Hibru 13:12 - Aria New Testament

¹² E Yesus blang langane. Iye mete ke armok dogur e ina marau due ite itodong ila osep e itodong itau lokono ke Ida Tapolngon bitna.

Hibru 13:12 ပူးပေါင်းရင်းမြစ်များ

Luk 4:29

Deka titito e tisik iye ke armok e tipaur iye ke perper ka tiuri armok ine. E tiwaiki tiuri iye gene duru ke gigri.

Jon 17:19

E ngarere ngong tona ma ngadue lem bokongon e ngadidi lem pelengon ma ngakaranga ngalua isak. Ngadue langane ma tikaranga tidue lem bokongon e tididi lem pelengon ka lokono vala.”

Jon 19:34

E gute ola ina kene mter Yesus galna ke ola e suong marau e aki baser polou.

Aposel 7:58

E tisodung iye e tisapir iye la ke armok dogur deka tidue opmu e timluk iye ine ma iye mete. Osep ka tisin elio vri ke iye tiklok urok molo deka molo dong olwo boto ke gute auram ka angaine Sol.

1 Korin 6:11

Ke oglou umu leklou umodong langka osep tonari. E Ida Tapolngon ris umu kodong e rere umu ila osep lokono. Deka ke Ida Puda Yesus Krais angaine e ke Ida Tapolngon Ano Itau iye due umu umopolou itau e osuk ke bitna.

Efesus 5:26

Krais pli tarna e kasip amunte. Deka eriar langka iteris pampamu lite ma tipolou eip Krais waiki ris aitno lite ke ila pelengon ma aitno lite tipolou itau lokono. Krais ris ite ka ila osep ke ila pelengon kesua iye waiki due ite itopolou itau lokono ke iye tona bitna.

Hibru 10:10

Yesus Krais didi Ida Tapolngon aitno deka pli tarna e mete langka iye wan ka osep tidue elio opmu ina ine. Iye due langane aling kene vala e Ida Tapolngon klok udo elio epmes ina la deka itopolou Ida Tapolngon ila osep batne ke iye.

Hibru 10:29

Langka elio tonari dong deka aitno lumu lange ke gute ka pul dogur ke Ida Tapolngon Otno Arang? Ma Ida Tapolngon due elio lange ke iye? Ida Tapolngon ma due agegeng omba ke iye kesua ane langka gute tonari aitno mter Krais ina marau wan adai vala. E Krais ina marau batne ke Ida Tapolngon ila kontrak oku ina ka due osep tidong itau ke Ida Tapolngon bitna. E iye wai soulu ke Ano Itau ka makai iye.

Hibru 2:11

Deka Yesus ka iye gute ka due osep tipolou itau lokono ke Ida Tapolngon bitna e osep tonari Pmarak kene vala. Iye Ida Tapolngon. Deka Yesus mnak iye ma iye sir osep tonari iye sisrok kovok. Aurou.

Pelengon kukwopngon 14:20

E tang tonari ka kamsak tipes galou wain toru ine dong ke armok ina boul. E marau baser polou deka suong la langka ongon e ina olu langka mita kene emkil e iye la iding ke 300 kilomita.