Hibru 2:4 - Aria New Testament

⁴ E Ida Tapolngon due nisngen omba e elio arit ina bitna bitna e iye didi aitno e kar Ano Itau ila kerengen ke ila osep. Iye due langane ma osep tivati e tile omur pelengon tonari pelengon lokono.

Hibru 2:4 ပူးပေါင်းရင်းမြစ်များ

Mak 16:20

Deka ila disaipel isak kla ke omur ka pula keniye e tinapapra ke osep pula. Deka Ida Puda lua isak ke ila arit e tidue elio arit ina. Deka osep ka tivati elio arit ina ka tidue tile omur urok pelengon lokono. Itau.

Mak 6:14

Yesus lua osep pula deka osep pula tiklingen ke ila elio. Ari gute Herot ka vri mgo ke urok omur klingen ine blang. Osep leklou ka tiklingen ke Yesus ila elio tiwai iye gute Jon ka oglou paunim osep. Tiwai oglou iye mete e eknikane iye poga tito ke ina denga. E ila arit dong ke iye deka iye karanga due elio arit ina.

Jon 15:26

“Mase ma ngapagei Lua-ngan silang ke umu. Iye Ano Itau ka iye pelengon lokono batne ka dong kap Livou e me ke umu. Alo ka iye me ma iye palongo lumu ke ngong.

Jon 4:48

E Yesus wai ke iye langane. “Langka umavati elio arit ina ka nisngen kovok ma aitno lumu la dagar ke Ida Tapolngon kovok.”

Aposel 14:3

­Pol orwo Barnabas tidong tauni ke Aikoniam e tiwai dagar pula ke osep ari. Alo ari Ida Puda lua isak ke ila arit deka tilua osep pula ke elio arit ina. Deka osep pula tivati elio arit ina tonari e tile omur ine e tiwai langane. “Urok pelengon ka la ke Ida Tapolngon ila makaingan pelengon lokono.”

Aposel 4:10

Ma ngapalongo lumu umogosok osep Yuda ina ka pula keniye ma umeile omur ke elio ane ina poloungon batne. Gute Yesus ila arit due gute ane kamla polou itau blang. Oglou umenilim Yesus kamla e limla ke ina akai deka iye mana ine e mete. Deka osep tipaur pampamu ine la munu ke ina denga. Mase Ida Tapolngon didi ila arit e due poga tito ke ina denga. Deka eknikane gute ka umavati ane iye vri ane batne ke Yesus Krais ka Nasaret ina ila arit due kamla polou itau blang.

Aposel 5:32

Imi ane e Ano Itau imapalongo osep ke elio tonari. Oglou imavati Yesus ila elio bitna bitna deka eknikane imapalongo osep ine. E eknikane Ano Itau ka Ida Tapolngon kar iye ke osep keniye ka tididi ila pelengon pa-longo osep ine blang.”

Efesus 1:5

Oglou ari kodong Ida Tapolngon lana iye ke ite e rere ite titno ite kesua batne iye ile ma Yesus Krais lua ite. Deka iye tona didi aitno e rere ite titno ite.

Efesus 1:9

E iye nis itosep ke elio ka oglou iye waiki due polou ke itosep. Alo ari iye dau kukwop iye ke osep. Deka ari me iding ke alo ka Krais polou ke itosep isak tile ke iye kovok. Mase Krais me polou lite e elio tonari polou malak lokono. E eknikane iteile omur ine.

Efesus 4:7

E Krais didi aitno e kar ila makaingan ke ite kente kente ka iye waiki lua ite ine.

Hibru 6:4

Langka osep aitno lisak kis dagar ke Ida Tapolngon ila pelengon kodong e mase tipul dogur ine ma tididi ekreng ka lange ma tibauluk tididi pelengon tonari blang? Kesua Ida Tapolngon nis isak ke ila wan ka itau ka omur heven ina e tile omur ke Ano Itau ila bokongon kodong.