Hibru 13:22 - Aria New Testament

²² Sipmi. Ngawaiki umo-klingen lou pelengon ka ngasogoe. Kesua ngawaiki ngadue aitno lumu dong dagar e pas ane bolbolo vala.

Hibru 13:22 ပူးပေါင်းရင်းမြစ်များ

Aposel 13:15

Tidong ine deka gute ka plau osep Yuda ina urok duningen ina ninu tonari ritim Moses ila sogongon e osep napaprangan ina urok sogongon e osep keniye tiklingen ine. Gute tonari due langane yagos deka wai ke Pol gosok sisrok langane. “Langka umawaiki umakar pelengon gesa ke imi ka lua imi deka umawai ine.”

2 Korin 10:1

Osep leklou tiwai ke umu langane. “Alo ka Pol dong kap umu langka iye pes iye vala e alo ka iye dong mawa iye wai dagar.” Deka ngawai ke umu ma aitno lumu mter ke Krais ila elio e umoklingen lou pelengon. Krais ila elio langane. Ila elio molil molil e iye due mada ke osep.

2 Korin 5:20

Deka imi Krais ila osep meriang ina. Are langka Ida Tapolngon wai ke osep ke epmi. Deka imepmi umu dagar ke Krais angaine ma aitno lumu kene kap Ida Tapolngon.

2 Korin 6:1

Imoboko kap Ida Tapolngon e ila makaingan polou ke umu deka imawaiki imawai dagar ke umu langane. Umeile umu itau lama aitno lumu mter ila makaingan wan adai vala.

Galesia 6:11

Umavati pelengon ka ngong tona ngasogoe ane. Umavati leta omba ka ngasogoe.

Efesus 3:3

Deka iye due aitno lungong ma ngaile omur ke wan ka iye laloe ke oglou e iye palongo osep ine kovok. Ngasogo ke wan ka iye laloe tonari sasi boto ke pas ane.

Hibru 12:5

Ida Tapolngon ila pelengon wai ke umu langka titno umu ma due umu umodong dagar. Omtomu uli ine koke aurou? Iye wai langane. “Erigu arang. Langka Ngap Puda mosi lem elio ka sasi omdue markan ine kovok. E alo ka iye nis wom ke lem elio soulu aitno lugom kro ine kovok.

Hibru 13:19

E ngawaiki ma umawai itau langane pula ma suong ngakaranga ngaiding ke umu.

Hibru 2:1

Deka ma itekis pelengon tonari dagar e amtada uli ine kovok.

Hibru 3:1

Sipmi. Umu ka Ida Tapolngon ka dong ke omur heven rere umu ila osep e ma umodong kap iye ngawai ke umu langane. Aitno lumu mter ke Yesus ka aitno lumu dagar ke iye. Ida Tapolngon pagei iye ma iye polou udo gute loulou ina ka mgo.

Hibru 4:1

E oku ane Ida Tapolngon ila promis dau dong e wai ma itesep ke omur ka itomtong ine. Deka umeile umu itau lama gute gesa dong airavu ke umu ka karanga sep ke omur ka Ida Tapolngon wai dagar ine kovok.

Hibru 4:11

Deka ite arit ite ma itakaranga itesep ke omur ka itomtong ine. Lama gute gesa airavu ke ite karanga sep ke omur tonari kovok kesua iye didi elio soulu ka oglou osep Israel ina tidue.

1 Pita 5:12

Ngaile gute Sailas aitno ila dagar dong dagar e iye lua ngong ke pas ane. Ngasogo pas ane kesua ngawaiki ngawai ke umu ke Ida Tapolngon ila makaingan. Ngaile makaingan ane Ida Tapolngon ila makaingan ka lokono deka ngawai malak ine. Ngawaiki ngasruk aitno lumu ma umodong dagar ine.