Hibru 12:16 - Aria New Testament

¹⁶ Umeile umu itau lama gute gesa airavu ke umu due elio isungon ina. Koke gute pul dogur ke Ida Tapolngon langka Iso pul dogur ke ila elio ka sirngen ina. Iso pli ila elio ka sirngen ina kesua sapanga due e iye waiki ngen ngangon vala.

Hibru 12:16 ပူးပေါင်းရင်းမြစ်များ

Mak 7:21

Kesua ke osep aitno lisak mter ke serimngen e isungon e panakongon e elio ka tipagam osep e elio ka tidue okwa.

Aposel 15:20

Ma itosogo pas gesa ka dangdang isak langane. ‘Ma umangen ngangon ka kakai sapingen gesa angaine e ke elio langane umopolou soulu ke Ida Tapolngon bitna sakam. Ma umodue elio okwa e elio isungon sakam. Ma umangen marau e ongwa ka osep tiger agune e ka ina marau dau dong ine sakam.’

Aposel 15:29

Ma umangen ngangon ka kakai sapi-ngen gesa angaine e ke elio langane umopolou soulu ke Ida Tapolngon bitna sakam. Ma umangen marau e ongwa ka osep tiger agune e ka ina marau dau dong ine sakam. Ma umodue elio okwa e elio isungon sakam. Langka umadar pelengon ane kovok ma umodong itau. Limem pelengon ane yagos.”

1 Korin 10:8

Ma itodue elio okwa langka isak leklou tidue kovok. Ke oklou kene osep ka inarak sasa langka 23,000 timete ine.

2 Korin 12:21

Oglou umodue elio epmes ina langane. Umodue elio soulu kap apmang e umodue okwa e umodue elio soulu ke osep amtarsak. E eknikane aitno lungong kro lama ngapolou ke umu e umu dau umabauluk aitno lumu ke lumu elio soulu kovok. E Ida Tapolngon due ngong mnak ngong ke omtomu e ngakngis omba ke umu pula.

Efesus 5:3

Ida Tapolngon ila osep umu deka umedidi ila elio itau e umodue elio soulu bitna bitna sakam. Umoklou lumu sasap e lumu soboget sakam. Umeisu ulik ulik sakam. Umangale osep leklou urok wan sakam. Lama osep tiwai umodue elio epmes ina gesa ka langane.

Efesus 5:5

E umeile kodong osep ka tiklou sasarak e urok soboget ma tidong ke omur ka Ida Tapolngon e Krais tiplaue kovok. E osep ka tidue elio soulu bitna bitna e tingale osep leklou urok wan ma tidong ke omur ka Ida Tapolngon e Krais tiplaue kovok. Osep ka tingale wan bitna bitna urok elio eriar langka aitno lisak la ke sapingen gesa ka tiwaiki isak inarak tapolngon.

Kolosi 3:5

Umemete kap Krais kodong deka umopul dogur ke elio bitna bitna ka taklak ina ka soulu. Elio bitna bitna langka elio ka osep tikepis pulu e elio isungon ina e elio ka aling aling osep tiwaiki tidue elio epmes ina bitna bitna e elio ka osep tingale osep leklou urok wan. Elio ngalengen ina iye langka osep tilotuim sapingen.

1 Timoti 1:9

Bokongon ka Moses ila sogongon due langka lua osep ka tidue elio itau kovok. Aurou. Ane ma lua osep ka tipul dogur ke Moses ila sogongon e tididi elio ka aitno lisak vri ke isak vala. E lua osep ka tipul dogur ke Ida Tapol-ngon e tidue elio epmes ina. E lua osep ka tididi Ida Tapolngon ila pelengon kovok e tididi ilengen ka taklak ina vala. Moses ila sogongon langka wai dagar ke osep ka timluk sipmarak e titnarak ma timete e osep ka tipagam osep.

Hibru 13:4

Pelengon silang blang lang-ane. Gingen elio itau e osep ka tigi ma tidue anit pulu. Ma gute due elio kap apmang silang koke apmang due elio kap gute arang silang kovok. Kesua Ida Tapolngon ma wade osep ka tidue okwa e osep ka tiusu pulu.

Pelengon kukwopngon 21:8

“E osep ka tilim ke wan bitna bitna koke osep ka tisongon aitno lisak ila dagar isak blang kla ke eiou ombatno. E osep ka tidue elio epmes ina bitna bitna ka soulo lokono e osep ka tipagam osep isak blang kla ke eiou ombatno. E osep ka tidue elio isungon e osep muso ina isak blang kla ke eiou ombatno. E osep ka tilotuim sapingen e osep yakngan ina isak blang kla ke eiou ombatno. Eiou ombatno tonari engil lokono e opmu salfa ka eiou ngene dong ine blang. Eiou tonari metengen orwo ina.”

Pelengon kukwopngon 22:15

E osep ka tidue elio isuk isuk ka soulu lokono e osep muso ina e osep ka tidue elio isungon e osep ka tipagam osep e osep ka tilotuim sapingen e osep yakngan ina ka tidue langane aling aling tidong dogur ke armok tonari e tikaranga tisepe kovok.