Hibru 12:3 - Aria New Testament

³ Aitno lumu mter ke elio ka polou ke Yesus. Osep epmes ina aitno lisak engil ke iye e tidue elio soulu ke iye. E iye vri dagar ine. Deka tarna lumu meingen kovok ke elio ka umodong dagar ke elio soulu ka osep tidue ke umu e umosongon aitno lumu ila dagar kovok.

Hibru 12:3 ပူးပေါင်းရင်းမြစ်များ

Matyu 11:19

E Gute Ka Polou Langka Osep me e ngen ngangon e inim aki wain e osep tiwai langane. ‘Gute are iye ngen ngangon pula e inim aki wain ma bitna balilu e ila saten isak osep ka tidue takis e osep epmes ina.’ E dau Ida Tapolngon ila osep tidue elio itau e elio are nis osep Ida Tapolngon ila ilengen iye pelengon lokono.”

Matyu 12:24

E alo ka osep Farisi ina tiklingen pelengon tonari tiwai langane. “Iye sapir angelo soulu ke Belsebul ka plau angelo soulu ila arit.”

Matyu 15:2

“Ina lange lem disaipel tidar udo seia urok apu? Kesua alo ka tingen bret tigrong limsak ke elio ka didi udo seia urok apu mgo kovok.”

Matyu 21:23

E Yesus sep ke omur ka lelei Ida Tapolngon ila ninu e parere osep ine. Deka osep loulou ina ka omba e osep namormor ke osep Yuda ina time ke iye e tipmi iye langane. “Omdue arit ge ma omdue elio ane? Sei kare ke wom?”

Matyu 21:46

E alo ka tiwaiki tidue sep ka kalabus tilim ke osep pula pula kesua osep aitno lisak mter iye gute napaprangan ina.

Matyu 22:15

E osep Farisi ina kla e tiwai pulu ke elio ka tikaranga tikotim Yesus batne ke ila pelengon.

Luk 14:1

Ke oklou sabat gesa Yesus la sep ke gute Farisi ina ka angaine omba ila ninu ma iye ngen kap iye. E osep tipalem Yesus itau.

Luk 15:2

E osep Farisi ina e osep ka tile itau ke Moses ila sogongon tingurngur ke iye langane. “Gute ane waiki osep epmes ina time ke iye e iye ngen kap isak.”

Luk 16:14

Osep Farisi ina isak lana isak ke mani. E alo ka tiklingen Yesus ila pelengon tiwai apok ke iye.

Luk 2:34

E Simeon wai ma Ida Tapolngon aitno itau itau ke isak e wai ke tna Maria langane. “Emklingen. Ida Tapolngon rere mimi ane ma iye due osep Israel ina pula tigene batne ke iye e iye due osep pula titito batne ke iye blang. E iye dong nisngen ke Ida Tapolngon aitno e ma osep pula tiwai soulu ke iye.

Luk 5:21

Iye wai langane deka osep Farisi ina e osep ka tile itau ke Moses ila sogongon aitno lisak mter ine e tiwai pulu langane. “Gute ane gute sei ma iye wai soulu ke Ida Tapolngon ila elio? Ida Tapolngon vala karanga sak osep urok elio epmes ina.”

Jon 10:20

Isak pula tiwai langane. “Angelo soulu dong ke iye e due manga manga. Ina lange umoklingen ila pelengon?”

Jon 18:22

Yesus wai langane deka gute kene ka plau Ida Tapolngon ila ninu uri limla napar ke Yesus banga e iye wai langane. “Wom sei ma amwai langane ke gute loulou ina ka mgo?”

Jon 5:16

E osep Yuda ina tidue agegeng ke Yesus kesua batne iye due elio langare ke oklou sabat.

Jon 7:12

E osep pula pula tinekeskes pulu ke Yesus. Osep leklou tiwai langane. “Iye gute itau.” E osep leklou blang tiwai langane. “Aurou. Iye yak osep.”

