Hibru 2:3 - Aria New Testament

³ Deka oku ane langane. Langka itopul dogur ke elio ka Ida Tapolngon lua ite ke udo elio epmes ina ka mole Moses ila sogongon tonari ma itokos ke Ida Tapolngon ila wadengen kovok. Mgo Ida Puda napapra Ida Tapolngon ila pelengon itau ka karanga lua ite ke udo elio epmes ina. Deka osep ka tiklingen ine tipalongo udo langane. Pelengon tonari pelengon lokono.

Hibru 2:3 ပူးပေါင်းရင်းမြစ်များ

Matyu 23:33

Umu langka mota ka soulu e langka mota ka soulu titno. Ida Tapolngon ma mulu umu ke omur hel e umakaranga umokos ine kovok.

Matyu 4:17

Alo ari Yesus nogrum e napapra langane. “Umabauluk aitno lumu ke lumu elio epmes ina kesua omur ka Ida Tapolngon plaue isuk boto polou.”

Mak 1:14

Alo ka osep tidue Jon la sep ke kalabus deka ari Yesus polou ke omur Galili e napapra Ida Tapolngon ila omon itau lokono ke osep.

Luk 1:2

Eriar langka osep ka tidong oglou lila me tivati wan ka tipolou e tinapapra omon itau deka tiwai ke imi ine blang.

Luk 1:69

Ke ila gute bokongon ina Devit ila osua iye due gute polou ka lua ite ke udo elio epmes ina.

Luk 24:19

E iye pmi isak langane. “Elio lange?” E tikoli tiwai langane. “Wan ka la ke Yesus ka Nasaret ina. Iye gute napaprangan ina e iye arit iye ke ila pelengon e ila elio ke Ida Tapolngon bitna e ke osep ka pula keniye amtarsak blang.

Jon 15:27

E umu blang ma umapalongo osep ke ngong kesua umodong kap ngong alo ka nganogrum lou bokongon e lila me ke oku ane.”

Aposel 1:22

Ma iterere gute ka oglou iye dong kap ite ke alo ka Jon paunim Yesus lila me ke oklou ka iye tito la egim. Ma iterere gute kene ka vati Yesus ila bokongon batne la gurno. Deka ma iye lua ite ke udo bokongon. E ma itogosok itaparere osep pula ke elio ka Yesus mole metengen deka poga tito ke ina denga.”

Aposel 2:22

Pita wai Joel ila pelengon yagos deka wai langane. “Umu ka osep Israel ina umoklingen lou pelengon ane. Oglou gute Yesus ka Nasaret ina dong kap umu. E Ida Tapolngon aitno kene ke iye deka lua iye ke ila elio arit ina. Deka iye due elio arit ina pula ke omtomu e Ida Tapolngon nis umu malak ine.

Aposel 4:12

“Umoklingen. Oglou Ida Tapolngon kar itosep Ida Luangan Yesus. Iye tona Ida Luangan lokono e eknikane gute gesa dong langka iye kovok. Gute silang angaine dong ka karanga lua ite kovok. Aurou. Yesus vala Ida Luangan lokono.”

Pas ka Pol sogoe uti la ke osep Rom ina 11:14

Ngawaiki lou bokongon sruk lou osua leklou ka isak osep Israel ina aitno lisak ma tingale elio ka Ida Tapolngon due ke umu. Ke elio langane ngawaiki ngadue osep Israel ina leklou tibauluk aitno lisak.

Pas ka Pol sogoe uti la ke osep Rom ina 2:3

Umesin elio vri ke osep pula e umawaiki ma Ida Tapolngon ila wadengen due isak. E umu tona umodue elio soulu lokono blang eriar langka tidue. Aitno lumu lange? Umawaiki ma Ida Tapolngon ila wadengen due umu ine kovok?

