Hibru 11:6 - Aria New Testament

⁶ E langka aitno lite dagar ke Ida Tapolngon kovok deka itakaranga itodue elio gesa ka Ida Tapolngon aitno itau ine kovok. Kesua gute ka waiki polou olwo boto ke Ida Tapolngon ma aitno dagar ke elio ka Ida Tapolngon dong e iye kar wan itau itau ke osep ka tikrim ke iye e tipado iye.

Hibru 11:6 ပူးပေါင်းရင်းမြစ်များ

Matyu 11:26

E aitno lugom itau e omdue elio ane.”

Matyu 5:12

Aitno lumu neser e aitno lumu itau ine kesua ma umodue wan ka itau ke omur heven. Kesua oglou osep tidue elio soulu langane blang ke osep napaprangan ina ka tidong mgo ke umu.”

Matyu 6:16

“E alo ka umepli upu ngangon ma aitno lumu la ke Ida Tapolngon umodue omtomu polou langka aitno lumu itau kovok langka osep ka aitno lisak orwo tidue kovok. Osep tonari tidue langane kesua tiwaiki osep tipalem isak e tile tipli inarak ngangon ma aitno lisak la ke Ida Tapolngon. Ngawai lokono ke umu langane. Tidue urok klingen ine kodong.

Matyu 6:33

E wan ane mgo ke wan ka pula keniye. Umosongon Ida Tapolngon vri mgo ke umu e umodue elio ka itau e osuk ke bitna. E ma iye kar wan bitna bitna tonari ke umu blang.

Matyu 6:5

“E alo ka umawai itau ke Ida Tapolngon umodue langka osep ka aitno lisak orwo tidue kovok. Tiwaiki tivri e tiwai itau ke duningen ina ninu e ke ekreng omba galna ma osep tipalem isak. Ngawai lokono ke umu. Tidue urok klingen ine kodong.

Mak 16:17

E osep ka aitno lisak me dagar ke ngong ma tidue elio arit ina ka nisngen ke osep amtarsak langane. Ma tisapir angelo soulu ka tidong ke osep batne ke ngong. E ma tiwai ke tokples oku ina ka oglou tile ine kovok batne ke ngong.

Luk 12:31

E umu vala umosongon Ida Tapolngon vri mgo ke umu e ma iye kar wan silang ke umu blang.”

Luk 6:35

E umu lana umu ke upu oul e umodue elio itau e umakar lumu mani ke osep e aitno lumu mter ke ila kolingen kovok. Deka ma umodue lumu klingen ombatno e ma umodong Ida Tapolngon ka dong egim lokono titno umu. Kesua iye tona due mada ke osep ka aitno lisak itau kovok ke wan ka iye due e iye due mada ke osep ka soulu bitna.

Jon 14:6

E Yesus koli wai langane. “Ngong tona vala ekreng e ngong pelengon lokono batne e ngong mosongon ka dong vala dong batne. E ekreng silang dong ka osep tikaranga tididie e tipolou ke Livou kovok. Aurou.

Jon 8:24

Ke batne ane ngawai ke umu langane. Langka dau umodue elio epmes ina ma umemete ine. Ngawai ke umu ngong Gute Ka Ngadong Kodong e langka aitno lumu dagar ke ngong kovok ma umemete ke lumu elio epmes ina vala.”

Pas ka Pol sogoe uti la ke osep Rom ina 10:14

E osep ka aitno lisak dagar ke Ida Tapolngon ila pelengon kovok ma tipmi Ida Puda ine kovok. E silang blang langane. Osep ka tile Ida Tapolngon ila pelengon kovok ma aitno lisak karanga la dagar ine kovok. Langka osep tinapapra Ida Tapolngon ila pelengon ke isak kovok ma tidue lange ma tile ine?

Galesia 5:6

Langka gute dong ke Krais Yesus deka elio ulangngan ina iye wan adai vala e elio ka gute due elio ulangngan ina kovok iye wan adai blang. E elio ka aitno lite ila dagar sruk ite ma ite lana ite ke osep leklou elio langane iye wan lokono.

Hibru 11:26

Aitno mter langane. Langka ngong mnak ngong batne aitno lungong la ke gute Krais ka Ida Tapolngon wai dagar ma iye pagei me deka elio ane mole brokngon ka pula keniye ka dong ke omur Isip. Moses aitno mter langane kesua aitno mter mase ma Ida Tapolngon kar ila kerengen ka itau lokono ke iye.

Hibru 3:12

Sipmi. Umeile umu itau lama gute gesa airavu ke umu due elio epmes ina e pono aitno ke Ida Tapolngon. Deka iye pul dogur ke Ida Tapolngon.

Hibru 4:2

E iteklingen Ida Tapolngon ila omon itau langka oglou osep Israel ina tiklingen ine. Tiklingen ine e dau aitno lisak la dagar ine kovok deka pelengon tonari lua isak kovok.

Hibru 4:6

Oglou osep ka tiklingen Ida Tapolngon ila omon itau tipul dogur ine. Deka ma tisep ke omur ka tikaranga timtong ine kovok. E oku ane osep ka tiklingen omon itau e aitno lisak la dagar ine tikaranga tisep ke omur tonari.

Hibru 7:19

E Moses ila sogongon karanga due osep tipolou itau lokono ke Ida Tapolngon bitna kovok. Deka Ida Tapolngon due ekreng oku ka mole Moses ila sogongon ma itakaranga itopolou olwo boto ke Ida Tapolngon ine.

Hibru 7:25

Iye gute loulou ina ka dong vala dong deka iye karanga lua osep ma isak kla olwo boto ke Ida Tapolngon batne ke ila bokongon. Kesua iye dong vala dong ma iye wai itau ke Ida Tapolngon ke isak.

2 Pita 1:10

Sipmi. Ida Tapolngon gi umu e rere umu ila osep kodong. Deka umu arit umu ma umodue elio isuk isuk ka itau ma umeile omur Ida Tapolngon rere umu ila osep umu. Langka umodue langane ma umopul dogur ke iye kovok.

2 Pita 1:5

Ida Tapolngon lua umu itau deka aitno lumu mter omba ine. Aitno lumu ila dagar la ke Ida Tapolngon kodong deka umodue elio isuk isuk ka itau vala. Umodue elio langane deka umu arit umu ma umodue ilengen itau ka la ke Ida Tapolngon.

2 Pita 3:14

Sipmi. Ngong lana ngong ke umu e ngawai langane. Umapara ke alo ka wan tonari polou deka umu arit umu ma umodue elio itau vala ma umodong itau ke Ida Tapolngon bitna. E aitno lumu dong epen kap iye.

Pelengon kukwopngon 21:8

“E osep ka tilim ke wan bitna bitna koke osep ka tisongon aitno lisak ila dagar isak blang kla ke eiou ombatno. E osep ka tidue elio epmes ina bitna bitna ka soulo lokono e osep ka tipagam osep isak blang kla ke eiou ombatno. E osep ka tidue elio isungon e osep muso ina isak blang kla ke eiou ombatno. E osep ka tilotuim sapingen e osep yakngan ina isak blang kla ke eiou ombatno. Eiou ombatno tonari engil lokono e opmu salfa ka eiou ngene dong ine blang. Eiou tonari metengen orwo ina.”