Hibru 11:4 - Aria New Testament

⁴ Abel aitno dagar ke Ida Tapolngon deka iye due elio opmu ina. E Ida Tapolngon aitno itau ke wan ka Abel due elio opmu ina ine e aitno itau kovok ke wan ka Kein due elio opmu ina ine. Abel aitno dagar ke Ida Tapolngon deka Ida Tapolngon sir iye gute ka itau e osuk. E eknikane lama oglou iye mete kodong aitno ila dagar dau nis ite ma aitno lite dagar ke Ida Tapolngon.

Hibru 11:4 ပူးပေါင်းရင်းမြစ်များ

Matyu 23:35

E Ida Tapolngon ma ules umu batne ke elio tonari ka osep tidue burwa ke osep ka urok elio itau e osuk. Nogrum ke Abel ka iye itau e osuk iding ke Sekaraia ka iye Berekia otno arang ka lumu seia tidue burwa ke iye airavu ke Ida Tapolngon ila ninu e bota ka tidue elio opmu ina ine.

Luk 11:51

Tidue burwa ke osep napaprangan ina nogrum ke Abel me iding ke Sekaraia ka tidue burwa ke iye airavu ke Ida Tapolngon ila ninu e bota ka tidue elio opmu ina ine. Ngawai lokono ke umu. Osep tonari urok metengen batne ma munu pes umu ka umodong oku ane.”

Taitus 1:16

Tiwai langane. “Imeile Ida Tapolngon.” E dau urok elio ka tidue iye nisngen langane. Tipul dogur ke Ida Tapolngon kodong. Tididi Ida Tapolngon ila pelengon kovok e tikaranga tididi elio itau gesa kovok. Deka Ida Tapolngon aitno engil lokono ke isak.

Hibru 11:2

Osep ka tidong oglou aitno lisak dagar langane deka Ida Tapolngon aitno itau ke isak ine.

Hibru 12:1

E osep pula pula tonari ka aitno lisak dagar ke Ida Tapolngon langka tidong lelei ke ite e tinis ite ke elio itau. Deka ma ite arit ite eriar langka osep ka tisuong ke resis ma itodue wan ka Ida Tapolngon waiki itodue. Ma itosongon elio keniye ka dangdang ite ke resis tonari e itosongon elio epmes ina ka kis dagar ke ite.

Hibru 12:24

Umopolou ke Yesus ka loulou ke ite ke Ida Tapolngon ila kontrak oku ina. E umopolou ke Yesus ina marau ka baser polou e kli udo elio epmes ina e lua ite. Yesus ina marau nisngen omba e mole Abel ina marau.

Hibru 5:1

Alo ka Ida Tapolngon waiki rere gute loulou ina ka mgo iye rere gute tonari ke itosep. Iye rere gute ma iye due ila bokongon airavu ke osep. E silang blang ma iye due elio opmu ina ke wan ka osep tipaure ma tidue elio opmu ina ine ke Ida Tapolngon. Iye due langane batne sisrok urok elio epmes ina.

Hibru 9:22

Moses ila sogongon wai marau vala karanga due wan bitna bitna tipolou itau ke Ida Tapolngon bitna. E langka ongwa ina marau baser kovok deka ma Ida Tapolngon klok osep urok elio epmes ina kovok.

2 Pita 2:8

Kesua Lot gute itau e osuk e iye dong airavu ke osep epmes ina. Ke oklou kene kene iye vati urok elio soulu e iye klingen urok pelengon soulu deka aitno soulu lokono ine.

Pas ka Jut sogoe 1:11

Aisudo. Isak ma tidong soulu va. E tikana elio ka oglou gute Kein due. E aitno lisak la ke mani langka oglou gute Balam aitno la ke mani deka tidue elio bitna bitna ma tidue mani ine. E tipul dogur ke Ida Tapolngon langka oglou gute Kora pul dogur ke Ida Tapolngon. Deka ke elio tonari Ida Tapolngon due agegeng ke isak e timete ine.