Hibru 12:2 - Aria New Testament

² Ma aitno lite mter ke Yesus ka iye aitno lite ila dagar batne. E iye due aitno lite ila dagar polou dagar lokono. Alo ka iye dong ke taklak aitno neser ke wan itau lokono ka mase ma ila wan. Deka iye ulou ke ina akai kovok e aitno mter langka wan tonari soulu kovok e iye mete ine vala. E iye mnak iye ine kovok. E eknikane iye dong ke omur heven ke Ida Tapolngon limla odung.

Hibru 12:2 ပူးပေါင်းရင်းမြစ်များ

Matyu 16:21

Alo ari Yesus nogrum palongo ila disaipel ma iye la ke Jerusalem e namani elio soulu pula ke osep namormor e osep loulou ina ka omba e osep ka tile itau ke Moses ila sogongon. E ma timter iye ma iye mete e mase ke oklou elku ina ma iye poga tito ke ina denga.

Matyu 20:28

Kesua Gute Ka Polou Langka Osep me ma osep tidue wan ka lua iye tona kovok. Aurou. Iye me ma iye lua osep e mete ma iye kli osep urok elio epmes ina.”

Mak 14:36

Ari iye wai langane. “Abo Livou. Ngaile elio keniye ka amwaiki omdue amkaranga omdue. Ngawaiki elio soulu lokono ka osep tiwaiki tidue ke ngong ma polou ke ngong kovok. E dau emdidi aitno lungong ine kovok. Aurou. Emdidi aitno lugom ine vala.”

Mak 16:19

Ida Puda Yesus wai yagos deka iye tito la ke omur heven deka dong ke Ida Tapolngon limla odung.

Mak 9:12

Deka Yesus koli wai ke isak langane. “Osep tonari tiwai lokono. Elaija me kere wan keniye kodong deka ngame. Oglou osep tisogo Ida Tapolngon ila pelengon ka la ke Gute Ka Polou Langka Osep. Tisogo ma osep tidue agegeng ke iye e ma tipli iye.

Mak 9:24

Yesus wai langane deka lokono mimi tonari timla wai omba langane. “Aitno lungong dagar ke wom e aitno lungong ila dagar dau dagar lokono ke wom kovok. Omlua ngong ma aitno lungong ila dagar polou dagar lokono ke wom vala.”

Luk 17:5

Deka Yesus ila aposel tipmi iye langane. “Ipem Puda omdue aitno limi ila dagar res polou omba.”

Luk 23:11

Deka Herot kap ila osep ola ina tidue elio soulu e tiwai apok ke iye. E titnei Yesus ke molo ka itau lokono e tivai iye iding ke Pailot.

Luk 24:26

Umeile langane kovok i? Gute ka Ida Tapolngon rere Krais ma iye lua osep ma namani elio soulu paide deka ma iye dong itau lokono kap Ida Tapolngon.”

Jon 1:29

E ke oklou silang Jon vati Yesus lila me ke iye e wai ke osep langane. “Umavati. Gute are gute ka Ida Tapolngon ila Sipsip Otno ka due osep ke taklak urok elio epmes ina noklok la.

Jon 12:24

Ngawai lokono ke umu langane. Lama wit londo duru ke taklak e tarna polou okus kovok iye dong londo kene vala. E langka iye duru ke taklak e tarna polou okus ma londo nobolbol e erine usu otna pula.

Jon 12:32

E oku ane ngadong ke taklak e mase ma osep tidue burwa ke ngong e tidue ngong ngamana ke ngau akai. E ma ngadada osep ka pula keniye time ke ngong.”

Jon 13:3

E Yesus ile Timla kar arit ke iye ma iye plau wan ka pula keniye e silang iye ile iye me ke Ida Tapolngon e ma iye iding ke Ida Tapolngon.

Jon 6:40

E Livou aitno langane. Osep seisei ka tivati Otno Arang e aitno lisak la dagar ke iye ma tidue urok mosongon ka dong vala dong. E ma ngadue isak titito e tidong blang ke oklou ka Ida Tapolngon wade osep ka pula keniye urok elio ine.”

Jon 8:56

Pmomu Abraham aitno neser alo ka aitno mter ma iye vati taim ka ngame. Iye vatie e aitno neser ine.”

Aposel 2:36

Umu ka osep Israel ina umoklingen lou pelengon lokono ane. Oglou umodue agegeng ke Yesus e umomluk iye ma iye mete. E eknikane iye mete kovok. Aurou. Eknikane iye dong kap Ida Tapolngon ka kakai iye tito lokono e rere iye gute ka Krais ka lua osep ke urok elio epmes ina e ka Ida Puda lokono.”

