Hibru 2:14 - Aria New Testament

¹⁴ Osep tonari ka Yesus wai ine isak osep vala. E Yesus me polou langka itosep ma iye mete e ina metengen due Satan ila arit ka due osep timete polou yagos.

Hibru 2:14 ပူးပေါင်းရင်းမြစ်များ

Matyu 16:17

E Yesus koli wai ke iye langane. “Ngawai lokono ke wom Saimon ka Jon otno arang. Aitno lugom ma dong itau itau kesua gute kene ka taklak ina nis wom ine kovok. Aurou. Livou ka dong ke omur heven nis wom ine.

Matyu 25:41

“Deka iye ma wai ke osep ka tidong ke galna gala langane. ‘Umu ka Ida Tapolngon mulu umu umosongon ngong e umala ke eiou ka dong vala dong ka Ida Tapolngon rere ke Satan e ila angelo soulu.

Jon 1:14

Gute ka ina sirngen Ida Tapolngon Ila Pelengon polou langka itosep e ke sasi boto iye dong kap ite e itavati ila bublongon e ila arit ka ombatno. Iye dong langane kesua iye Ida Tapolngon Otno Arang ka kene vala e elio ka iye makai ite e wai pelengon lokono bon ke iye.

Jon 12:24

Ngawai lokono ke umu langane. Lama wit londo duru ke taklak e tarna polou okus kovok iye dong londo kene vala. E langka iye duru ke taklak e tarna polou okus ma londo nobolbol e erine usu otna pula.

Pas ka Pol sogoe uti la ke osep Rom ina 14:9

E oglou Krais blang mete deka poga tito ke ina denga. E eknikane iye dong langka osep ka pula keniye ka timete kodong Inarak Puda e osep ka tidong dau Inarak Puda blang.

Pas ka Pol sogoe uti la ke osep Rom ina 8:3

Oglou osep ka tididi Moses ila sogongon vala tipolou itau e osuk ke Ida Tapolngon bitna kovok. Kesua elio epmes ina dong ke pampamu lisak e tidar sogongon tonari vala. E Ida Tapolngon due ite itopolou itau e osuk ke bitna batne ke Otno Arang Yesus. Oglou Ida Tapolngon pagei Yesus ke itosep e ari iye dong langka itosep blang. E iye polou Ida Kasipngen ka kli itosep udo elio epmes ina.

1 Korin 1:28

Ida Tapolngon rere osep ka langane ma isak ila osep. Osep ka angainsak omba kovok e osep leklou ka aitno lisak soulu ke isak e tivati isak langka wan adai vala. Ida Tapolngon rere osep ka langane kesua iye waiki osep ka pula keniye tile osep ka isak kensak kensak aitno lisak itau ke isak tidong langka wan adai.

1 Korin 15:50

Sipmi. Ngawai ke umu lang-ane. Pampamu lite ka okur lisak e inarak marau dong lisak tikaranga tipolou okus. E tikaranga tidong ke omur ka Ida Tapolngon plaue kovok kesua wan ka tipolou okus tikaranga tidong ke omur tonari kovok.

Galesia 4:4

E alo ka Ida Tapolngon rere iye pagei Otno Arang me. Apmang divir iye e iye polou gute e dong moli ke Moses ila sogongon.

Kolosi 2:15

Iye due wan ka ano e angelo soulu ka tiplau omur omur urok arit yagos. Ke Krais ina akai Ida Tapolngon nis osep ka pula keniye iye mole wan tonari e due isak tipolou langka isak wan adai vala.

1 Timoti 3:16

E iteile langane. Ida Tapolngon ila pelengon langka wan ka omba lokono. Ida Tapolngon nis ite ine langane. Krais polou langka itosep e osep pula tivati iye. E Ano Itau nis ine langane. Ila elio keniye itau lokono e ensel tivati iye. Osep kla tipalongo ila ke osep pula ke omur omur. Deka osep ka taklak ina aitno lisak la dagar ke iye. E Ida Tapolngon due bauluk tito la ke omur Heven e iye dong kap Ida Tapolngon.

