Hibru 12:4 - Aria New Testament

⁴ E ngaile umosokluk ke osep epmes ina. E dau umemete batne ke osep tonari urok elio kovok.

Hibru 12:4 ပူးပေါင်းရင်းမြစ်များ

Matyu 24:9

“Alo ari osep ma tidue umu umevri ke kot bitna deka tiules umu e tidue burwa ke umu. E ma osep ka pula keniye aitno lisak soulu lokono ke umu batne ke ngong.

1 Korin 10:13

E langane. Tokngon bitna bitna ka tipolou ke umu ane isak eriar langka tokngon bitna bitna ka tipolou ke osep ka pula keniye. E Ida Tapolngon didi ila elio itau e songon tokngon gesa ma polou ke umu kovok ka umakaranga ine kovok. Langka tokngon gesa polou ke umu ma Ida Tapolngon mosi ekreng e lua umu ma umepren ke tokngon tonari e ma iye due umu umakaranga umevri dagar ine.

Filipai 2:8

Iye polou langka itosep e osep tivati iye langka tivati osep leklou. Deka iye pes iye e meit ke Ida Tapolngon lama iye mete ke ina akai.

Hibru 12:2

Ma aitno lite mter ke Yesus ka iye aitno lite ila dagar batne. E iye due aitno lite ila dagar polou dagar lokono. Alo ka iye dong ke taklak aitno neser ke wan itau lokono ka mase ma ila wan. Deka iye ulou ke ina akai kovok e aitno mter langka wan tonari soulu kovok e iye mete ine vala. E iye mnak iye ine kovok. E eknikane iye dong ke omur heven ke Ida Tapolngon limla odung.

Hibru 13:13

Deka ite blang langka itala ke armok dogur e itanamani mnakngan langka Yesus namani mnakngan.

Pelengon kukwopngon 12:11

E Ida Tapolngon ila osep timole Satan ke Sipsip Otno ina marau e timole iye ke Ida Tapolngon ila pelengon ka tinapapra ine. E timole iye kesua tipli tarna lisak e aitno lisak mter langka timete deka are wan gesa kovok.

Pelengon kukwopngon 17:6

Deka ngavati apmang tonari inim Ida Tapolngon ila osep inarak marau. Timluk osep tonari ma timete kesua aitno lisak dagar ke Yesus e tididi iye. Ngavati apmang tonari inim osep inarak marau deka langka bitna balilu ine deka ngadigrik e aitno lungong mter pula ine.

Pelengon kukwopngon 18:24

Ida Tapolngon ile armok tonari mluk ila osep napaprangan ina e ila osep leklou ma timete. E armok tonari mluk osep ke omur ka pula keniye ke taklak. Deka Ida Tapolngon ma due agegeng ine.

Pelengon kukwopngon 2:13

‘Ngaile omur ke armok ka umodong ine. Satan ila kova dong ke armok tonari. E ke oglou lila me aitno lumu dong dagar ke ngong e umosongon aitno lumu ila dagar kovok. Umodong dagar lama oglou osep timluk gute Antipas ma iye mete. Iye dong kap umu e napapra lou pelengon e didie deka osep timluk iye ma iye mete. Iye mete ke lumu armok ka Satan dong ine.’”