Hibru 11:36 - Aria New Testament

³⁶ E osep leklou tiwai apok ke osep ka aitno lisak dagar ke Ida Tapolngon. E tiules osep leklou e tipou osep leklou ke sen e tidue isak tisep ke kalabus.

Hibru 11:36 ပူးပေါင်းရင်းမြစ်များ

Matyu 20:19

E ma tipaur iye ke osep ka isak osep Yuda ina kovok e osep tonari ma tidue apok ke iye e tiules iye e tinilim iye ke ina akai. E dau mase oklou eklu mela yagos deka ma iye poga tito ke ina denga.”

Matyu 21:35

E osep ka tidong tiboko ke yage tidue wokboi nating tonari e timluk gute kene e timter gute silang ma iye mete e tiuri opmu ke gute silang.

Matyu 23:34

Ke batne langane ma ngapagei osep napaprangan ina e osep ka urok ilengen omba e osep ka tiparere umu ke Ida Tapolngon ila pelengon ke umu. E umodue burwa ke isak leklou e umenilim isak leklou ke inarak akai e umoules isak leklou ke lumu duningen ina ninu e umesik isak kla ke armok armok.

Matyu 27:26

Deka Pailat songon Barabas ke isak e wai ma osep tiules Yesus deka tikar iye ke osep ma tinilim iye ke ina akai.

Mak 10:34

Deka ma tingen agom ke ngong. Ma tipi omsok duru ke ngong. Ma tiules ngong pula e ma tidue burwa ke ngong ma ngamete. Deka ma osep leklou tiyas pampamu lungong ke ngau denga deka ma ngamunu ine. Ma ngamunu ine la lama oklou eklu mela yagos deka ma ngapoga ngatito ke ngau denga.”

Luk 18:32

Ma osep tikar iye ke osep ka isak osep Yuda ina kovok. Ma tidue apok ke iye e tidue elio soulu ke iye e tiuri omsok ke iye.

Luk 23:11

Deka Herot kap ila osep ola ina tidue elio soulu e tiwai apok ke iye. E titnei Yesus ke molo ka itau lokono e tivai iye iding ke Pailot.

Luk 23:36

E osep ola ina blang tidue apok ke iye e tipolou olwo boto ke iye e tiwaiki tikar iye galou wain ka meli.

Aposel 21:33

E osep ola ina inarak plaungan ka mgo polou ke Pol e tikis iye dagar. E iye wai ke osep ola ina langane. “Umodue sen orwo e umopou iye ine.” Deka iye pmi osep pula langane. “Gute ane iye sei? Iye due sua?”

Aposel 24:27

E alo ka tobor orwo mela yagos gute Porsius Festus kasip Feliks amune e due ila bokongon. E Feliks waiki osep Yuda ina aitno lisak itau ke iye deka iye due Pol dau dong ke kalabus.

Aposel 4:3

Deka tikis Pita orwo Jon e tipaur isak kla tidong ke kalabus aitno kesua kirui polou kodong. Tiwaiki tidong ine ma kotkotu tiklingen urok pelengon.

Aposel 5:18

Deka tikis osep aposel dagar e tipaur isak kla tisep ke kalabus e tidong kap osep sosoulu.

Aposel 5:40

Osep tiklingen Gamaliel ila pelengon e tididie. Deka tigi osep aposel ma tipolou ke amtarsak blang. Deka tiules isak e tidangdang isak lama tinapapra osep ke Yesus ila omon itau blang deka tisongon isak kla.

Aposel 8:3

E Sol aitno amnga iye lokono ke osep ka aitno lisak dagar ke Yesus e iye waiki due agegeng ke isak keniye. E iye la ke urok ninu kene kene deka kis osep arang e apmang dagar e due isak kla tisep ke kalabus deka tidong ine.

Efesus 3:1

Ngong Pol nganapapra Ida Tapolngon ila omon itau ke umu ka osep Yuda ina kovok. Deka osep Yuda ina leklou aitno lisak engil lokono ke ngong ine e tidue ngong ngadong ke kalabus ane. Ngadong ine e ngawai itau ke Ida Tapolngon ma iye lua umu.

Efesus 4:1

Osep leklou tidue ngong ngadong ke kalabus ane kesua ngaboko ke Ida Puda ila bokongon. E Ida Tapolngon rere umu ila osep umu deka ngawai dagar ke umu langane. Umodue elio itau ka iye waiki umodue ma lumu elio isuk isuk keniye itau.

2 Timoti 1:16

Ngawaiki Ida Puda due mada ke gute Onesiforus kap ila osua kesua aling pula iye lua ngong e due aitno lungong dong itau. E silang blang ngadong ke kalabus e iye mnak iye ke ngong kovok.

2 Timoti 2:9

Nganapapra Ida Tapolngon ila omon itau e ke batne ane osep tidue agegeng ke ngong. Tidue sen e tipou lungu e kongu ine e tidue ngong ngasep ke kalabus langka ngong gute soulu bitna. E osep tikaranga tidangdang omon itau kovok.

Hibru 10:34

E alo ka osep tidue lumu saten tisep ke kalabus deka aitno lumu langka umodong ke kalabus kap isak. E alo ka osep tipi lumu wan deka aitno lumu epen ine kesua umeile lumu wan ka mole wan tonari dong para ke umu ke omur heven.

Pelengon kukwopngon 2:10

Isuk boto ma osep tidue agegeng ke umu. E umoulou tarna lumu ke elio tonari kovok. Umoklingen. Satan due elio ane deka osep tidue umu leklou ma tidong ke kalabus. Elio ane ma tok umu. Deka ma umanamani elio ka opru umu iding ke oklou songotno. E umekis dagar ke aitno lumu ila dagar e langka umemete kape are wan gesa kovok. Umodue langane deka ma ngakar lumu mosongon ka itau lokono ke umu langka upu prais.’”