2 Timoti 1:10

Eknikane ila makaingan polou malak lokono batne Ida Luangan Krais Yesus me polou ke ite kodong. E osep ka tiklingen Ida Tapolngon ila omon itau e aitno lisak dagar ine ma metengen mole isak kovok e ma tidue mosongon ka dong vala dong.

Hibru 10:10

Yesus Krais didi Ida Tapolngon aitno deka pli tarna e mete langka iye wan ka osep tidue elio opmu ina ine. Iye due langane aling kene vala e Ida Tapolngon klok udo elio epmes ina la deka itopolou Ida Tapolngon ila osep batne ke iye.

Hibru 10:5

Alo ka Krais me ke taklak iye wai ke Ida Tapolngon langane. “Amwaiki osep tidue elio opmu ina koke tipaur wan bitna bitna ke wom kovok. Aurou. E emkere pampamu lungong vala ma ngadong ine.

Hibru 2:17

E ke batne langane iye polou langka itosep. Ma iye karanga polou udo gute loulou ina ka mgo ka makai ite. E iye didi Ida Tapolngon ila pelengon keniye ke ila bokongon ka iye loulou ke ite. Ma iye klok osep urok elio epmes ina kla.

Hibru 2:18

Alo ka iye dong ke taklak Satan tok iye ma iye due elio soulu. E iye namani elio soulu ka osep tidue ke iye. Deka ke batne langane iye karanga lua osep alo ka tokngon polou ke isak.

Hibru 4:15

Yesus udo gute loulou ina ka mgo e iye ile omur ke elio isuk isuk ka itakaranga itodue kovok. Alo ka Satan tok ite Yesus ile omur ke elio langane kesua oglou Satan tok iye eriar langka iye tok ite. Satan tok iye e dau iye due elio epmes ina kovok.

Hibru 9:15

Krais loulou ke ite deka iye due Ida Tapolngon ila kontrak oku ina polou kesua Ida Tapolngon waiki osep ka iye rere isak ila osep tidue wan ka iye wai dagar ma tidue e wan tonari dong vala dong. Yesus ina marau e ina metengen kli urok elio epmes ina bitna bitna ka tidue alo ka oglou tididi Moses ila sogongon.

1 Pita 1:20

Oglou alo ka Ida Tapolngon dau tapol wan gesa kovok iye rere Krais ma iye polou Ida Luangan. Deka ke taim ane alo ka wan ka pula keniye isuk boto yagos Ida Tapolngon due Krais polou malak.

Pelengon kukwopngon 1:18

E ngong gute ka mosongon itau batne. Ke oglou ngamete e eknikane ngadong vala ngadong. E lou arit dong e ngaplau osep ka timete kodong e ngaplau omur ka osep ansak tidong ine.

Pelengon kukwopngon 12:9

Deka Maikel isak tisapir mota isak ke omur heven. E mota ina sirngen orwo. Sirngen kene Satan e sirngen silang Gute Ka Sin Elio Vri Ke Osep. Iye yak osep ka pula keniye e due isak tidue elio epmes ina. Maikel kap ila ensel tiuri mota kap ila angelo soulu tiduru ke taklak.

Pelengon kukwopngon 2:10

Isuk boto ma osep tidue agegeng ke umu. E umoulou tarna lumu ke elio tonari kovok. Umoklingen. Satan due elio ane deka osep tidue umu leklou ma tidong ke kalabus. Elio ane ma tok umu. Deka ma umanamani elio ka opru umu iding ke oklou songotno. E umekis dagar ke aitno lumu ila dagar e langka umemete kape are wan gesa kovok. Umodue langane deka ma ngakar lumu mosongon ka itau lokono ke umu langka upu prais.’”

Pelengon kukwopngon 20:2

Deka iye kis mota ka ombatno dagar. Mota tonari ka iye dong ke oglou oglou lokono. Iye angaine Satan e angaine silang Gute Ka Sin Elio Vri Ke Osep. Deka ensel pou iye ke sen omba la lama iding ke tobor 1,000 mela yagos.