Hibru 12:27 - Aria New Testament

²⁷ Ida Tapolngon ila pelengon palma ka wai “aling silang blang” lana ine langane. Wan keniye ka Ida Tapolngon due e tinemilmil ma polou yagos. E wan ka karanga nemilmil kovok ma dong vala.

Hibru 12:27 ပူးပေါင်းရင်းမြစ်များ

Matyu 24:35

Sirva e taklak ma tipolou yagos e dau lou pelengon ma polou yagos kovok.”

Pas ka Pol sogoe uti la ke osep Rom ina 8:19

Eknikane Ida Tapolngon ila duengen keniye dong e para ke alo ka iye nis osep ka pula keniye ke osep ka isak Ida Tapolngon titno.

Pas ka Pol sogoe uti la ke osep Rom ina 8:21

Alo ka Ida Tapolngon ma due ila duengen tipolou itau lokono blang e ma isak tikaranga tipolou okus blang kovok. Aurou. Ma tidong itau vala. Deka alo ari alo ka elio ane polou ma iye due ite ka titno ite ma itodong itau lokono kap iye ke omur heven.

1 Korin 7:31

E osep ka tiboko ke wan ka taklak ina ma aitno lisak mter ke bokongon tonari kovok. Iteile isuk boto ma taklak ane e wan ka pula keniye ine ma polou yagos.

Hibru 1:10

E Ida Tapolngon wai blang langane. “Puda oglou alo ka wan gesa dong kovok amtapol taklak keniye deka amtapol omur ka egim keniye blang.

Hibru 13:14

E iteile omur langane. Ke taklak ane udo armok dong ka dong vala dong kovok e itapara ke armok ka mase ma polou.

Hibru 9:11

Eknikane Krais polou kodong e iye gute loulou ina ka mgo ke wan bitna bitna ka itau ka polou kodong. Iye due Ida Tapolngon ila bokongon ke ninu molo ina ka osep tiurie ke taklak ane kovok. Iye sep ke Ida Tapolngon ila ninu molo ina ka dong ke omur heven. Ninu molo ina tonari mole ninu molo ina ka osep tiurie ke taklak.

Pelengon kukwopngon 11:15

Deka ensel lumorwo ina ipu ina kuliep e ngaklingen osep ka tidong ke omur heven tiwai omba langane. “Elio ka osep tivri mgo ke omur omur ke taklak polou yagos e Ida Tapolngon ka iye Ida Puda kap Yesus ka iye rere gute Krais ma tiplau osep dong vala dong.”

Pelengon kukwopngon 21:1

Ngavti wan tonari deka ngavati sirva oku e taklak oku ina tipolou tidong. Sirva oglou ina e taklak oglou ina isak yagos kla e misuon blang yagos la.

Pelengon kukwopngon 21:4

Iye ma sak osep amtarsak olune e ma tikngis blang kovok e ma aitno lisak kro ke wan bitna bitna kovok. E silang blang ma tarna lisak doro doro blang kovok e metengen yagos. Kesua wan bitna bitna keniye ka tidong ke oglou isak yagos kodong.”

Pelengon kukwopngon 21:5

Deka ngaklingen gute ka dong ke ila kova wai langane. “Umoklingen. Ngadue wan bitna bitna keniye tipolou oku ina.” Deka iye wai blang langane. “Omsogo pelengon ane kesua pelengon ane lokono lokono e osep aitno lisak karanga la dagar ine.”