Hibru 13:7 - Aria New Testament

⁷ Aitno lumu mter ke osep ka oglou tiplau ke umu e tiwai Ida Tapolngon ila pelengon ke umu. Aitno lumu mter ke urok mosongon e urok elio itau e umakana aitno lisak ila dagar.

Hibru 13:7 ပူးပေါင်းရင်းမြစ်များ

Matyu 24:45

E Yesus wai blang langane. “Wokboi nating sei iye ile itau e didi ina puda ila pelengon alo ka ina puda la ke langan? E ina puda ma due iye plau osep bokongon ina leklou ma iye kar isak inarak ngangon alo ka ina puda rere.

Luk 12:42

E Ida Puda koli wai langane. “Gute bokongon ina sei ka ile itau e didi ina puda ila pelengon e ina puda rere ma iye mgo plau ila osep bokongon ina leklou e ma iye kar inarak ngangon ke isak alo ka ina puda rere?

Luk 5:1

Ke oklou kene Yesus vri ke elim Genesaret ina dingen batne e osep pula tidong olwo boto e tipes iye e tiklingen Yesus wai Ida Tapolngon ila pelengon.

Luk 8:11

“E pelengon ano lana ine langane. Londo tonari Ida Tapol-ngon ila pelengon.

Aposel 13:46

Deka Pol orwo Barnabas tilim ke isak kovok e tiwai dagar ke isak langane. “Mgongon imawai Ida Tapolngon ila pelengon ke umu ka osep Yuda ina. E umoklingen ine deka umopul dogur ine e umeplie. Deka eknikane imala ke osep ka isak osep Yuda ina kovok. Imodue langane kesua umepli Ida Tapolngon ila pelengon. Umawaiki Ida Tapolngon lua umu kovok e kar umu lumu mosongon ka dong vala dong kovok.

Aposel 14:23

Deka ari tirere osep leklou ke armok kene kene ma tiplau Ida Tapolngon ila osep. Deka tiwai itau pula ke Ida Tapolngon ine e tipli inarak ngangon kesua tiwaiki aitno lisak la ke Ida Tapolngon vala. Deka ari tiwai ke osep ka tirere isak Ida Tapolngon ila osep inarak plaungan langane. “Ida Puda ka aitno lumu dagar ke iye kodong ma plau umu e kere umu itau ke lumu elio isuk isuk.”

Aposel 4:31

Tiwai ke Ida Tapolngon yagos deka ninu ka tiduni pulu ine nemilmil. Deka Ida Tapolngon Ano Itau due aitno lisak e tiulou tarna lisak kovok e tiwai Ida Tapolngon ila pelengon ke osep pula.

Pas ka Pol sogoe uti la ke osep Rom ina 10:17

Osep ka aitno lisak la dagar ke Ida Tapolngon ila pelengon ka la ke Krais tiklingen ine mgo. Tiklingen ine e aitno lisak la dagar ine.

1 Korin 10:13

E langane. Tokngon bitna bitna ka tipolou ke umu ane isak eriar langka tokngon bitna bitna ka tipolou ke osep ka pula keniye. E Ida Tapolngon didi ila elio itau e songon tokngon gesa ma polou ke umu kovok ka umakaranga ine kovok. Langka tokngon gesa polou ke umu ma Ida Tapolngon mosi ekreng e lua umu ma umepren ke tokngon tonari e ma iye due umu umakaranga umevri dagar ine.

1 Korin 11:1

E umakana lou elio bitna bitna eriar langka ngakana Krais ila elio.

1 Korin 4:16

Deka ngawai dagar ke umu ma umavati lou elio e ma umakana ngong.

Filipai 3:17

Sipmi. Ma umakana lou elio bitna bitna ka umavati ngong ngadue. E umavati elio ke osep ka tididi limem elio e umakana isak blang.

1 Tesalonaika 1:6

Umodue Ida Tapolngon ila omon itau deka osep tidue elio soulu bitna bitna ke umu. E dau umakana limem elio e Ida Puda ila elio e Ano Itau sruk aitno lumu ma aitno lumu neser ine.

