Hibru 13:13 - Aria New Testament

¹³ Deka ite blang langka itala ke armok dogur e itanamani mnakngan langka Yesus namani mnakngan.

Hibru 13:13 ပူးပေါင်းရင်းမြစ်များ

Matyu 16:24

Deka Yesus wai ke ila disaipel langane. “Langka gute waiki didi ngong ma iye pli tarna e didi ngong. Iye due langane e langka osep tidue elio soulu ke iye e iye mete are wan gesa kovok.

Matyu 27:32

Alo ka osep ola ina dau tilila ke ekreng tipolou ke gute kene ka me ke omur Sairini ka angaine Saimon. E tipagei gute tonari ma iye kalke Yesus ina akai.

Matyu 5:11

“Alo ka osep tiwai soulu ke umu e tiwai pelengon soulu ka yakngan ke umu e tidue agegeng ke umu kesua umu lou osep aitno lumu itau itau.

Luk 6:22

Umu ka osep aitno lisak soulu lokono ke umu e tipli umu e tiwai soulu ke umu e aitno lisak mter angainmu wan ka soulu kesua umedidi Gute Ka Polou Langka Osep aitno lumu itau itau ine.

Luk 9:23

E Yesus wai ke ila disaipel keniye langane. “Langka gute gesa waiki didi ngong ma iye pli tarna e aling aling didi ngong. Iye due langane e langka osep tidue elio soulu ke iye e iye mete are wan gesa kovok.

Aposel 5:41

Deka osep aposel tisongon osep kaunsil ina amtarsak e kla ke dogur. E aitno lisak itau ke Ida Tapolngon kesua iye rere isak e tinamani agegeng ka polou ke isak batne aitno lisak dagar ke Yesus.

2 Korin 12:10

Ngadue Krais ila bokongon e wan bitna bitna tipolou ke ngong. Lou arit kovok e osep tiwai soulu ke ngong e wan polou ka opru ngong. E agegeng e elio soulu polou ke ngong. Wan tonari polou ke ngong e aitno lungong mter isak wan gesa kovok kesua alo ka lou arit kovok deka Ida Tapolngon ila arit lua ngong.

Hibru 11:26

Aitno mter langane. Langka ngong mnak ngong batne aitno lungong la ke gute Krais ka Ida Tapolngon wai dagar ma iye pagei me deka elio ane mole brokngon ka pula keniye ka dong ke omur Isip. Moses aitno mter langane kesua aitno mter mase ma Ida Tapolngon kar ila kerengen ka itau lokono ke iye.

Hibru 12:2

Ma aitno lite mter ke Yesus ka iye aitno lite ila dagar batne. E iye due aitno lite ila dagar polou dagar lokono. Alo ka iye dong ke taklak aitno neser ke wan itau lokono ka mase ma ila wan. Deka iye ulou ke ina akai kovok e aitno mter langka wan tonari soulu kovok e iye mete ine vala. E iye mnak iye ine kovok. E eknikane iye dong ke omur heven ke Ida Tapolngon limla odung.

Hibru 12:3

Aitno lumu mter ke elio ka polou ke Yesus. Osep epmes ina aitno lisak engil ke iye e tidue elio soulu ke iye. E iye vri dagar ine. Deka tarna lumu meingen kovok ke elio ka umodong dagar ke elio soulu ka osep tidue ke umu e umosongon aitno lumu ila dagar kovok.

Hibru 12:4

E ngaile umosokluk ke osep epmes ina. E dau umemete batne ke osep tonari urok elio kovok.

1 Pita 4:4

E oku ane umodue elio soulu bitna bitna tonari kovok. E osep epmes ina tidigrik kesua umodue elio epmes ina kap isak kovok. Deka tiwai soulu ke umu ine.