Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Hibru 12:23 - Aria New Testament

23 E umopolou ke duningen ka ila osep aitno lisak neser ine. Osep tonari tidong langka Ida Tapolngon ina sirngen sirngen e angainsak dong ke Ida Tapolngon ila buk ka dong ke omur heven. E umopolou ke Ida Tapolngon ka wade osep ka pula keniye urok elio isuk isuk. E umopolou ke osep ka Ida Tapolngon due isak tipolou itau e osuk ke iye bitna kodong ansak.

အခန်းကိုကြည့်ပါ။ ကော်ပီ




Hibru 12:23
45 ပူးပေါင်းရင်းမြစ်များ  

E dau aitno lumu neser kesua angelo soulu tididi lumu pelengon kovok. Aurou. Aitno lumu neser kesua Ida Tapolngon sogo angainmu ke ila buk ka dong ke omur heven.”


E iye kar arit ke ngong ma ngawade osep urok elio kesua ngong Gute Ka Polou Langka Osep.


Eknikane umu ka Ano Itau rere umu Ida Tapolngon ila osep inarak plaungan umaplau umu itau. Umekere Ida Tapolngon ila osep itau lokono. Kesua Otno Arang ina marau kli inarak elio epmes ina.


E eknikane iteile emkil emkil ke Ida Tapolngon ila elio. Eriar langka itavati amtada ke glas ka itavati ite malak ine kovok e itavati langka rurut. E mase ma ite e Ida Tapolngon itavati amtada pulu e ma iteile lokono ke iye eriar langka eknikane iye ile ke ite.


E eknikane itodong eriar langka gute taklak ina. E mase ma itodong eriar langka gute omur heven ina.


Alo ari pampamu lite ka tipolou okus ma tilumus tipolou oku e tikaranga tipolou okus blang kovok. E pampamu lite ka timete ma tilumus tipolou oku e tikaranga timete blang kovok. Deka Ida Tapolngon ila pelengon ka wai langane ma polou lokono. “Ida Tapolngon mole mete-ngen lokono deka metengen yagos.


Aitno lite mter langane deka itodong dagar e itawaiki itosongon pampamu lite e itala itodong kap Ida Puda ke ila omur.


Ida Tapolngon due Krais ila arit polou ombatno lokono deka ila arit mole wan ka pula keniye urok arit. Deka iye plau wan ka pula keniye. Ida Tapolngon due langane ma Krais dong Ida Tapolngon ila osep Inarak Puda.


E lou aten ngawai ke wom ka omlua ngong ke lou bokongon ma omlua apmang orwo tonari blang. Kesua tilua ngong itau ke lou bokongon ka nganapapra Ida Tapolngon ila omon itau ke osep. Isak tigosok gute Klemen e osep leklou ka angainsak dong ke buk ka mosongon ka dong vala dong ina tilua ngong ke omon itau ila napaprangan.


Umawai tenkyu ke Pmada ka due umu ma umedidi elio itau la lama iding ke alo ka umodue wan ka itau lokono ka iye rere ke umu. Ma umodue langane kap osep ka Ida Tapolngon ila osep ka tidong ke ila omur ka bublo omba.


Eknikane aitno lungong itau lokono alo ka nganamani elio ka polou ka opru ngong ma ngalua umu. Elio opru tonari langka elio opru ka Krais namani ka ma lua sios ine e elio opru tonari dau yagos kovok. E ngawaiki ngalua Krais ila sios ka pampamu ine. E ke elio opru ka nganamani ke pampamu lungong ngawaiki ma ngalua sios blang.


Langka gute karanga plau esna e titno kovok ina lange iye karanga plau Ida Tapolngon ila osep?


Abel aitno dagar ke Ida Tapolngon deka iye due elio opmu ina. E Ida Tapolngon aitno itau ke wan ka Abel due elio opmu ina ine e aitno itau kovok ke wan ka Kein due elio opmu ina ine. Abel aitno dagar ke Ida Tapolngon deka Ida Tapolngon sir iye gute ka itau e osuk. E eknikane lama oglou iye mete kodong aitno ila dagar dau nis ite ma aitno lite dagar ke Ida Tapolngon.


Kesua oglou kodong Ida Tapolngon aitno mter ma iye due elio ka itau lokono ke ite ka pula keniye. Deka iye waiki isak timgo ke ite kovok. Aurou. Iye waiki ite ka pula keniye itopolou itau lokono ke aling kene vala.


E Yesus wai ke Ida Tapolngon langane. “Ma ngapalongo sipmi ke elio ka omdue. Alo ka tiduni pulu ma ngakakai angain wom tito la egim ke amtarsak.”


Itosep ka pula keniye ma itemete aling kene vala. Deka ma Ida Tapolngon wade udo elio isuk isuk.


Iye didi aitno e due ite itopolou ila osep alo ka iteklingen ila pelengon ka lokono. Ma ite langka titno ka ina sirngen sirngen ke wan ka pula keniye ka mase ma polou oku.


Alo ka osep tiwai soulu ke iye io iye koli urok pelengon ke pelengon soulu blang kovok. Alo ka osep tidue agegeng ke iye io iye dong vala e wai ma iye koli urok elio soulu kovok. Aurou. Aitno dagar ke Ida Tapolngon e iye ile Ida Tapolngon ma didi ila elio itau e wade osep ka pula keniye ine.


Osep ka pula keniye ka tidong ke taklak tilotuim ongwa kevena tonari. E oglou oglou ari alo ka Ida Tapolngon dau due taklak kovok iye sogo osep angainsak ke Sipsip Otno ka timter iye ma iye mete ila buk ka mosongon ina. E osep ka tilotuim ongwa kevena angainsak tidong ke buk tonari kovok.


Ke oglou osep tonari tidue elio kap apmang kovok e tidong itau vala. E tididi Sipsip Otno ke omur omur ka iye waiki la ine. Isak osep ka Ida Tapolngon kli urok elio epmes ina alo ka tidong kap osep ke taklak. Deka isak langka osep mgongon ina ka me ke Ida Tapolngon e ke Sipsip Otno.


Deka osep ka angainsak dong ke buk ka mosongon ina tonari kovok tiuri isak kla ke eiou ombatno blang.


Deka osep ke omur heven tikar molo alang ka okou ke osep tonari isak kensak kensak. E tiwai ke isak langane. “Umu ma umomtong boto gesa da. La lama osep timluk osep leklou ka tiboko eriar langka oglou umoboko ine blang. Kesua Ida Tapolngon iye rere osep sesue ka ma osep timluk isak ma timete.”


Deka Sipsip Otno kles pou-ngon elme ina ke buk. E ngavati osep ka timete kodong ansak tidong ke bota ka osep tidue elio opmu ina ine bisna. Ke oglou osep tonari tikis Ida Tapolngon ila pelengon dagar e tinapapra pelengon tonari deka osep timluk isak ma timete ine.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