1 Tesalonaika 2:13

Aling aling imawai tenkyu ke Ida Tapolngon ke wan bitna bitna ka iye due batne langane. Alo ka imanapapra Ida Tapolngon ila omon itau ke umu deka umodue e aitno lumu la dagar ine langka pelengon tonari gute gesa ila pelengon vala kovok. Aurou. Umodue langka iye Ida Tapolngon ila pelengon. E lokono pelengon ane Ida Tapolngon ila pelengon. E omon tonari lua umu ka aitno lumu dagar ke Krais ke lumu mosongon.

2 Tesalonaika 3:7

Umeile oglou alo ka imodong kap umu imoboko vala e imodong adai kovok. Deka umoboko eriar langka imoboko.

2 Tesalonaika 3:9

Imakaranga imodue wan bitna bitna adai ke umu. E dau imawaiki imodue langane kovok kesua imawaiki imenis umu ke elio itau ma umakana limem elio.

1 Timoti 3:5

Langka gute karanga plau esna e titno kovok ina lange iye karanga plau Ida Tapolngon ila osep?

Hibru 13:17

Umodong moli ke osep ka tiplau umu e umeini urok pelengon. Kesua tidue urok bokongon ka tiplau umu e mase ma tiwai ke Ida Tapolngon ke wan ka tidue. Umeini isak ma aitno lisak itau ke urok bokongon e bokongon tonari opru isak kovok. Kesua langka urok bokongon opru isak elio are ma lua umu kovok.

Hibru 13:24

Umawai “oklou itau” ke osep ka tiplau umu e ke Ida Tapolngon ila osep ka pula keniye. E osep ka tidong ke omur Itali tiwai “oklou itau” ke umu.

Hibru 6:12

E imawaiki umodue ropo ke lumu bokongon kovok. Imawaiki umakana osep ka aitno lisak ila dagar dong dagar e tipara ke wan itau. Kesua imawaiki umodue wan ka Ida Tapolngon wai dagar ma iye kare ke osep.

1 Pita 4:11

Langka gute due kerengen ma iye napapra ke osep deka iye napapra Ida Tapolngon ila pelengon vala. E langka gute due kerengen ma iye lua osep leklou ke bokongon bitna bitna deka ma iye didi Ida Tapolngon ila arit ine. Umodue langane ma wan ka pula keniye ka umodue kakai Ida Tapolngon angaine tito la egim batne Yesus Krais dong. Krais angaine omba lokono e ila arit dong vala dong. Lokono.

Pelengon kukwopngon 1:9

Ngong Jon e ngong ngagosok umu itodong ke Yesus ila osua. Agegeng ka polou ke umu polou ke ngong blang kesua ngadong langka umu e itodong dagar ke elio ka opru ite. Nganapapra Ida Tapolngon ila pelengon e ngawai pelengon lokono ka la ke Yesus. Deka osep tisapir ngong e tidue ngong ngadong ke aidunu ka angaine Patmos.

Pelengon kukwopngon 20:4

Deka ke omur heven ngavati kova pula e osep tidong ke isak ka Ida Tapolngon kar arit ke isak ma tiwade osep ka pula keniye urok elio isuk isuk. E silang blang ngavati ansak ke osep ka aitno lisak dagar ke Yesus e tipalongo osep ine e tidong dagar ke Ida Tapolngon ila pelengon. Oglou tilotuim ongwa kevena kene ina e ila sapingen kovok e tidue ila nisngen ke bara lisak koke limsak kovok. Deka ke batne langane osep tiblou otuk lisak ma timete. Timete deka Ida Tapolngon due isak tidong blang e tidong langka osep plaungan ina kap Krais la lama iding ke tobor 1,000 mela yagos.

Pelengon kukwopngon 6:9

Deka Sipsip Otno kles pou-ngon elme ina ke buk. E ngavati osep ka timete kodong ansak tidong ke bota ka osep tidue elio opmu ina ine bisna. Ke oglou osep tonari tikis Ida Tapolngon ila pelengon dagar e tinapapra pelengon tonari deka osep timluk isak ma timete ine.