Hibru 12:25 - Aria New Testament

²⁵ Deka umepli Ida Tapolngon ila pelengon kovok. Oglou iye dong ke gigri Sainai e wai ke osep Israel ina. E osep leklou tipli ila pelengon deka iye wade isak ine e tikos ke ila wadenen kovok. E eknikane iye dong ke omur heven e wai ke ite. Deka aitno lumu lange? Langka itepli ila pelengon itakaranga itokos ke ila wadengen? Aurou lokono.

Hibru 12:25 ပူးပေါင်းရင်းမြစ်များ

Matyu 17:5

Alo ka Pita dau wai gaup ka okou lokono kading oklou e kreine me ke gaup ka wai langane. “Gute ane Erigu Arang ka ngong lana ngong ke iye omba e aitno lungong itau lokono ke iye. Umoklingen ila pelengon.”

Matyu 8:4

E Yesus wai ke iye langane. “Amwai ke osep ke elio ane kovok e amla e emnis tarna lugom ke gute loulou ina ma iye ile ompolou itau blang. Deka omdue elio opmu ina langka Moses sogo ine. Omdue langane ma osep leklou tile ompolou itau blang.”

Aposel 7:35

“Moses ka Ida Tapolngon wai ke iye io iye gute ka oglou ari osep Israel ina tipli iye e tiwai ke iye langane. ‘Sei rere wom ommgo ke imi e amwade imi?’ Moses iye gute ka Ida Tapolngon pagei ke osep Israel ina ma iye plau isak e lua isak. Ari ensel gesa polou ke iye ke akai daudeng ka marak dong ine e palongo ila ke ila bokongon.

1 Tesalonaika 5:15

Langka osep tidue elio soulu ke umu ma umokoli urok elio soulu batne kovok. Aling aling umodue elio itau pulu e umodue elio itau ke osep ka pula keniye.

2 Timoti 4:4

E ma tipul dogur ke pelengon lokono e aitno lisak la ke basikngen bitna bitna ka adai.

Hibru 1:1

Ke oglou Ida Tapolngon due osep napaprangan ina tiwai ila pelengon ke udo seia. Iye due langane aling pula e ke elio bitna bitna pula.

Hibru 11:7

Noa aitno dagar ke Ida Tapol-ngon e Ida Tapolngon palongo iye ke wan ka mase ma polou ka iye ile ine kovok. Ida Tapolngon wai deka Noa due anit ke iye e uri sip ombatno ma iye kap ila osua tidong itau ine. Noa aitno dagar deka ila elio tonari nis osep ka tidong ke taklak urok elio soulu. E Noa polou itau e osuk ke Ida Tapolngon bitna langka osep leklou ka aitno lisak dagar ke iye.

Hibru 12:19

E tiklingen kuliep wai e tiklingen Ida Tapolngon kreine wai ke isak. Deka tilim ine e tipmi Moses ma iye wai ke Ida Tapolngon ma iye wai ke isak blang kovok.

Hibru 3:12

Sipmi. Umeile umu itau lama gute gesa airavu ke umu due elio epmes ina e pono aitno ke Ida Tapolngon. Deka iye pul dogur ke Ida Tapolngon.

Hibru 3:17

E Ida Tapolngon aitno engil ke osep seisei la lama iding ke tobor isapanal? Aitno engil ke osep ka tidue elio epmes ina e timete ke omur ka dong adai vala.

Hibru 8:5

Oglou alo ka Moses waiki uri ninu molo ina Ida Tapolngon wai langane. “Emile wom itau e emdidi lou pelengon keniye ka la ke ninu molo ina ka nganis wom ine alo ka omdong ke gigri Sainai.” E tiboko ke Ida Tapolngon ila ninu ka dong ke taklak e ninu tonari langka ano vala ke Ida Tapolngon ila ninu ka dong ke omur heven.

1 Pita 1:22

Umedidi pelengon ka lokono e Ida Tapolngon due lumu elio epmes ina noklok la deka umodong itau lokono. E aitno lumu omba e umu lana umu lokono ke Ida Tapolngon ila osua. E ngawaiki umu lana umu omba ke isak.

Pelengon kukwopngon 19:10

Ngaklingen ensel wai deka ngagrum kongu olwo boto ke kamla e ngawaiki ngalotuim iye e iye wai ke ngong langane. “Omdue langane sakam. Ngong Ida Tapolngon ila gute bokongon ina langka wom e lem osua ka umekis dagar ke pelengon ka Yesus wai ine. Omlotuim Ida Tapolngon vala. Kesua iteile pelengon ka Yesus wai ine sruk osep napaprangan ina aitno lisak ma tinapapra ine.”

Pelengon kukwopngon 22:9

Deka iye wai ke ngong langane. “Omdue langane sakam. Kesua ngong Ida Tapolngon ila gute bokongon ina langka wom e langka lem osua ka isak osep napaprangan ina e langka osep leklou blang ka tididi pelengon ane. Omlotuim Ida Tapolngon vala.”