Hibru 13:9 - Aria New Testament

⁹ Langka osep tiwai ke umu ke pelengon bitna bitna ka eriar langka omon itau kovok umosongon urok pelengon pagolgol aitno lumu kovok. Ma itosongon Ida Tapolngon ila makaingan due aitno lite ila dagar polou dagar lokono. E apu bitna bitna ka la ke ngangon karanga due ite itodong dagar kovok. Langka oglou apu tonari karanga lua osep ka tididi isak kovok.

Hibru 13:9 ပူးပေါင်းရင်းမြစ်များ

Matyu 24:24

Kesua osep yakngan ina ma tipolou ka tisir isak Krais koke tisir isak osep napaprangan ina. E ma tidue elio arit ina ka omba ma osep tididi isak ke elio soulu. E tiwaiki titok osep ka Ida Tapolngon rere isak ila osep blang.

Matyu 24:4

E Yesus koli wai ke isak langane. “Umaplau umu itau lama osep tiyak umu.

Luk 5:38

E gute due aki wain oku ina sep ke aki wain tarna oku ina.

Aposel 20:30

­E silang blang langane. Mase ma supmu leklou tipolou ka tibuli urok pelengon kap Ida Tapolngon ila pelengon e ma tikar pelengon yakngan ke umu. Kesua tiwaiki osep ka aitno lisak dagar ke Yesus tididi urok pelengon vala.

Aposel 20:32

“E eknikane ngawai ke umu langane. Ida Tapolngon kis umu dagar e kere umu itau. E ila pelengon ka didi ila makaingan karanga due umu umodong dagar lokono e ma iye lua umu ke ila kerengen langka iye lua osep keniye ka iye rere isak ila osep.

Pas ka Pol sogoe uti la ke osep Rom ina 14:17

Ke omur ka Ida Tapolngon plaue wan ka itangene e wan ka iteinime isak wan omba kovok. Aurou. E elio ka itau e osuk e elio ka aitno lite epen pulu e elio ka aitno lite neser ke Ano Itau isak wan ka omba lokono.

Pas ka Pol sogoe uti la ke osep Rom ina 14:2

Gute gesa aitno dagar lokono langka ma iye ngen wan bitna bitna. E gute silang aitno ila dagar dau polou dagar kovok deka iye ngen wan langka karunga vala.

Pas ka Pol sogoe uti la ke osep Rom ina 14:6

Gute ka aitno mter oklou kene mole oklou silang due elio langane kesua iye waiki kakai Ida Puda angaine ine. E gute ka ngen wan ka pula keniye aitno la ke Ida Puda deka iye ngene. Kesua iye wai tenkyu ke Ida Tapolngon deka ngene. E gute ka ngen wan ka pula keniye kovok aitno la ke Ida Puda blang deka iye dangdang iye ke ngangon leklou. E iye wai tenkyu ke Ida Tapolngon blang.

1 Korin 6:13

Osep leklou tiwai ngangon wan ka itangen e itodue sep ke pele lite e pele lite dong ma itodue ngangon sepe. Pelengon ane lokono e Ida Tapolngon due agegeng ke isak orwo. E ke pampamu lite ma itodue elio soulu kovok. Aurou. Pampamu lite Ida Puda ila wan. E ma itoboko ila bokongon ine.

1 Korin 8:8

E langane. Ngangon karanga due Ida Tapolngon aitno itau ke ite kovok. Langka itangen ngangon kovok elio langane karanga due ite itodong soulu ke Ida Tapolngon bitna kovok. E langka itangen ngangon elio langane blang karanga due ite itodong itau ke Ida Tapolngon bitna kovok.

2 Korin 1:21

Ida Tapolngon due imi kap umu itodong dagar ke Krais e iye rere ite ila osep ite.

Galesia 6:1

Sipmi. Ngawaiki umeile lang-ane. Langka lumu aten gesa due elio epmes ina deka umu ka umedidi Ano Itau umodue elio itau ke iye e umolua iye ma iye mosi ila elio epmes ina. E umaplau umu itau lama Satan tok umu deka umu blang umegene ke elio epmes ina.