Aposel 3:15

Deka umodue Yesus ka iye elio itau ina poloungon batne deka umomluk iye ma iye mete. Iye mete deka Ida Tapolngon due poga tito ke ina denga. E imi ane imavati iye.

Aposel 5:31

Deka Ida Tapolngon kakai iye dong ke limla odung. Iye due Yesus mgo ke ite e due polou Ida Luangan ka karanga lua itosep Israel ina ma itabauluk aitno lite ke udo elio epmes ina e due udo elio epmes ina vri ke ite kovok.

Aposel 5:41

Deka osep aposel tisongon osep kaunsil ina amtarsak e kla ke dogur. E aitno lisak itau ke Ida Tapolngon kesua iye rere isak e tinamani agegeng ka polou ke isak batne aitno lisak dagar ke Yesus.

1 Korin 1:18

E langane. Osep epmes ina urok elio vri ke isak e aitno lisak mter Krais ina metengen langka wan adai. E osep ka Ida Tapolngon lua isak tile elio tonari Ida Tapolngon ila arit ka lua isak.

1 Korin 1:23

E imanapapra pelengon kene ka la ke Krais ina metengen ke ina akai. Deka pelengon ka imanapapra ine due osep Yuda ina aitno lisak soulu e due osep Grik ina ma tiwai pelengon tonari pelengon adai vala.

Efesus 2:16

Krais mana ke ina akai e mete ine. Deka elio ka iye mete ke ina akai due osua orwo tiduni pulu ma elio ka aitno lisak engil pulu polou yagos. E iye due osep ka oglou isak osua orwo tineklep pulu e tipolou osua kene vala eriar langka isak Krais pampamu ine. Deka parangan ka oglou dangdang ite ke Ida Tapolngon dong kovok.

Efesus 5:2

Krais lana iye ke ite omba deka iye mana ke ina akai e mete ine. Iye pli tarna e polou langka sipsip gesa ka osep tidue elio opmu ina ine deka iye mete. Deka ina metengen e ina marau bakop Ida Tapolngon aitno e aitno itau ine. Deka umu lana umu ke osep eriar langka Krais lana iye ke umu. Ma lumu elio tonari langka amnangan itau lokono ka Ida Tapolngon aitno itau ine.

Filipai 1:6

E ngaile langane. Oglou Ida Tapolngon nogrum ila bokongon ke aitno lumu e eknikane iye dau boko ke aitno lumu la lama iding ke alo ka Krais Yesus ma iding me.

Filipai 3:20

E ite osep ka omur heven ina e itodong itapara ke alo ka Ida Luangan ka Ida Puda Yesus Krais songon omur heven e duru me due ite.

2 Timoti 4:8

Mase Ida Puda ma wade osep ka pula keniye ke ila elio ka itau e osuk. E iye ma kar kerengen ke ngong ka iye rere ke osep ka timole resis tonari. Ma iye kar kerengen ke ngong ka iye kare blang ke osep ka urok elio itau e osuk. Ma iye kare ke ngong ke oklou ka iye ma wade osep ka pula keniye urok elio isuk isuk ine. E ma iye kar kerengen ke ngong vala kovok. Aurou. Ma iye kar kerengen ke osep ka pula keniye ka isak lana isak ke iye e tipara ke alo ka iye iding me ma tivati iye.

Hibru 1:13

Oglou Ida Tapolngon wai ke Otno Arang langane. “Omdong ke lungu odung la lama ngadue ngap oul keniye tidong moli ke kevep.” Ida Tapolngon wai langane ke Otno Arang vala e iye wai ke ila ensel gesa langane kovok.

Hibru 1:3

E Otno Arang nis ite ke Ida Tapolngon ila elio ka itau lokono e iye eriar langka Ida Tapolngon. E ila arit due wan ka pula keniye tiboko itau e tidong itau. Iye duru ke taklak e mete kodong deka ina marau kli osep urok elio epmes ina. Iye due langane yagos deka iye bauluk tito ke omur heven e dong ke Ida Tapolngon ka ila arit ombatno lokono limla odung.

Hibru 10:14

Iye pli tarna e mete aling kene vala e due osep tipolou Ida Tapolngon ila osep ine. E iye due isak tipolou itau lokono dong vala dong.

Hibru 10:33

Alo ari aling leklou osep tiwai apok ke umu e tidue agegeng ke umu ke osep pula amtarsak. E aling leklou osep tidue langane ke osep leklou e umevri kap isak.

