Hibru 13:24 - Aria New Testament

²⁴ Umawai “oklou itau” ke osep ka tiplau umu e ke Ida Tapolngon ila osep ka pula keniye. E osep ka tidong ke omur Itali tiwai “oklou itau” ke umu.

Hibru 13:24 ပူးပေါင်းရင်းမြစ်များ

Aposel 18:2

E ari iye soson gute Yuda ina gesa ka angaine Akwila ka ila omur batne Pontus. E oglou tauni kovok iye gosok esna Prisila tisongon omur Itali e time tipolou ke Korin. Kesua gute Klodius ka vri mgo ke omur Rom wai dagar ma osep Yuda ina keniye tisongon armok Rom e isak kla tidong ke omur silang. E Pol la ke isak.

Aposel 27:1

Deka tilalo pelengon kodong ma imala ke omur Itali deka tiwai ke gute Julius ka iye plau osep ola ina buno kene langane. “Amplau gute Pol gosok osep kalabus ina leklou itau.” Gute Julius tonari dong ke osep ka tisir isak Sisar ila osep ola ina.

Aposel 9:13

Deka Ananaias koli wai langane. “Ngau Puda osep pula tiwai ke ngong ke gute Sol ila elio soulu. Iye due agegeng pula ke lem osep ka tidong ke Jerusalem.

1 Korin 16:16

Ngawai dagar ke umu ma ume-didi osep ka langane urok elio. E osep ka tilua osep leklou e ka tidue bokongon kap isak.

2 Korin 1:1

Ngong Pol ngong Krais Yesus ila aposel gesa. Ida Tapolngon didi aitno e rere ngong aposel. Ngong imorwo udo aten Timoti imosogo pas ane uti ke umu ka pula keniye ka umodong ke Ida Tapolngon ila sios ke Korin kap Ida Tapolngon ila osep ke armok keniye ke provins Akaia.

2 Korin 13:13

Ngawaiki Ida Puda Yesus Krais ila makaingan e elio ka Ida Tapolngon lana iye ke umu e elio ka Ano Itau due aitno lumu kene pulu dong kap umu ka pula keniye.

Filipai 1:1

Ngong Pol imorwo Timoti imi Krais Yesus ila osep bokongon ina. E imosogo pas ane uti la ke umu ka Krais Yesus ila osep ka umodong ke armok Filipai kap osep plaungan ina e osep luangan ina ka tilua Ida Tapolngon ila osep.

Filipai 4:22

Deka Ida Tapolngon ila osep ka pula ka tidong ane tiwai “oklou itau” ke umu. E lokono osep ka tidue Sisar ila bokongon tiwaiki tiwai “oklou itau” ke umu blang.

Kolosi 1:2

Imosogo pas ane uti ke umu ka Ida Tapolngon ila osep ka umodong ke armok Kolosi. Umu ka sipmi aitno lumu ila dagar dong dagar ke Krais. Ida Tapolngon ka Pmada ila makaingan dong kap umu e due aitno lumu dong epen.

Filemon 1:5

Aitno lungong itau kesua ngaklingen omon langane. Aitno lugom la dagar ke Ida Puda Yesus e wom lana wom ke Ida Tapolngon ila osep keniye.

Hibru 13:17

Umodong moli ke osep ka tiplau umu e umeini urok pelengon. Kesua tidue urok bokongon ka tiplau umu e mase ma tiwai ke Ida Tapolngon ke wan ka tidue. Umeini isak ma aitno lisak itau ke urok bokongon e bokongon tonari opru isak kovok. Kesua langka urok bokongon opru isak elio are ma lua umu kovok.

Hibru 13:7

Aitno lumu mter ke osep ka oglou tiplau ke umu e tiwai Ida Tapolngon ila pelengon ke umu. Aitno lumu mter ke urok mosongon e urok elio itau e umakana aitno lisak ila dagar.