Efesus 4:14

Deka ite ka aitno lite dagar langane ma itodong langka agau sondia ka aitno lisak ila dagar dau polou dagar kovok? Aurou. E langka osep soulu bitna tiwaiki urok pelengon yakngan pagolgol aitno lite ma itedidie ma urok pelengon bure vala. Ma aitno lite segesege ke pelengon yakngan langka sip ka misuon ina boitini bakulkule kovok. Ma aitno lite dong dagar vala.

Efesus 5:6

Umeile umu itau lama osep leklou tipagolgol aitno lumu ke pelengon yakngan. Lama tipagolgol aitno lumu e umodue elio epmes ina bitna bitna. Kesua Ida Tapolngon aitno engil lokono ke osep ka tidue elio epmes ina bitna bitna e tiklingen ila pelengon kovok.

Kolosi 2:4

Ngawaiki ma gute gesa karanga wai dikngen ke umu e yak umu kovok deka ngawai pelengon ane.

2 Tesalonaika 2:17

E ngawaiki iye due aitno lumu tipolou dagar lokono e lua umu ma aling aling umodue elio isuk isuk ka itau e umawai pelengon ka itau vala.

2 Tesalonaika 2:2

Langka osep leklou tiwai Ida Puda ila oklou polou kodong aitno lumu la ke urok pelengon kovok. E anmu nesik sakam. Langka tiwai Ano Itau nis isak ine aitno lumu la ine kovok. Koke tiwai langka imawai ine koke imosogo pas ine aitno lumu la ine kovok.

1 Timoti 6:20

Timoti. Ma amplau boko-ngon ka Ida Tapolngon kare ke wom itau lokono. E ma ompul dogur ke osep ka tiwai pelengon bitna bitna ka didi Ida Tapolngon aitno kovok. E omdong mawa ke osep ka tiwai pelengon adai ka para pulu ke Ida Tapolngon ila pelengon. Aitno lisak langka urok ilengen omba e tile itau lokono. E dau tile lokono kovok.

1 Jon 4:1

Sipmi. Ngong lana ngong ke umu e ngawai ke umu langane. Osep napaprangan yakngan ina tidong ke taklak. E langka gute gesa wai ke umu langane. “Ngawai ke Ano Itau ila pelengon.” Deka umawade ila pelengon ma umeile omur langka ila pelengon ka iye wai batne ke Ida Tapolngon koke aurou.

Pas ka Jut sogoe 1:12

Ngaile aling leklou umu ka Ida Tapolngon ila osep umoduni pulu ma umangen ngangon kesua umu lana umu pulu. E osep yakngan ina tonari tisep tidong kap umu blang. E isak tidong langka wan ka amum ka soulu lokono ke lumu duningen. Aitno lisak mter ke urok elio soulu kovok e aitno lisak mter ke isak tona vala. Isak langka gaup ke erei aitno ka aragu dong ine kovok e engen ipu isak kla suong. E silang isak langka akai ka tiusu otna kovok e osep tiblou isak tiduru ke taklak e tipi gigitno ke taklak. Osep soulu bitna tonari isak langka timete aling orwo kodong.

Pas ka Jut sogoe 1:3

Sipmi ka ngong lana ngong ke umu. Ke mgongon aitno lungong mter langka ngasogo pas ke umu ka wai ke elio ka Ida Tapolngon lua ite ke udo elio epmes ina. E eknikane aitno lungong mter ma ngasogo pelengon silang ke umu ka langane. Ida Tapolngon kar ila pelengon ke ite ka ila osep deka aitno lite la dagar ine deka ngawaiki umoboko engil ma aitno lumu ila dagar dong dagar. E ngawaiki umopul dogur ke osep ka tiwai pelengon leklou ke umu. Kesua Ida Tapolngon kar ila pelengon ke ite aling kene e ila pelengon segesege kovok.