1 Korin 1:21

Ida Tapolngon ile omur ke wan bitna bitna deka ila ilengen ombatno lokono. E iye didi ila ilengen tonari e dangdang osep ke elio ka tididi aitno lisak ma tile omur ke iye. Imanapapra Ida Tapolngon ila pelengon ke osep e Ida Tapolngon aitno itau ma iye lua osep ka aitno lisak la dagar ke iye ke urok elio epmes ina. E osep ka tididi aitno lisak tiwai pelengon ka imanapapra ine iye pelengon adai vala.

1 Tesalonaika 5:3

Ma osep tiwai langane. “Aitno lite epen pulu e itodong itau e itelim ke wan gesa kovok.” Deka suong paide wan ka due agegeng ke isak ma polou lisak langka apmang ka somugu namani mimi ngen iye. E ma tikaranga tiulou ke elio tonari kovok.

1 Timoti 1:15

Pelengon ane lokono. Krais Yesus me ke taklak ma iye lua osep epmes ina. E ma iteklingen ine e ma aitno lite la dagar ine. Deka aitno lungong kro lokono kesua ngong tona ngadue elio epmes ina pula e ngadong langka gute ka mgo ke osep epmes ina.

Taitus 2:11

Iteile Ida Tapolngon due ila makaingan polou malak kodong. Ke ila makaingan iye karanga lua ite ka pula keniye ke udo elio epmes ina.

Hibru 1:1

Ke oglou Ida Tapolngon due osep napaprangan ina tiwai ila pelengon ke udo seia. Iye due langane aling pula e ke elio bitna bitna pula.

Hibru 1:14

E langane. Ida Tapolngon ila ensel isak ansak ka tidue ila bokongon. Iye pagei isak ma tilua osep ka Ida Tapolngon waiki lua isak ke urok elio epmes ina.

Hibru 1:2

E oku ane alo ka isuk boto wan ka pula keniye yagos iye wai ke ite ke Otno Arang. Ke Otno Arang tonari Ida Tapolngon due wan ka pula keniye e iye rere Otno Arang ma iye wan ka pula keniye inarak gute.

Hibru 12:25

Deka umepli Ida Tapolngon ila pelengon kovok. Oglou iye dong ke gigri Sainai e wai ke osep Israel ina. E osep leklou tipli ila pelengon deka iye wade isak ine e tikos ke ila wadenen kovok. E eknikane iye dong ke omur heven e wai ke ite. Deka aitno lumu lange? Langka itepli ila pelengon itakaranga itokos ke ila wadengen? Aurou lokono.

Hibru 4:1

E oku ane Ida Tapolngon ila promis dau dong e wai ma itesep ke omur ka itomtong ine. Deka umeile umu itau lama gute gesa dong airavu ke umu ka karanga sep ke omur ka Ida Tapolngon wai dagar ine kovok.

Hibru 4:11

Deka ite arit ite ma itakaranga itesep ke omur ka itomtong ine. Lama gute gesa airavu ke ite karanga sep ke omur tonari kovok kesua iye didi elio soulu ka oglou osep Israel ina tidue.

Hibru 5:9

Elio tonari polou ke iye deka iye polou gute ka lua osep ke urok elio epmes ina. Deka iye lua osep ka tini iye ke urok elio epmes ina dong vala dong.

Hibru 9:28

Krais mete langka wan ka osep tidue elio opmu ina ine aling kene vala. Deka ma iye polou aling silang blang ma kli udo elio epmes ina aling silang blang kovok. Aurou. Iye ma iding e lua osep ka tipara ke iye.

1 Jon 1:1

Imawai ke umu ke gute ka iye Ida Tapolngon Ila Pelengon ka ila mosongon dong ke iye. Gute tonari dong oglou oglou ari alo ka Ida Tapolngon tapol wan ka pula keniye. E imeklingen ke gute tonari e imavati iye e imakai iye.

Pas ka Jut sogoe 1:17

Sipmi. Ngawaiki omtomu sisir pelengon ka Ida Puda Yesus Krais ila aposel tiwai mase ma polou.

Pelengon kukwopngon 7:10

E tigi omba langane. “Ida Tapolngon dong ke ila kova e iye orwo Sipsip Otno isak orwo vala tilua ite ke udo elio epmes ina.”