Hibru 12:14 - Aria New Testament

¹⁴ Umu arit umu ma aitno lumu epen kap osep ka pula keniye e umodue elio isuk isuk ka Ida Tapolngon aitno itau ine. E langka osep tidue elio isuk isuk ka Ida Tapolngon aitno itau ine kovok deka tikaranga tivati Ida Puda kovok.

Hibru 12:14 ပူးပေါင်းရင်းမြစ်များ

Mak 9:50

“Sol wan ka itau. E langka sol emlel ma umakaranga umodue ma polou galo blang kovok. Deka langane. Eriar langka sol ka galo lua itosep deka umodue elio itau ka tilua umu. E aitno lumu tidong epen pulu.”

Luk 1:75

Ma alo ka itodong ke udo mosongon itodue elio isuk isuk ka itau lokono e elio ka due ite itodong itau ke Ida Tapolngon bitna.

Pas ka Pol sogoe uti la ke osep Rom ina 12:18

Aitno lumu epen pulu. Langka aitno lumu langane ma umodong itau pulu.

Pas ka Pol sogoe uti la ke osep Rom ina 14:19

Ma itedidi elio bitna bitna ka due aitno lite epen pulu e elio isuk isuk ka ma due aitno lite ila dagar polou dagar lokono.

Pas ka Pol sogoe uti la ke osep Rom ina 6:22

E eknikane elio epmes ina plau umu kovok. Aurou. Ida Tapolngon klok lumu elio epmes ina kodong deka iye plau umu. Deka umodue elio itau vala. E elio itau ka umodue lua umu ma umopolou osep ka tidong itau e osuk ke Ida Tapolngon bitna. Ma umodong kap Ida Tapolngon e umodue lumu mosongon ka dong vala dong.

1 Korin 1:10

Sipmi. Ida Puda Yesus Krais iye kene deka ngawai ke umu langane. Ngawai ma aitno lumu kene pulu ke pelengon kene. Ma aitno lumu mter ke elio kene e ma lumu pelengon kene. Ma umadardar ke elio bitna bitna sakam.

1 Korin 13:12

E eknikane iteile emkil emkil ke Ida Tapolngon ila elio. Eriar langka itavati amtada ke glas ka itavati ite malak ine kovok e itavati langka rurut. E mase ma ite e Ida Tapolngon itavati amtada pulu e ma iteile lokono ke iye eriar langka eknikane iye ile ke ite.

2 Korin 6:17

E Ida Puda wai blang langane. “Umosongon isak e umo-dong mawa ke isak lama umeneklep ke elio soulu. E ma aitno lungong itau ke umu ka lou osep.”

2 Korin 7:1

Lou saten. Imodue Ida Tapol-ngon ila promis kodong. Deka ma itopul dogur ke elio soulu bitna bitna ka tidue pampamu lite e ante amum. Ma itodue anit ke Ida Tapolngon e itodue elio itau ka aitno itau ine.

Galesia 3:21

Ane langka Moses ila sogo-ngon para pulu kap Ida Tapolngon ila pelengon dagar koke aurou? Aurou lokono. Kesua langka Moses ila sogongon karanga lua ite ma itodong itau ke Ida Tapolngon bitna iye due kodong. E aurou lokono.

Efesus 5:5

E umeile kodong osep ka tiklou sasarak e urok soboget ma tidong ke omur ka Ida Tapolngon e Krais tiplaue kovok. E osep ka tidue elio soulu bitna bitna e tingale osep leklou urok wan ma tidong ke omur ka Ida Tapolngon e Krais tiplaue kovok. Osep ka tingale wan bitna bitna urok elio eriar langka aitno lisak la ke sapingen gesa ka tiwaiki isak inarak tapolngon.

Filipai 3:12

Ida Tapolngon waiki ito-polou itau lokono. E ngapolou langane dau kovok. Aurou. E ngong arit ngong ma ngadue prais eriar langka Krais Yesus due ngong ngapolou ila gute.

1 Tesalonaika 3:13

E ke elio langane Ida Tapolngon ma due aitno lumu dong dagar lokono. Deka alo ka Ida Puda Yesus bauluk me kap ila osep ma iye vati umu umodong itau lokono. Ma umodong itau lokono e lumu elio soulu gesa vri ke umu ke Ida Tapolngon ka Pmada bitna kovok.

1 Tesalonaika 4:7

Ida Tapolngon waiki ite ka ila osep itodue elio soulu kovok. Iye waiki itodue elio itau vala.

1 Tesalonaika 5:15

Langka osep tidue elio soulu ke umu ma umokoli urok elio soulu batne kovok. Aling aling umodue elio itau pulu e umodue elio itau ke osep ka pula keniye.

1 Timoti 6:11

Deka Timoti wom ka Ida Tapolngon ila gute ompul dogur ke elio soulu bitna bitna e ma omulou ine vala. E omboko engil ma omdue elio itau e omdue Ida Tapolngon ila bokongon e aitno lugom dagar lokono ke Krais. E wom lana wom itau lokono ke osep leklou e omdong dagar ke elio bitna bitna ka opru wom e omdue mada ke osep pula.

2 Timoti 2:22

Osep auram aitno leklou urok elio bitna bitna soulu. E ngawaiki ompul dogur ke elio soulu tonari. E emdidi Ida Puda ila elio ka langane vala. Aitno lugom dong dagar ke Ida Puda e wom lana wom ke osep e omgosok isak aitno lumu epen pulu. Omdue langane kap Ida Puda ila osep ka aitno lisak itau lokono e tiwai itau ke Ida Puda.

Hibru 12:10

Sipmada ke taklak ane tididi aitno lisak e timosi ite sasi boto vala. E Ida Tapolngon mosi ite ma lua ite ma udo elio polou itau langka ila elio itau.

Hibru 9:28

Krais mete langka wan ka osep tidue elio opmu ina ine aling kene vala. Deka ma iye polou aling silang blang ma kli udo elio epmes ina aling silang blang kovok. Aurou. Iye ma iding e lua osep ka tipara ke iye.

1 Pita 3:11

Ma iye pul dogur ke elio soulu e due elio itau vala. Iye arit iye e boko engil ma aitno epen kap osep leklou.

1 Pita 3:13

Langka umu arit umu e umoboko engil ma umodue elio isuk isuk ka itau ke osep amtarsak gute sei ma due elio soulu ke umu ine?

2 Pita 3:11

Ngawaiki aitno lumu mter itau. Mase wan tonari ma polou yagos e oku ane umu kenmu kenmu umodue elio isuk isuk ka lange? Ma umodue elio isuk isuk ka itau ka Ida Tapolngon aitno itau ine.

2 Pita 3:18

Ngawaiki Ida Puda ka Ida Luangan Yesus Krais ila makaingan res polou omba ke aitno lumu e umeile iye itau. Eknikane itakakai angaine tito la egim e mase ma itakakai angaine tito la egim dong vala dong. Lokono.

3 Jon 1:11

Lou aten ka ngong lana ngong ke wom. Amkana elio soulu kovok. Aurou. Amkana elio itau vala. Kesua gute ka due elio itau vala iye Ida Tapolngon ila gute e gute ka due elio soulu iye ile Ida Tapolngon kovok.