Hibru 13:4 - Aria New Testament

⁴ Pelengon silang blang lang-ane. Gingen elio itau e osep ka tigi ma tidue anit pulu. Ma gute due elio kap apmang silang koke apmang due elio kap gute arang silang kovok. Kesua Ida Tapolngon ma wade osep ka tidue okwa e osep ka tiusu pulu.

Hibru 13:4 ပူးပေါင်းရင်းမြစ်များ

1 Korin 5:13

E osep ka tidong ke dogur Ida Tapolngon ma wade urok elio. Ida Tapolngon ila pelengon wai langane. “Ma umasapir gute ka due elio soulu ka dong airavu ke umu la.”

1 Korin 6:18

Aling aling ma umopul dogur ke elio okwa. Kesua gute ka due elio okwa due agegeng ke pampamu ine. E elio isuk isuk ka soulu leklou ka osep tidue isak tidue agegeng ke pampamu lisak kovok.

1 Korin 6:9

Umeile langane. Osep ka tidue elio soulu ma tikaranga tisep ke Ida Tapolngon ila omur kovok. Deka umayak umu pulu ine kovok. Osep ka tidue okwa e osep ka aitno lisak la ke sapingen e osep ka tisu apmang pasinga e osep ka tidue elio ka soulu langka isak mnak isak ine ke osep leklou. Langka arang tidue elio kap arang e apmang tidue elio kap apmang.

1 Korin 7:38

Deka gute ka gi apmang bela ka tirere ke iye due elio itau. E langka iye gi apmang tonari kovok ane iye due elio ka itau lokono.

1 Korin 9:5

Imakaranga imegi apmang ka aitno lisak dagar ke Yesus e imodue isak kla tilila kap imi langka osep aposel leklou e Ida Puda ina saiver e Pita tidue koke aurou?

2 Korin 5:10

Iteile mase ma ite kente kente itevri ke Krais bitna ma iye wade ite. Ma iye wade wan bitna bitna ka itodue ke taklak ane. Langka isak elio itau koke elio soulu.

Galesia 5:19

Umeile kodong ke elio ka aitno lumu oglou ina. Elio tonari langane. Okwa e isungon e elio ka soulu lokono.

Galesia 5:21

E aitno lisak nevlik ke osep ka tidong itau e tinim aki dagar ma amtarsak balilu e tikepis ke rogo omba e elio bitna bitna langane. Oglou ngawai lumu kodong deka eknikane ngawaiki ngawai ke pelengon tonari blang. Osep ka pula keniye ka tidue elio langane ma tikaranga tisep ke omur ka Ida Tapolngon plaue kovok.

Efesus 5:5

E umeile kodong osep ka tiklou sasarak e urok soboget ma tidong ke omur ka Ida Tapolngon e Krais tiplaue kovok. E osep ka tidue elio soulu bitna bitna e tingale osep leklou urok wan ma tidong ke omur ka Ida Tapolngon e Krais tiplaue kovok. Osep ka tingale wan bitna bitna urok elio eriar langka aitno lisak la ke sapingen gesa ka tiwaiki isak inarak tapolngon.

1 Tesalonaika 4:6

Umu ma umodue elio soulu ke sudo ka Kristen ke elio tonari kovok. Oglou imawai dagar ke umu ke elio tonari langane. Ida Puda ma koli batne ke osep ka tidue elio soulu langare.

1 Timoti 3:12

Gute ka boko ke sios esna kene vala e ma iye plau esna e titno itau.

1 Timoti 3:2

Gute ka waiki dong sios ina plaungan ma iye didi elio itau vala ma osep tivati elio soulu gesa vri ke iye kovok. E ma esna kene vala. Ma iye dong itau e didi elio itau vala e plau iye itau. E ma iye kere osep kaulei ka time ke ila ninu. E ma iye karanga parere osep ke Ida Tapolngon ila pelengon.

1 Timoti 3:4

E ma iye plau esna e titno itau ma tiklingen ila pelengon e tinie e tidue anit ke iye.

1 Timoti 4:3

Osep ka langane tidangdang osep ma tigi kovok e tidangdang isak ma tingen ngangon leklou kovok. E Ida Tapolngon due ngangon tonari. E aitno lite la dagar ke iye e iteile ila pelengon lokono. Deka itawai tenkyu ke iye ine e itangene.

1 Timoti 5:14

Deka aitno lungong mter langka apmang sasap batne ka isak dau belbela boto ma tigi blang deka ma tidivir titorok e tikere urok osua itau. Langka tidue langane ma osep epmes ina tikaranga tiwai soulu ke isak kovok.

Taitus 1:6

Emrere osep ka langane. Gute ka iye due elio itau vala ma osep tikaranga tisin elio soulu vri ke iye kovok. E langka iye gi deka ila asap kene vala e langka gute tonari titno tidong deka aitno lisak dagar ke Yesus blang. E titno tididi elio isuk isuk ka soulu ke Ida Tapolngon bitna kovok e tituk sipmarak e titnarak urok pelengon kovok. Kesua langka tidue langane e osep tivati urok elio soulu are itau kovok.

Hibru 12:16

Umeile umu itau lama gute gesa airavu ke umu due elio isungon ina. Koke gute pul dogur ke Ida Tapolngon langka Iso pul dogur ke ila elio ka sirngen ina. Iso pli ila elio ka sirngen ina kesua sapanga due e iye waiki ngen ngangon vala.

Pelengon kukwopngon 22:15

E osep ka tidue elio isuk isuk ka soulu lokono e osep muso ina e osep ka tidue elio isungon e osep ka tipagam osep e osep ka tilotuim sapingen e osep yakngan ina ka tidue langane aling aling tidong dogur ke armok tonari e tikaranga tisepe kovok.