. E elio ka osep tipolou itau e osuk ke Ida Tapolngon bitna didi pelengon silang blang ka oglou Moses e osep napaprangan ina tisogo ine.

1 Korin 4:2

Langka gute gesa plau gute silang ila bokongon deka lokono ma iye didi pelengon ka ina gute kare ka la ke ila bokongon.

1 Timoti 1:12

Ida Puda Krais Yesus kar arit ke ngong e aitno itau ke ngong e iye ile langka ma ngadue ila bokongon. Iye rere ngong ma ngadue bokongon tonari. Deka ngawai tenkyu ke iye.

Hibru 1:1

Ke oglou Ida Tapolngon due osep napaprangan ina tiwai ila pelengon ke udo seia. Iye due langane aling pula e ke elio bitna bitna pula.

Hibru 3:2

Iye dong dagar e didi bokongon ka Ida Tapolngon rere ila bokongon langka oglou Moses dong dagar alo ka iye mgo ke Ida Tapolngon ila osep.

Hibru 3:4

Iteile ninu ka pula keniye tidong kesua batne osep tiuri isak. E Ida Tapolngon tapol wan ka pula keniye.

Hibru 8:5

Oglou alo ka Moses waiki uri ninu molo ina Ida Tapolngon wai langane. “Emile wom itau e emdidi lou pelengon keniye ka la ke ninu molo ina ka nganis wom ine alo ka omdong ke gigri Sainai.” E tiboko ke Ida Tapolngon ila ninu ka dong ke taklak e ninu tonari langka ano vala ke Ida Tapolngon ila ninu ka dong ke omur heven.

Hibru 9:24

E Krais mete ma iye sep ke ninu molo ina ka osep tiurie kovok. Ninu molo ina tonari nisngen ke Ida Tapolngon ila ninu ka dong ke omur heven. Krais mete e sep ke omur heven e dong ke Ida Tapolngon bitna e loulou ke ite.

Pelengon kukwopngon 15:3

E tidue Moses ka iye Ida Tapolngon ila gute bokongon ina ila sakul e tidue Sipsip Otno ila sakul blang. Sakul tonari langane. “Ipem Puda wom Ipem Tapolngon blang e lem arit ombatno lokono. Omdue elio isuk isuk ka itau lokono deka imedigrik ine. Aling aling amplau osep ka pula keniye e lem elio keniye itau e osuk lokono.