Hibru 11:40 - Aria New Testament

⁴⁰ Kesua oglou kodong Ida Tapolngon aitno mter ma iye due elio ka itau lokono ke ite ka pula keniye. Deka iye waiki isak timgo ke ite kovok. Aurou. Iye waiki ite ka pula keniye itopolou itau lokono ke aling kene vala.

Hibru 11:40 ပူးပေါင်းရင်းမြစ်များ

Hibru 11:16

E tidue langane kovok. Aurou. Tikrim ke omur ka mole urok omur oglou ina. Tikrim ke omur heven. Deka tiwai ke Ida Tapolngon langane. “Wom Ipem Tapolngon.” E Ida Tapolngon mnak iye ke urok pelengon tonari kovok e iye rere armok ma tidong ine.

Hibru 5:9

Elio tonari polou ke iye deka iye polou gute ka lua osep ke urok elio epmes ina. Deka iye lua osep ka tini iye ke urok elio epmes ina dong vala dong.

Hibru 7:19

E Moses ila sogongon karanga due osep tipolou itau lokono ke Ida Tapolngon bitna kovok. Deka Ida Tapolngon due ekreng oku ka mole Moses ila sogongon ma itakaranga itopolou olwo boto ke Ida Tapolngon ine.

Hibru 7:22

Ida Tapolngon wai dagar ke iye tona angaine deka ke batne langane Yesus due kontrak oku ina polou. E kontrak oku ina mole Moses ila sogongon.

Hibru 8:6

Ida Tapolngon rere Yesus udo gute loulou ina e ila bokongon mole osep loulou ina urok bokongon. Kesua Ida Tapolngon ila kontrak oku ina ka Yesus due polou mole Moses ila sogongon. E wan ka Ida Tapolngon wai promis ma iye kare ke ila osep mole Moses ila sogongon blang.

Hibru 9:23

Elio bitna bitna ka osep tidue ke Ida Tapolngon ila ninu molo ina isak nisngen ke wan lokono ka dong ke omur heven. E osep tiser ongwa bitna bitna inarak marau ma tidue ninu molo ina polou itau. E tikaranga tiser ongwa ina marau ma Ida Tapolngon ila ninu ke omur heven polou itau kovok. Aurou. Yesus ina marau vala ka mole ongwa inarak marau karanga due ninu tonari polou itau.

Pelengon kukwopngon 6:11

Deka osep ke omur heven tikar molo alang ka okou ke osep tonari isak kensak kensak. E tiwai ke isak langane. “Umu ma umomtong boto gesa da. La lama osep timluk osep leklou ka tiboko eriar langka oglou umoboko ine blang. Kesua Ida Tapolngon iye rere osep sesue ka ma osep timluk isak ma timete.”