Hibru 12:22 - Aria New Testament

²² E umopolou ke gigri langare kovok. Umopolou ke gigri Saion e ke armok Jerusalem ka dong ke omur heven ka Ida Tapolngon dong ine. E ensel pula pula lokono tidong ine e aitno lisak neser omba.

Hibru 12:22 ပူးပေါင်းရင်းမြစ်များ

Matyu 16:16

E Saimon Pita wai langane. “Wom gute Krais ka Ida Tapolngon rere ma iye lua osep ke urok elio epmes ina. Wom Ida Tapolngon ka dong vala dong Otno Arang.”

Matyu 5:35

E umawai promis batne ke taklak kovok kesua taklak wan ka Ida Tapolngon due kamla timunu ine. E umawai promis batne ke Jerusalem kovok kesua Jerusalem gute omba ka vri mgo ke ite ila armok.

Pas ka Pol sogoe uti la ke osep Rom ina 11:26

Ke elio tonari ma Ida Tapolngon due osep Israel ina keniye tibauluk ke iye e lua isak ke urok elio epmes ina langka ila pelengon wai ine. Ida Tapolngon ila pelengon wai langane. “Gute ka lua osep Israel ina ma polou ke omur Saion ma iye me e lua Jekop ila napakngan keniye ke urok elio epmes ina.”

Pas ka Pol sogoe uti la ke osep Rom ina 9:26

E Hosea wai silang blang langane. “Ida Tapolngon wai ke osep ka tidong ke omur ka oglou ila osep tidong ine kovok ma mase ila osep tidong ine. E ma osep tisir isak Ida Tapolngon ka ila mosongon dong ke iye isak ila osep isak.”

Galesia 4:26

E Jerusalem silang dong ke omur heven e iye dong fri. Iye langka tnada.

Efesus 2:19

E Ida Tapolngon vati umu langka osep kaulei e langka osua silang kovok. Aurou. Lumu osua Ida Tapolngon ila osua vala e umeneklep ke Ida Tapolngon ila osep kodong.

Filipai 3:20

E ite osep ka omur heven ina e itodong itapara ke alo ka Ida Luangan ka Ida Puda Yesus Krais songon omur heven e duru me due ite.

1 Tesalonaika 1:9

Isak tona tiwai ke elio itau ka umodue ke imi alo ka imeme ke umu. Tipalongo urok ke elio ka umopul dogur ke tapolngon yakngan ina e aitno lumu la dagar ke Ida Tapolngon ma umodue ila bokongon. Iye Ida Tapolngon ka lokono e iye dong vala dong.

2 Timoti 4:18

E Ida Puda ma lua ngong ke elio soulu ka osep tiwaiki tidue ke ngong. E mase ma iye paur ngong ke omur heven ka iye plaue. Ma itakakai Ida Puda angaine tito la egim dong vala dong.

Hibru 10:31

Deka iteile omur langane. Osep ka Ida Tapolngon ka dong vala dong ules isak ma tinakarkar e tilim omba ke iye.

Hibru 11:10

Alo ari Abraham dong e para ke mase alo ka iye dong ke armok ka Ida Tapolngon urie ke omur heven ka dong vala dong.

Hibru 11:16

E tidue langane kovok. Aurou. Tikrim ke omur ka mole urok omur oglou ina. Tikrim ke omur heven. Deka tiwai ke Ida Tapolngon langane. “Wom Ipem Tapolngon.” E Ida Tapolngon mnak iye ke urok pelengon tonari kovok e iye rere armok ma tidong ine.

Hibru 13:14

E iteile omur langane. Ke taklak ane udo armok dong ka dong vala dong kovok e itapara ke armok ka mase ma polou.

Hibru 3:12

Sipmi. Umeile umu itau lama gute gesa airavu ke umu due elio epmes ina e pono aitno ke Ida Tapolngon. Deka iye pul dogur ke Ida Tapolngon.

Hibru 9:14

Lama elio tonari dong Krais ina marau mole wan keniye inarak marau. Elio kene gesa vri ke Krais kovok deka ke Ano Itau ka dong vala dong iye pli tarna e mete langka osep tidue elio opmu ina ke iye. E iye due aitno lite polou itau lokono deka aitno lite mter kovok ke elio bitna bitna ka karanga lua ite kovok. E itodue Ida Tapolngon ka dong vala dong ila bokongon.

Pas ka Jut sogoe 1:14

Oglou gute Enok ka Adam ila napakngan lumorwo ina dong e iye napapra ke osep ke wan tonari langane. “Umoklingen. Ngavati Ida Puda me kap ila ensel ka pula pula lokono.

Pelengon kukwopngon 14:1

Omtongu lila blang e ngavati Sipsip Otno vri ke gigri ka tisire gigri Saion. E osep ka inarak sasa 144,000 tivri kap iye e Sipsip Otno orwo Timla angainsak dong ke bara lisak.

Pelengon kukwopngon 21:10

Deka Ano Itau polou dagar ke ngong e ensel tonari paur ngong la ke gigri omba ka apna dong egim lokono. Deka iye nis ngong ke armok Jerusalem ka itau lokono ka duru me ke Ida Tapolngon ke omur heven.

Pelengon kukwopngon 21:2

Deka ngavati Ida Tapolngon ila armok ka Jerusalem oku ina ka itau lokono songon omur heven e duru me ke taklak. Armok tonari iye langka apmang ka kere ina baresngen bitna bitna ma iye la gi ila boget.

Pelengon kukwopngon 22:19

E langka gute pi pelengon leklou la ke pelengon ke buk ane ma Ida Tapolngon pi ila wan bitna bitna ka itau. Ma iye due akai otna ka mosongon ina kovok e ma iye karanga dong ke armok ka buk ane wai ine kovok.

Pelengon kukwopngon 3:12

“Ngakaranga ngadue gute ka mole elio soulu vri dagar langka kadanga ka due Ngau Tapolngon ila ninu dong dagar. E ma iye songon Ina Tapolngon ila ninu kovok. Ma ngasogo Ngau Tapolngon angaine ke iye e ma ngasogo ila armok angaine ka Jerusalem oku ina ke iye blang. Armok tonari me ke Ngau Tapolngon e songon omur heven e duru me ke taklak. E ngasogo angain ngong oku ke iye blang.

Pelengon kukwopngon 7:2

Deka ngavati ensel silang songon omur ka oklou tito ine e iye tito la. E iye kis Ida Tapolngon ka dong vala dong ila nisngen. E iye gi dagar ke ensel apanal ka Ida Tapolngon kar arit ke isak ma tidue agegeng ke taklak kap misuon.