Hibru 13:2 - Aria New Testament

² E omtomu sisir langane. Alo ka osep kaulei time ke umu deka umekere isak itau. Kesua umeile oglou ensel leklou tipolou e osep tivati isak langka isak osep kaulei. E tikere isak itau e tile isak ensel kovok.

Hibru 13:2 ပူးပေါင်းရင်းမြစ်များ

Matyu 25:35

Kesua alo ka sapanga due ngong umakar ngangon ke ngong ma ngangen e alo ka aki vel ngong umakar aki ke ngong ma ngainim e alo ka ngadong langka gute kaulei umodue ngong ngasep ke lumu ninu.

Matyu 25:40

Deka gute ka vri mgo ke omur ma koli wai ke isak langane. ‘Ngawai lokono ke umu. Alo ka umodue elio tonari ke osep ke lou osua lama angainsak daudeng e tidong moli ke osep leklou umodue ke ngong blang.’”

Matyu 25:43

E ngadong langka gute kaulei e umodue ngong ngasep ke lumu ninu kovok. Ngadong ten ngong ovuk e umakar klos ke ngong ma ngatnei kovok e ngapaia e ngadong ke kalabus e umomo umavati ngong kovok.’

Aposel 16:15

Deka imapaunim iye gosok osep leklou ka tidong ke ila ninu. Imapaunim isak yagos deka Lidia wai ke imi langane. “Langka aitno lumu mter aitno lungong dagar lokono ke Yesus deka umomo umodong kap ngong ke lou ninu.” Iye wai dagar ke imi langane deka imala imodong kap iye.

Pas ka Pol sogoe uti la ke osep Rom ina 12:13

Langka Ida Tapolngon ila osep leklou urok wan isuk boto vala deka umolua isak. E langka osep kaulei time tipolou ke umu deka umekere isak itau.

Pas ka Pol sogoe uti la ke osep Rom ina 16:23

Gute Gaius wai “oklou itau” ke umu. Iye plau ngong itau lokono ke ila ninu. E Ida Tapolngon ila osep ka tiduni pulu ke ila ninu tiwai “oklou itau” ke umu blang. Gute Erastus ka plau mani ke gavman ka dong ke armok ane wai “okou itau” ke umu. E udo aten Kwartus blang wai “oklou itau” ke umu.

1 Timoti 3:2

Gute ka waiki dong sios ina plaungan ma iye didi elio itau vala ma osep tivati elio soulu gesa vri ke iye kovok. E ma esna kene vala. Ma iye dong itau e didi elio itau vala e plau iye itau. E ma iye kere osep kaulei ka time ke ila ninu. E ma iye karanga parere osep ke Ida Tapolngon ila pelengon.

1 Timoti 5:10

E isak langka apmang ka osep tile isak tidue elio itau vala. Ngawai ke elio itau langka tiplau titorok itau e tikar ngangon ke osep kaulei e tidong moli e tilua osep Kristen leklou. E tilua osep ka agegeng polou ke isak e tidue bokongon bitna bitna blang ka itau. Ma omsogo apmang ka langane angainsak.

Taitus 1:8

Iye due elio itau e kere osep ka time ke ila ninu itau. E aitno itau ke elio bitna bitna ka itau vala. E iye plau iye itau. Iye didi elio isuk isuk ka itau e Ida Tapolngon ila elio bitna bitna vala. Iye ile iye itau lama iye due elio soulu.

1 Pita 4:9

Langka supmu leklou time ke lumu ninu deka umekere isak itau. E umongurngur ine kovok.

3 Jon 1:5

Lou aten. Ngong lana ngong ke wom e ngawai ke wom langane. Omdong dagar e omdue lem bokongon itau alo ka omlua Ida Tapolngon ila osep leklou lama emile isak koke emile isak kovok.