Hibru 11:36

E osep leklou tiwai apok ke osep ka aitno lisak dagar ke Ida Tapolngon. E tiules osep leklou e tipou osep leklou ke sen e tidue isak tisep ke kalabus.

Hibru 12:3

Aitno lumu mter ke elio ka polou ke Yesus. Osep epmes ina aitno lisak engil ke iye e tidue elio soulu ke iye. E iye vri dagar ine. Deka tarna lumu meingen kovok ke elio ka umodong dagar ke elio soulu ka osep tidue ke umu e umosongon aitno lumu ila dagar kovok.

Hibru 13:13

Deka ite blang langka itala ke armok dogur e itanamani mnakngan langka Yesus namani mnakngan.

Hibru 5:9

Elio tonari polou ke iye deka iye polou gute ka lua osep ke urok elio epmes ina. Deka iye lua osep ka tini iye ke urok elio epmes ina dong vala dong.

Hibru 7:19

E Moses ila sogongon karanga due osep tipolou itau lokono ke Ida Tapolngon bitna kovok. Deka Ida Tapolngon due ekreng oku ka mole Moses ila sogongon ma itakaranga itopolou olwo boto ke Ida Tapolngon ine.

Hibru 8:1

Pelengon ane ka imawai ke umu ine lana ine langane. Udo gute loulou ina ka mgo dong ke Ida Tapolngon ka iye omba lokono ila kova ke limla odung.

Hibru 9:28

Krais mete langka wan ka osep tidue elio opmu ina ine aling kene vala. Deka ma iye polou aling silang blang ma kli udo elio epmes ina aling silang blang kovok. Aurou. Iye ma iding e lua osep ka tipara ke iye.

Jems 2:1

Sipmi. Ngawai ke umu lang-ane. Aitno lite dagar ke Ida Puda Yesus Krais. Iye Ida Puda ka plau wan itau lokono ka omur heven ina. Deka itodue elio kene vala ke osep ka pula keniye. Itodue elio kene ke osep leklou e elio silang ke osep leklou blang kovok. Aurou.

1 Pita 1:11

Ari Krais Ano Itau due aitno lisak deka nis isak ke elio ka mase Krais namani agegeng ka polou ke iye. Ano Itau nis osep napaprangan ina ke elio tonari deka tiwaiki tile omur lesen ma elio tonari polou lokono e elio itau lokono lange ma polou.

1 Pita 3:18

Aitno lumu mter ke Krais. Oglou iye mete aling kene batne ke udo elio epmes ina. Ite osep epmes ina e iye dong itau lokono. E iye mete ma iye paur ite ke Ida Tapolngon. Osep timluk Krais pampamu ine e iye mete deka Ida Tapolngon due poga tito ke ina denga e iye dong ano ke omur heven.

1 Pita 3:22

Yesus la ke omur heven kodong e iye dong ke Ida Tapolngon limla odung. Deka ensel e wan ansak ka urok arit dong lisak tini iye.

Pas ka Jut sogoe 1:21

Ida Tapolngon lana iye ke umu e ngawaiki aling aling aitno lumu mter ine. E umapara ke alo ka Ida Puda Yesus Krais aitno due umu e kar lumu mosongon ka dong vala dong ke umu.

Pelengon kukwopngon 1:11

Gute tonari wai langane. “Wan ka pula keniye ka amvati omsogoe ke pas e ampagei la ke sios lumorwo. Ampagei la ke sios ka dong ke armok Efesus e ke armok Smerna e ke armok Pergamum e ke armok Taiataira e ke armok Sardis e ke armok Filadelfia e ke armok Laodisia.”

Pelengon kukwopngon 1:17

Ngavati iye deka ngagene ngaduru ngamunu olwo boto ke kamla. Ngamunu langka gute ka mete kodong. Deka iye due limla odung duru kai ngong e wai langane. “Aitno lugom nesik sakam. Ngong gute ka oglou kodong ngadong e mase ma ngadong blang.

Pelengon kukwopngon 1:8

Ida Tapolngon ka Pmada ka ila arit ombatno lokono wai langane. “Ngadong mgongon lo-kono e ngadong batne lokono. E oglou kodong ngadong e eknikane ngadong e mase ma ngadong blang.”

Pelengon kukwopngon 2:8

Gute tonari wai blang langane. “Omsogo pelengon ke ensel ka dong ke sios ke Smerna. Pelengon tonari langane. Gute ka mgongon lokono e ka batne lokono ka oglou iye mete kodong e eknikane iye poga tito ke ina denga wai langane.