Jon 8:13

Osep Farisi ina tiklingen Yesus ila pelengon deka tikoli tiwai langane. “Wom tona amwai ke lem elio e osep aitno lisak karanga la dagar ke lem pelengon vala kovok.”

Jon 8:52

Osep Yuda ina tiklingen Yesus ila pelengon deka tikoli tiwai langane. “Imeklingen lem pelengon e oku ane imeile angelo soulu dong ke wom. Oglou Abraham mete e osep napaprangan ina timete blang e amwai osep ka tididi lem pelengon ma timete kovok.

Jon 8:59

Yesus wai langane deka osep tidue opmu ma tiuri isak ke iye. E Yesus kukwop iye ke isak deka songon omur ka lelei Ida Tapolngon ila ninu.

Jon 9:40

E osep Farisi ina leklou ka tidong kap iye tiklingen ila pelengon e tipmi iye langane. “Lange? Emtemi evin blang?”

1 Korin 15:58

E langane. Sipmi. Ma umo-dong dagar ke Ida Tapolngon ila elio e aitno lumu orwo ine sakam. Umodong umoboko dagar ke Ida Puda ila bokongon vala. Kesua Ida Puda ila bokongon ka umodue ma la adai kovok. Aurou. Ma dong vala kesua bokongon tonari Ida Puda ila bokongon.

2 Korin 4:1

Ida Tapolngon aitno due imi e kar bokongon ane ke imi e imoulou ine e imosongone kovok. E imodue vala.

2 Korin 4:16

Aitno limi mter ke wan tonari deka imodong dagar ke limem bokongon. Lokono. Pam-pamu limi polou nopos e sasi e dau aitno limi polou oku ke oklou kene kene.

Galesia 6:9

Deka ite ma itodue elio itau e tarna lite meingen ine kovok. Langka itoboko engil deka alo ka ngangon anino ma itodue ngangon itau lokono.

2 Tesalonaika 3:13

E sipmi imawaiki aling aling umodue elio itau vala e umodue ropo kovok.

Hibru 12:2

Ma aitno lite mter ke Yesus ka iye aitno lite ila dagar batne. E iye due aitno lite ila dagar polou dagar lokono. Alo ka iye dong ke taklak aitno neser ke wan itau lokono ka mase ma ila wan. Deka iye ulou ke ina akai kovok e aitno mter langka wan tonari soulu kovok e iye mete ine vala. E iye mnak iye ine kovok. E eknikane iye dong ke omur heven ke Ida Tapolngon limla odung.

Hibru 12:5

Ida Tapolngon ila pelengon wai ke umu langka titno umu ma due umu umodong dagar. Omtomu uli ine koke aurou? Iye wai langane. “Erigu arang. Langka Ngap Puda mosi lem elio ka sasi omdue markan ine kovok. E alo ka iye nis wom ke lem elio soulu aitno lugom kro ine kovok.

Hibru 3:1

Sipmi. Umu ka Ida Tapolngon ka dong ke omur heven rere umu ila osep e ma umodong kap iye ngawai ke umu langane. Aitno lumu mter ke Yesus ka aitno lumu dagar ke iye. Ida Tapolngon pagei iye ma iye polou udo gute loulou ina ka mgo.

1 Pita 2:23

Alo ka osep tiwai soulu ke iye io iye koli urok pelengon ke pelengon soulu blang kovok. Alo ka osep tidue agegeng ke iye io iye dong vala e wai ma iye koli urok elio soulu kovok. Aurou. Aitno dagar ke Ida Tapolngon e iye ile Ida Tapolngon ma didi ila elio itau e wade osep ka pula keniye ine.

Pelengon kukwopngon 2:3

Alo ka osep tidue agegeng ke umu kodong batne aitno lumu dagar ke ngong io ngaile umevri dagar ine. E tarna lumu meingen ine kovok.’”