Hibru 2:17 - Aria New Testament

¹⁷ E ke batne langane iye polou langka itosep. Ma iye karanga polou udo gute loulou ina ka mgo ka makai ite. E iye didi Ida Tapolngon ila pelengon keniye ke ila bokongon ka iye loulou ke ite. Ma iye klok osep urok elio epmes ina kla.

Hibru 2:17 ပူးပေါင်းရင်းမြစ်များ

Pas ka Pol sogoe uti la ke osep Rom ina 15:17

E langane. Nganeklep ke Krais Yesus deka aitno lungong itau lokono kesua ngaboko ke Ida Tapolngon ila bokongon.

Pas ka Pol sogoe uti la ke osep Rom ina 5:10

Oglou Ida Tapolngon ina oul itosep. E ari iye due Otno Arang ma iye kasip amunte. E elio ka iye due Otno Arang kasip amunte due aitno epen ke ite ma iye due mada ke ite. Iye due mada ke lite e due ite itopolou sisrok batne ke Yesus ka lua ite kodong iye dong.

Efesus 2:16

Krais mana ke ina akai e mete ine. Deka elio ka iye mete ke ina akai due osua orwo tiduni pulu ma elio ka aitno lisak engil pulu polou yagos. E iye due osep ka oglou isak osua orwo tineklep pulu e tipolou osua kene vala eriar langka isak Krais pampamu ine. Deka parangan ka oglou dangdang ite ke Ida Tapolngon dong kovok.

Kolosi 1:21

Oglou umodong mawa ke Ida Tapolngon e aitno lumu mter ke wan ka due umu ina oul. E umu ina oul kesua umodue elio soulu bitna bitna e aitno lumu mter ke elio soulu vala.

Hibru 10:21

Udo gute loulou ina ka mgo dong e plau Ida Tapolngon ila ninu ka dong ke omur heven.

Hibru 2:11

Deka Yesus ka iye gute ka due osep tipolou itau lokono ke Ida Tapolngon bitna e osep tonari Pmarak kene vala. Iye Ida Tapolngon. Deka Yesus mnak iye ma iye sir osep tonari iye sisrok kovok. Aurou.

Hibru 2:14

Osep tonari ka Yesus wai ine isak osep vala. E Yesus me polou langka itosep ma iye mete e ina metengen due Satan ila arit ka due osep timete polou yagos.

Hibru 2:16

E iteile omur langane. Yesus me ke taklak ma iye lua ensel kovok. Aurou. Iye me ma iye lua Abraham ila napakngan vala.

Hibru 3:1

Sipmi. Umu ka Ida Tapolngon ka dong ke omur heven rere umu ila osep e ma umodong kap iye ngawai ke umu langane. Aitno lumu mter ke Yesus ka aitno lumu dagar ke iye. Ida Tapolngon pagei iye ma iye polou udo gute loulou ina ka mgo.

Hibru 3:2

Iye dong dagar e didi bokongon ka Ida Tapolngon rere ila bokongon langka oglou Moses dong dagar alo ka iye mgo ke Ida Tapolngon ila osep.

Hibru 3:5

Moses dong Ida Tapolngon ila gute bokongon ina e iye didi ila bokongon itau. E iye wai ke pelengon ka mase Ida Tapolngon ma wai ine.

Hibru 4:14

Ida Tapolngon Otno Arang Yesus iye udo gute loulou ina ka mgo e iye dong ke omur heven. Deka ite ma itodong dagar ke aitno lite ila dagar.

Hibru 4:15

Yesus udo gute loulou ina ka mgo e iye ile omur ke elio isuk isuk ka itakaranga itodue kovok. Alo ka Satan tok ite Yesus ile omur ke elio langane kesua oglou Satan tok iye eriar langka iye tok ite. Satan tok iye e dau iye due elio epmes ina kovok.

Hibru 5:1

Alo ka Ida Tapolngon waiki rere gute loulou ina ka mgo iye rere gute tonari ke itosep. Iye rere gute ma iye due ila bokongon airavu ke osep. E silang blang ma iye due elio opmu ina ke wan ka osep tipaure ma tidue elio opmu ina ine ke Ida Tapolngon. Iye due langane batne sisrok urok elio epmes ina.

Hibru 5:10

Deka Ida Tapolngon rere iye gute loulou ina ka mgo eriar langka Melkisedek.

Hibru 5:2

Gute loulou ina tonari iye gute vala e iye ile ila arit dong ke iye kovok. Deka iye karanga due mada ke osep ka tidue elio soulu e dau tile omur ine kovok.

Hibru 5:5

E Krais blang langane. Iye rere iye tona gute loulou ina ka mgo kovok. E Ida Tapolngon wai langane. “Wom Erigu Arang e ngong Abo.”

Hibru 6:20

Oglou Yesus mgo ke ite e sep ke eliang tonari deka loulou ke ite. Iye polou gute loulou ina ka mgo ka dong vala dong eriar langka Melkisedek.

Hibru 7:26

Yesus iye udo gute loulou ina ka karanga lua ite ke udo elio isuk isuk keniye. Iye due elio itau vala e elio soulu gesa vri ke iye kovok. E Ida Tapolngon vati iye dong itau lokono vala. Ida Tapolngon due tito la ke omur heven e iye dong mawa ke osep epmes ina.

Hibru 7:28

Osep ka tididi Moses ila sogongon tirere osep loulou ina ka mgo ka urok arit dong kovok. E mase Ida Tapolngon ila pelengon dagar ka iye wai ke iye tona angaine polou. E pelengon dagar tonari rere Ida Tapolngon Otno Arang udo gute loulou ina dong vala dong. E iye due Ida Tapolngon ila bokongon keniye.

Hibru 8:1

Pelengon ane ka imawai ke umu ine lana ine langane. Udo gute loulou ina ka mgo dong ke Ida Tapolngon ka iye omba lokono ila kova ke limla odung.

Hibru 8:3

Oglou Ida Tapolngon rere osep loulou ina ka mgo ma tipaur wan ke Ida Tapolngon e tidue elio opmu ina ine. E oku ane Yesus ka udo gute loulou ina ka mgo iye blang ma paur wan ke Ida Tapolngon.

Hibru 9:11

Eknikane Krais polou kodong e iye gute loulou ina ka mgo ke wan bitna bitna ka itau ka polou kodong. Iye due Ida Tapolngon ila bokongon ke ninu molo ina ka osep tiurie ke taklak ane kovok. Iye sep ke Ida Tapolngon ila ninu molo ina ka dong ke omur heven. Ninu molo ina tonari mole ninu molo ina ka osep tiurie ke taklak.